Jeremías 31:4 - Qullan Arunaca

⁴ Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Aymar Bibliia 1986

⁴ Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Qullan Arunaka DC

⁴ Israel marka, jumarux wasitat sayt'ayxäma. Wasitat chhullu chhullunakampi, k'uchik thuqt'asir jutäta.

Jeremías 31:4 Jak'a apnaqawi uñst'ayäwi

2 Reyes 19:21

Tatitusti Asirianquiri reyip tokjja, aqham arunacwa arsüna: “Sión marcasti, mä tawakjamawa, juma Senaquerib reyit larustam. Jerusalenajj sawcasisaw p'ekep qhiwi, jumajj sarjjta ucqhajja.

Salmos 149:3

Thokoñanacamp sutiparojj jach'añchapjjam, arpanacampi, chhulluchhullunacamp k'ochupjjam.

Salmos 30:11

Jachañajjarojj cusisiñaruw quipstaytajja, llaqui is apakasinjja, cusisiñ isimpiw isthapiyistajja;

Salmos 51:18

Tatay, munasiñam laycuy Sión marcarojj asc luram, Jerusalenan perkanacap wasitat sayt'ayam.

Salmos 69:35

Diosaw Sión marcarojj khespiyani, Judá orakenquir marcanac wasitat sayt'ayani, uywatanacapan wawanacapaw ucanac catokasjjapjjani, sutipar munirinacajj ucan jacasjjapjjani.

Isaías 14:1

Jïsa, Tatitojj Jacobotjja qhuyapt'ayasiniwa, Israelarusti wasitatwa jupan ajllisitapat uñt'asjjani, israelita jakenacasti wasitatwa orakenacaparojj utjnokasjjapjjaraquini. Jaya marcan utjir jakenacasti jupanacarojj jac'achasipjjaraquiniwa, Jacobon marcapampisti mayachasjjapjjaraquiniwa.

Isaías 30:32

sapa jawk'a Tatitojj churcani ucqhasti tamboranaca, arpanacaw suenapjjani. Tatitojj jupanacarojj walpun nuwjani.

Isaías 37:22

Tatitusti Asirianquir reyitjja aqham saraquiwa: “Senaquerib, Sión marcajj mä tawakjamaw jumatjja larusi. Cunapachatejj jumajj sarjjta ucqhajj Jerusalén marcajj p'eke qhiwisisaw larusi.

Jeremías 1:10

“Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa.

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 18:13

Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja!

Jeremías 24:6

Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Jeremías 31:13

Tawakonacajj c'uchiquiw thokt'asipjjani, waynanacasa, chuymani jakenacasa uqhamaraqui. Nayaw jupanacarojj chuymacharaquï, jachatanacapsa cusisiñaruw tucuyaraquï, t'akhesiñanacapat sipansa juc'ampi jach'a cusisiñwa churäjja.

Jeremías 31:21

“Israel, jichhajj thaquinacam suma chimpusim, uqhamat wasitat janc'aqui jicjjatjjañamataqui; cawquïri thaquinacantejj sarnakcäyäta ucanacjja sum amuyam. ¡Israel marca, cuttanjjam, cuttanjjam marcanacamaru!

Jeremías 31:38

Tatitusti siwa: “Mä uruw purinini cunapachatejj marcajjajj wasitat utachatäjjani uca urojja, Hananeel sisqui uca torret kalltasina, Ángulo puncu sisqui ucacama.

Jeremías 33:7

Judá marcana, uqhamaraqui Israelan sarnakäwipsa sumaruw tucuyjjaraquï, ucatsti wasitatwa jupanacarojj sayt'ayjjä: cunjämäpcäntejj kalltanjja uqhamäjjapjjañapataquiraqui.

Jeremías 46:11

“¡Egipto marca, Galaad oraker saram kolla thakeri! ¡Ucampisa kawkha kollampisay kollasiscam, janiw ucanacajj cunataquis asquïcaniti, kollasti janiw jumataquejj utjcjjeti!

Lamentaciones 1:15

Tatitojj qhitinacatejj nayaru ch'amampi arjjatapquitäna take ucanacarojja jayaruw apanucjje. Nayjjarusti mä ch'amani ejército apayaniraqui, uqhamat nayan jan ajjsariri jakenacajjaru tucjañataqui. Tatitojj Judá marcarojj mä wawa tawakorjamaw tacsu, cunjämatejj uvajj vino ch'irwsuñataquejj tacsutajj uqhama.

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Amós 5:2

Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.

Amós 9:11

“Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.

Lucas 15:23

Suma liq'i vaca kall irptanisin qharsupjjam. ¡Mank'apjjañäni, uqhamarac fiesta luraraquiñäni!

Hechos 15:16

‘Aca khepatjja cuttanïwa, ucat wasitat Davidan tincut utapjja sayt'ayäjja. Lakay perkanacapsa asquichthapiraquïwa. Wasitataracwa sayt'ayäjja.

Jueces 11:34

Cunapachatejj Jefté chachajj Mizpa sat chekanquir utaparu cutt'jjäna ucqhajja mä sapa phuchapawa catoker mistsunïna thokt'asisa, uqhamarac pandera sat instrumentonaca toct'asisa. Uca phuchapata yakha wawapasti janiw utjcänti.