Jeremías 26:10 - Qullan Arunaca

¹⁰ Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Aymar Bibliia 1986

¹⁰ Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Qullan Arunaka DC

¹⁰ Judá uraqinkir jach'a jilïrinakasti, ukanak ist'asinxa, reyin utapatxa Tatitun utaparuw sarapxäna, ukansti Machaq Punku sata chiqaruw qunt'asipxäna.

Jeremías 26:10 Jak'a apnaqawi uñst'ayäwi

2 Reyes 15:35

Jupasti lurayänwa Tatitun templopana patäjja puncupa. Ucampis janiw apakatäcänti alto chekan yakha diosanacan santuarionacapajja, ucansti jakenacajj sacrificionaca loktasipcaquïnwa, uqhamarac inciensonacsa naqhayasipcaquïnwa.

2 Crónicas 27:3

Jupawa lurayaraquïna Tatitun templopanquiri patäjja puncupa, uqhamaraquiw lurayaraquïna waljanaca Ofel sat perkana.

Jeremías 20:2

Ucatwa jupajj Jeremiasaru nuwjapjjañapataqui qhitäna, cepo sata mä catuntañaru catuntapjjañapataqui, Benjamín sisqui ucsa token Jach'a Puncu tokena, templo jac'ana.

Jeremías 26:21

Joacim reyisa, take jilïri yanapirinacapasa ist'apjjaraquïnwa cuntejj uca profetajj siscäna ucjja, reyisti jiwayayañwa munaraquïnjja. Ucampisa cunapachatejj Uriasajj uca yatisïna ucapachasti ajjsarañat Egiptoruw jaltjjäna.

Jeremías 26:24

Safán jakena Ahicam sat yokaparaquiw Jeremiasat arjjatasisa parlaraquïna; uca parlatapasti janiw Jeremiasarojj catuntaycänti janiraquiw jakenacas catuntapcänti jiwayañataquejja.

Jeremías 34:10

Take jilïrinacasa, take jakenacasa uca arust'äwinacjja waliquiw sapjjaraquïnwa, ucatsti esclavonacaparojj antutnucjjapjjaraquïnwa, janiraquiw maynis esclavöñataqui kheparcjjänti.

Jeremías 36:10

Baruc chachasti templon jach'a patioparuw saräna, Machak Puncu sisqui uca mantañaru, Safán jaken yokapa Gemarías sisqui ucan utapatpachwa, cawquïritejj reyin utapänjja jilirïcaraquïna, ucatpacha leet'äna take jakenacataqui cuna arunactejj Jeremiasajj kellkaycatayna ucanaca.

Jeremías 36:25

Elnatán, uqhamaraqui Delaía, ucjjarusti Gemarías sat jakenacasti reyirojj wali achict'apjjaraquïna uca rollo jan naqhantayañapataqui, ucampisa reyejj janiw jupanacarojj jayscänti.

Ezequiel 22:27

Aca marcan jilïrinacapasti, cunjämatejj kamakenacajj catutanacapjja jisc'a jisc'a wicanokapjjejja uqhamäpjjaraquiwa, wila wartañataquisa, jakenaca jiwarayañataquisa janc'aquïpjjaraquiwa, kamiriptañacwa munasipcaraqui.

Ezequiel 22:6

Israel marcan apnakerinacapasti ucancaraquiwa, jupanacasti juma taypinarac jacapjjaraqui, jakenacsti kawkhtejj munapqui ucqhwa jiwarayapjjaraqui.