Jeremías 3:8 - Qullan Arunaca

⁸ nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.

Aymar Bibliia 1986

⁸ nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.

Qullan Arunaka DC

⁸ nayan Israel markar nayatak sayt'asitapat apanukutaxsa uñjiwa, yaqha diosanakar yupaychatapat apanukutaxsa uñjarakiwa. Ukampis Judá markax janiw kunsa axsarkiti, jan ukasti jupax yaqha diosanakar yupaychirix sararakikiwa.

Jeremías 3:8 Jak'a apnaqawi uñst'ayäwi

2 Crónicas 21:11

Ucjjarusti jupajj Judá kollunacarojja yakha diosanacan santuarionacapwa lurayäna, ucatsti jupaw juchanïnjja Jerusalenanquir jakenacana jan sum Tatitur arcapjjatanacapatjja, ucatsti Judá marcarojj maysaruw saranucuyäna.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 3:1

Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 33:24

“¿Amuytati cunjämsa jakenacajj parlapjje nayan Judá orakeru, uqhamaraqui Israelaru apanucutajjatjja? ¡Ucatwa marcajjarojja jisc'achañampi uñjapjje, janiraquiw mä marcarjamas uñjapquiti!

Jeremías 5:7

Tatitojj siwa: “¿Cunjämsa jichhajj take ucanac perdonäma? Wawanacamajj nayarojj apanucuwayapjjetuwa, ucatsti cawquïrinacatejj jan diosäpqui ucanacjjaruw juramento lurapjje, mank'sti jilarquirwa churta, ucatsti takpachaniw yakhampi sarnakañarojj catuyasipjjaraqui.

Ezequiel 16:46

Amsta tokensti jilïri cullacamaw ucancänjja, ucasti Samaria marcawa, jisc'a marcanacapampi cuna, aynach tokensti sullca cullacamaw ucancaraquïnjja, ucasti Sodoma marcaraquiwa, jisc'a marcanacapampi cunaraqui.

Ezequiel 16:47

Jumasti, jupanacjamaw luraractajja, cuna k'añu luräwinactejj jupanacajj lurapcän ucanacwa luraractajja. Ucanacampi jan sisthapisasa, juman sarnakäwinacamajj jupanacan sarnakäwinacapat sipansa juc'ampi jan walïnwa.

Ezequiel 16:51

Samaria marcat parlañansti, uca marcajj janiw ni chicat juchanacamsa lurquiti; jumasti jupat sipansa juc'ampi ajjtascaña juchanacwa lurtajja; uqham juchanac sinti luratamajja, uca marcanacajj janis juchanïpcaspa uqhamäpjjew juma nayrakatanjja.

Ezequiel 23:44

Ahola ucaru uqhamaraqui Aholiban ucaruw jutapjje, uca warminacasti munañanacaparu sarnaker warminacawa, uca jucha lurir warminacan ucaruw sarapjjejja.’

Ezequiel 23:9

Ucatpï nayajj munirinacapan amparaparu catuyayätjja, asirio jakenacan amparanacaparu, qhitinacattejj jupajj wali chuyma cawcst'ayascäna ucanacaru.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Deuteronomio 24:1

“Mä jaketejj mä warmiru irptasisina jupampi casarasini, ucatsti janirac jupajj muncjjaniti, jupan k'añu sarnakatapa jicjjatani, ucapachasti mä certificado kellkt'ata jaljtañatac churjjani, utapat qhitanucjjasaraqui.

Deuteronomio 24:3

ucattï uca khepa chachapajj uqhamaraqui juparojj jisc'achjaraquini, ucat mä certificado kellkt'ata jaljtañatac churjjaraquini, utapatsa qhitanucjjasaraqui, ucjjarusti aca khepa chachapajj jiwjjaraquini,