Jeremías 3:9 - Qullan Arunaka DC

⁹ Jan axsartasaw yaqha diosanakar yupaychi, ukham sarnaqatapampisti aka uraqirux ñanqhachiwa. Nayar apanukusinsti qalanakaru, quqanakaruw killisiraki.

Aymar Bibliia 1986

⁹ Jan ajjsartasaraquiw yakhampejj sarnake, uqham sarnakatapampisti aca orakerojj ñankhacharaquiwa. Nayar apanucusinsti kalanacaru uqhamaraqui kokanacaruw quillisiraqui.

Qullan Arunaca

⁹ Jan ajjsartasaraquiw yakhampejj sarnake, uqham sarnakatapampisti aca orakerojj ñankhacharaquiwa. Nayar apanucusinsti kalanacaru uqhamaraqui kokanacaruw quillisiraqui.

Jeremías 3:9 Jak'a apnaqawi uñst'ayäwi

Isaías 57:3

Layqa warmin wawanakapa, yaqha warmimpi, yaqha chachampi sarnaqir warmin wawanakapa, jak'achasinipxam:

Isaías 57:6

“Israel, jumax jawira llust'a qalanakaruw yupaychtaxa, ukan jumatakix mä chiqax wakichat utji. Uka qalanakaruw vino luqtäwinak churastaxa, granonaksa churasiraktaxa. ¿Taqi uka luratamatsti kusisïti?

Jeremías 10:8

Uka markanakan utjasirinakapax t'axmar jaqikamakïpxiwa, jupanakan yatichirinakapasti, mä k'ullut khitsut diosanakakiwa.

Jeremías 16:18

Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Jeremías 2:27

Jumanakasti mä quqarukiwa: ‘Awkixätawa’ sapxtaxa. Mä qalarukiw: ‘Taykaxätawa’ sapxaraktaxa, nayatakisti maysa uñtapxtaxa, janiw qhan uñkatapkistati; jan walt'añan jikxatasxapxta ukkhakiw ‘¡jutam qhispiyapxita!’ sapxistaxa.

Jeremías 2:7

Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa.

Jeremías 3:2

“Q'ara qullunak uñtam, ¿kawkhansa janix juchxa lurktaxa? Wasarankir árabe jaqir uñtataw quntaxa, thakhi thiyanakan waynanakamarux suyäyätaxa. Yaqhanakampi sarnaqatamampisa, ñanqha luratanakamampis markxa q'añuchtawa.

Ezequiel 16:17

Nayax churkäyäsma uka qurita, qullqit lurat k'achachasiñanakampisti, chachanakar uñtat luraraktaxa, ukanakampiw q'añu luräwinakar puriraktaxa;

Ezequiel 23:10

jupanakasti juparux warmisiwayapxänwa; ukatsti jank'akiw yuqall wawanakapsa, imill wawanakapsa aparxapxäna, juparusti espadampiw jiwayapxarakïna, ukhamat jupataki arsuta juchañchäwiru phuqhasa. Uka mutuyäwi katuqatapax taqi warminak taypin wali aytkayaw tukuwayaraki.

Ezequiel 23:21

“Jumasti, Oholibá, tawaqu urunakaman munañamar sarnaqatanakamat amtäyätaxa, egiptonkirinakax ñuñum llawq'apkäyätam uka urunakata.

Ezequiel 23:3

Aka warminakasti tawaqutpach jan wali sarnaqañanakaru katuyasipxäna; Egipto uraqinsti ñuñunakapsa llawq'ayasipxakïnwa, ukham sarnaqasaw q'uma kankañap q'añuchjapxäna.

Oseas 2:2

2 (4) Tatitux siwa: “¡Taykamar juchañchapxam, juchañchapxapunim, jichhax jupax janiw warmixäkxiti, janirakiw nayas chachapäkxti! ¡Yaqha chachanakampi sarnaqañap apanukxpan! ¡Jan wali warminakjam sarnaqañsa apanukxpan!

Oseas 4:12

Markaxax k'ullut khitsut diosanakaparuw jiskt'asi, thujrunak tuqirakiw yatiñanaksa thaqhi. Wachuqa juchampi apnaqataxa, markaxax pantjat thakhinakan sarnaqaski; Diosap apanukusaw yaqhanakampi juchanakan sarnaqi.

Joel 1:19

¡Dios Tatay, jumaruw art'asinsma, wasarankir quqanaksa, pampankir chhuxllanaksa ninaw q'al nakhantawayxi!

Habacuc 2:19

¡Ay kunakïkan juma Babiloniatxa, mä lawat lurat diosar p'arxtam satamaxa, mä amutu qalar sayt'am satamasa! ¿Jupanakasti mä kuna yatiyäwinaksa yatiyapxaspati? Janiwa. Jupanakax janiw jakañanïpkiti, qawqhasay qurimpis qullqimpis jawikipatäsipkpan.

Mateo 5:32

Ukampis nayax sapxsmawa, mä chachax warmipan wachuq jucha luratapatak jaljtaspaxa, jan ukhamäkaspa ukasti, jaljtatapampix warmipan juchar puriñap wakichi. Khititix jaljtat warmimpi jaqichaskani ukasti, wachuq jucha luri.