Jeremías 26:10 - Qullan Arunaka DC

¹⁰ Judá uraqinkir jach'a jilïrinakasti, ukanak ist'asinxa, reyin utapatxa Tatitun utaparuw sarapxäna, ukansti Machaq Punku sata chiqaruw qunt'asipxäna.

Aymar Bibliia 1986

¹⁰ Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Qullan Arunaca

¹⁰ Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Jeremías 26:10 Jak'a apnaqawi uñst'ayäwi

2 Reyes 15:35

jupasti Tatitun utapana amsta tuqinkir punkup luräna. Ukampisa, qullu patanakan yupaychañ chiqanak janiw apaqkänti, ukansti jaqinakax wilañchanak luqtasipkakïnwa, inciensonaksa nakhayasipkakïnwa.

2 Crónicas 27:3

Jotam reyiw Tatitun utapan amsta jach'a punkup lurayäna, Ófel qullunkir pirqanak lurayäna.

Jeremías 20:2

Ukat jupax Jeremiasar nuwjapxañapatak khithäna, ukatsti katuntasin carcelaruw apantapxäna, ukasti Benjamín siski uka Jach'a Punku tuqin jikxatasïna, Tatitun utap jak'ana.

Jeremías 26:21

Joacín reyisa, taqi jilïr yanapirinakapasa kuntix uka profetax siskäna uk ist'apxarakïnwa, ukat reyix jiwayañ munäna. Ukampis Urías profetax uk yatisinxa, axsarañat Egipto markaruw jaltxäna.

Jeremías 26:24

Ukampisa, Safán jaqina Ahicam sat yuqapaw Jeremías profetat arxatasis parläna, Jeremiasax markan amparapan jan jiwayat uñjasiñapataki.

Jeremías 34:10

Taqi jilïrinakasa, taqi jaqinakasa uka arust'äwirux walikiw sapxänwa, ukatsti t'aqhisiyatanakaparux antutnukxapxänwa, janirakiw maynis t'aqhisiyatäñataki qhiparkxänti.

Jeremías 36:10

Baruc chachasti Tatitun utapan jach'a anqäxaparuw saräna, Machaq Punku satäki uka mantañaru, jupasti Safán jaqin yuqapa Gemarías qillqirin utapatpach kuna arunaktix Jeremiasax qillqaykatayna uka arunak taqi jaqinakatak ullart'äna.

Jeremías 36:25

Elnatán, Delaías, Guemarías sat jaqinakasti reyirux wal achikt'apxäna, uka qillqat jan nakhantayañapataki, ukampis reyix janiw jupanakarux jayskänti,

Ezequiel 22:27

Aka markan jilïrinakapasti, katutaparu jisk'a jisk'a wikhanuqiri qamaqinakar uñtatäpxiwa, jaqinak jiwarayañatakisti jank'akïpxiwa, ukhamat qamiriptapxañapataki.

Ezequiel 22:6

Ukankiw Israel marka apnaqirinakaxa, jumanak taypin jakapxaraki, jaqinaksti qawqhtix munapki ukkha jiwarayapxi.