Jeremías 31:2 - Qullan Arunaca

² Tatitojj siwa: “Jiwañat jaltaniri marcampejja, wasaran qhuyapayasiñajj uñacht'ayäyäta. Cunapachatejj Israel marcajj samart'añataqui thakascän,

Aymar Bibliia 1986

² Tatitojj siwa: “Jiwañat jaltaniri marcampejja, wasaran qhuyapayasiñajj uñacht'ayäyäta. Cunapachatejj Israel marcajj samart'añataqui thakascän,

Qullan Arunaka DC

² Tatitux siwa: “Wasaran sarnaqapkäna ukkhaxa, nayax jach'a munasiñax uñacht'äniwayta. Nuwasiñan jan jiwarapki ukanakarux samart'äniwaytwa.

Jeremías 31:2 Jak'a apnaqawi uñst'ayäwi

Salmos 78:52

Israel marcarojj mä ovej tamar uñtat irpsunïna; tamar uñtat wasar chekanjam anaquïna.

Salmos 95:11

Ucat k'apisiñajjan juramento lurta: Janiw samarañajjar mantapcaniti” sasa.

Éxodo 1:16

—Cunapachatejj israelita warminacaru partot usuyapcäta ucqhajja wali amuyapjjäta uca wawajj imillati jan ucajj yokallacha uca toketjja, imill wawäni ucasti jacascpan, yokall wawäni ucqhasti ucspach jiwayapjjam —sasa.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Éxodo 12:37

Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Éxodo 2:23

Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Éxodo 33:14

Ucatsti Tatitojj sänwa: —Nayawa jumampi chica sarascäjja, uqhamarac samarañsa churaraquïmawa —sasa.

Éxodo 5:21

Jupanacarusti sapjjänwa: —Tatitusti jumanacarojj mutuypan cuntejj lurapcta uca uñjasinjja. Jumanacawa juchanïpjjtajja faraonampi, jilïri lurayirinacapampi uqhama nanacar uñisiñapataquejja. Uqhamarac jumanacaraquiw espadanacsa aptayapjjta nanacar jiwarayañapataquejja.

Jeremías 2:2

“Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Ezequiel 20:35

Wasara tokenacan marcaparuw irparaquëjja, ucanjja ajanuy ajanupuniw uñcatasipjjaraquëjja luratanacapat wayt'asa,

Oseas 11:4

Suma koña chuymampi, munasiñampiwa lasumpjama nayarojj apcatasta; ajanojjaruraquiw apcatt'asta, ñuñuyañ wawanacäcaspas uqhama; jupanacar mank'ayañataquis waquichasiractwa,

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 14:20

Tatitu Diosajj sänwa: —Waliquiwa, nayasti perdonapjjämaw mayitamarjama.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Deuteronomio 1:30

Jumanacan Tatitu Diosamaw jumanacan nayräjjam sarasqui, ucatsti jumanacat arjjatasaw nuwasini, cunjämtï Egipto marcan lurir uñjapjjta uqhama.

Deuteronomio 1:33

cawquïritï jumanacan nayranacam sarcäna cawqharutï puripjjañamäcän uca thakeri, arumasti ninampi thaqui khant'ayasa, jumanacan sarapjjañamataqui, urusti mä kenayampiraqui thac uñacht'ayasa.

Deuteronomio 12:9

Chekpachansa janïraw jumanacajj samarañ oraker puripctati, cawquïri oraktejj Diosajj churapjjtam ucaru.

Deuteronomio 2:7

Jumanacan Tatitu Diosamaw bendicipjjaractam take cuntï lurapcta ucanacansa; juparaquiw aca pusi tunca maranacas yanapapjjtam, imapjjaractamwa aca wasaran sarnakapcta ucansa, jan cun pist'ayasa.

Deuteronomio 8:16

Ucatsti wasaranjja maná sat mank'a mank'ayapjjtam, cawquïri mank'tï jumanacan awquinacamajj jan uñt'apcäna, jupanacan llamp'u chuymanïñ yatekapjjañapataqui, uqhamwa ucanacajj jumanacan asquimataquiraquïnjja.

Josué 1:13

—Tatitun sirviripa Moisesan arunacapat amtasipjjam. Jupasti ewjjawayapjjtamwa jumanacan Tatitu Diosamajj aca orake churapjjätam samarapjjañanacamataqui —sasa.