Jeremías 3:8 - Qullan Arunaka DC

⁸ nayan Israel markar nayatak sayt'asitapat apanukutaxsa uñjiwa, yaqha diosanakar yupaychatapat apanukutaxsa uñjarakiwa. Ukampis Judá markax janiw kunsa axsarkiti, jan ukasti jupax yaqha diosanakar yupaychirix sararakikiwa.

Aymar Bibliia 1986

⁸ nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.

Qullan Arunaca

⁸ nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.

Jeremías 3:8 Jak'a apnaqawi uñst'ayäwi

2 Crónicas 21:11

Ukxarusti Joram reyix Judá qullu patanakanxa yaqha diosanakar yupaychañ utanak lurayäna, jupaw Jerusalenankir jaqinakan Tatitur jan sum arkañapatakix juchanïna, Judá markarux maysaruw saranukuyäna.

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 33:24

“¿Amuytati kunjämsa jaqinakax parlapxi nayan Judá uraqiru, Israelaru apanukutaxatxa? ¡Ukat markaxarux jisk'achañampi uñjapxi, janirakiw mä markarjamas uñjapkiti!

Jeremías 5:7

Tatitux siwa: “¿Kunjämsa jichhax taqi ukanak pampachäma? Wawanakamax nayar apanukupxituwa, ukatsti jan chiqa diosäpki ukanakxaruw juramento lurapxi. Jupanakarux jilarkir manq'añ churta, ukampis taqpachaniw yaqha diosanakar yupaychapxaraki.

Ezequiel 16:46

Jilïr kullakamasti amsta tuqinkir Samaria markawa, jisk'a markanakapampi kuna; sullka kullakamasti aynach tuqinkir Sodoma markawa, jisk'a markanakapampi kuna.

Ezequiel 16:47

Jumasti, jupanakjamarakiw q'añu luräwinakapa lurtaxa. Ukanakampi jan sisthapisasa, juman sarnaqäwinakamax jupanakan sarnaqäwinakapat sipan juk'ampi jan walïnwa.

Ezequiel 16:51

Samaria markasti, janiw juman jucha luratamat sipan chikat juchsa lurkänti. Jumasti jupat sipansa juk'ampi axtaskañ juchanak lurtaxa; ukham juchanak sinti luratamaxa, uka markanakax juma nayraqatan janis juchanïpkaspa ukhamäpxiwa.

Ezequiel 23:44

Ukhamapuniw lurasïna. Oholá Oholibá uka jan wali warminakampix mayampi mayampi wachuqa jucha lurañatakix ikintapxäna.

Ezequiel 23:9

Ukatpï nayax asirio munirinakapan amparapar katuytxa, jupanak layku chuymap kawkst'ayaskän ukanakaru,

Oseas 3:4

Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Deuteronomio 24:1

Moisesasti jaljtañxat sänwa: “Mä jaqitix mä warmimpi jaqichasini, uka qhipat warmix jupatak jan walïkchi ukasti, warmirux jaljtañ qillqat churxani, ukatsti utapat khithanukxarakini.

Deuteronomio 24:3

qhipa chachapatix jupar kipkak jisk'achjani, ukat jaljtañ qillqat churxani, utapatsa khithanukxarakini, jan ukax uka qhipa chachapax jiwxarakini ukasti,