Jeremías 25:9 - Qullan Arunaca

⁹ Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Aymar Bibliia 1986

⁹ Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Qullan Arunaka DC

⁹ jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 25:9 Jak'a apnaqawi uñst'ayäwi

2 Reyes 24:2

Ucampis Tatitojj Joacim reyitaquejj lunthata caldeo, sirio, moabita, amonita, jakenacwa apayanïna. Judá jakenacaru tucjapjjañapataqui, cunjämtï Tatitojj yatiycäna sirviri profetanacap toke uqhamaru.

2 Crónicas 29:8

Ucatwa Tatitojj Judá, Jerusalén ucanacampi colerasïna, ucatsti wali sustjascaña, uqhamaraqui ajjsarcañaruwa tucuyäna cunjämtï jumanacajj ujapjjtajja uqhama.

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Isaías 10:5

“¡Asiria marcanquir rey! Jupajj nayataquejj mä lawäcaspas uqhamawa, ucampiraquiw colerasiñajjanjja marcajjarojj mutuyäjja, uca varampiraquiw colerasiñajjanjja nayajj mutuyaraquëjja,

Isaías 13:3

Wali ch'amani jakenacajjarojj niyaw jawsjjta, guerran alek nuwasirinacajjarusti arojja churaractwa, qhitinacatejj atipjatajjat cusisipqui ucanacaru, mutuyäwejja uñacht'ayañapataqui.”

Isaías 39:7

Yakhepanacat pachpa wawanacamarus Babiloniaruw apapjjaraquini capsupjjaraquiniwa, ucatsti reyin palaciopan sirviñapataquiw uscupjjaraquini.’

Isaías 44:28

Ciro reyirusti nayaw saracta: ‘Jumaw awatirïtajja, cuntejj nayajj muncä ucwa jumajj luraraquïta.’ Jerusalenarusti saractwa: ‘Jumajj wasitat sayt'ayatäjjätawa.’ Templorusti saractwa: ‘Cimientonacamajj uscutäjjaniwa sasa.’ ”

Jeremías 1:14

Ucat Tatitojj saraquituwa: “Amsta toketpachwa jan walt'añanacajj aca marcan utjir jakenacjjarojj wartasini.

Jeremías 1:15

Naya Tatituw ucjja arsta, amsta tokenquir take reinonacaruw jawsaraquëjja. Reyinacapasti jutasinjja, pachpa Jerusalén marca mantañaruw trononacapjja uscusipjjani, take perkanacapajj muyuntquis uca uñcatasiru, uqhamaraqui Judá oraken utjiri take marcanaca nayrakatarusa.

Jeremías 10:22

¡Wal ist'apjjam! ¡Mä yatiyäwiw purini! Amsta tokenquir mä marcat mä jach'a ojjtañaw juti, ucasti Judá orakenquir marcanacjja wasararuw tucuyapjjani, kamakenacaquiw ucanjja jacjjapjjaraquini.

Jeremías 12:14

Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Jeremías 18:16

Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 20:4

Tatitusti siwa: ‘Jumarusti mä ajjsarcañaruw juma pachpataqui, take amigonacamataquisa tucuyäma. Juman uñjcatawa amigonacamajj uñisirinacan espadanacapampi jiwarayata uñjasipjjani. Take Judá oraken utjirinacarusti Babilonianquir reyin amparaparuw catuyaraquëjja, juparaquiw preso aparaquinejja Babilonia orakcama, jan ucasti cuchillompi thiyat jiwarayaracchini.

Jeremías 24:9

Jupanacarusti yakha marcanacataquisa ajjtascaña tucuyä, jisc'achjata, apanucuta, maldecita uqhamaw sarnakapjjani cawqui marcanacarutejj nayajj ananuccä uca marcanacanjja.

Jeremías 25:8

“Ucatwa take ch'amani Tatitojj sejja: ‘Niyaquejjay jumanacajj arunacajjarojj jan ist'añ munapcstajja.

Jeremías 29:18

Jumanacarusti guerrampi, mach'ampi, cunayman usunacampiraquiw arcnakapjjäma. Take aca orakenquiri marcanacampisti ajjtasiyapjjaraquïmawa, jumanacarusti takenin uñjcañwa maldecipjjaraquïma, mä p'enkwa tucjapjjaraquïma, cawquïri marcanacarutï apanucuta uñjasipcäta ucansti jumanacajj ajjsarcaña, sustjascañäpjjaraquïtawa.

Jeremías 35:11

Ucampisa, cunapachatejj Babilonianquiri Nabucodonosor reyejj aca marcaru nuwantiri jutantcän ucapachaw nanacajj caldeonacan uqhamaraqui arameonacan ejercitopat jaltanjjapjjta, ucatsti aca Jerusalén marcaru jaquiriw jutjjapjjaracta; ucatwa aca Jerusalén marcan jacasipctjja” sasa.

Jeremías 36:2

“Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.

Jeremías 36:29

Ucatsti nayan sutejjaru saraquim: ‘Jumaw uca rollo ninaru phichhanttajja, ucatsti Jeremiasarus juchañcharactawa, uca rolloru Babilonianquir reyin jutañapjjata kellkatätap laycu, aca marcarusti k'alwa t'unjaraquini, jan jakenacani, jan uywanacanwa jaytaraquëjja sasa.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 40:2

Guardianacan comandantepasti Jeremiasarojj yakha chekaru irpakasinwa jisct'äna: “Tatitu Diosamaw aca jan walt'añanacjja aca orakjjaru apayaniñataqui arsuraquïnjja, jichhasti uca arsutapajj phokhasiwa.

Jeremías 43:10

Jupanacarusti saraquim: ‘Take ch'amani Israelan Tatitu Diosapasti aqham siwa: Nayasti Nabucodonosor sirvirejjwa irptayanï, Babilonia marcan reyiparu, ucatsti konuñapsa uqhamaraqui carpanacapsa cawqharutejj uca kalanaca imantcta uca patjjaruw utt'ayaraquï.

Jeremías 46:20

Egiptojj mä suma vaca kallur uñtatawa, ucampisa amsta toket mä mich'isiri tábano sat lak'ow juti.

Jeremías 49:19

Acatjamatwa nayajj jutaraquï, Jordán tokenquiri pastonac taypit mistunir leonjama, cawquïri leonatejj suma pastonacajj utjqui ucsaru sarquejj uqhama, ucatsti Edom marcanquiri jakenacjja jaltayaraquïwa, cawquïrirutejj nayajj ajlliscä ucaw apnakaraquini. ¿Qhitiraqui nayampi chicachasispa? ¿Qhitis nayataqui sayt'asiraquispa? ¿Cawquïri awatirisa nayataqui sayt'asiraquispa?

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Ezequiel 12:20

Take marcanacasti, cawquïrinacantejj jakenacajj jacapqui ucanacasti t'unjatäniwa; aca marcasti wasararu tucuyataraquïniwa. Ucapachaw jumanacajj yatipjjäta nayan Tatitütajja’ ” sasa.

Ezequiel 16:40

Marcanquir jakenacarusti juma tokew sartayapjjani, jumarusti kalampi c'upjasina, espadanacapampiw jiwayapjjaraquïtam.

Ezequiel 21:11

maynin apjjaruñapataquiw uqham llijquir kaksuyapjje. Espadasti afilata, suma llijquir kaksutaraquiwa, jake jiwayir jaken amparaparu ayjjaruyañataqui.

Ezequiel 26:7

“Naya Tatitusti saractwa: Amsta toketjja, Babilonianquiri Nabucodonosor reyiruw jutayaraquëjja, wali ch'amani reyiwa, Tiro marcaruw nuwantaraquini. Caballonacampi, carronacampi, caballeriampi, walja soldadonacampi uqham jutani.

Ezequiel 36:5

Aqham siw Tatitojja: Arunacajjajj colerasiñampi aktayatawa uca marcanacataquejja, ucat juc'ampisa Edom marcataqui jupanacajj wali cusisiñampi nayan orakenacajj catuntasipjje uqhamaraqui wali jisc'achjañampiw orakenacajjsa lunthatjapjje’ sasa.

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Habacuc 1:12

“Dios Tatay, ¿janit jumasti wiñayataqui jacctasti, kollan jan jiwiri Diosajja? Tatay, nayan imantasiñajja, jumaw caldeonacarojj ch'ama churtajja castigañapataqui uqhamata juman cheka uñjäwima uñacht'ayapjjañapataqui.

Habacuc 1:17

Uqhamasti, ¿caldeonacajj känampjam caturascaquistaniti? ¿Jan jaket qhuyapt'ayasisa jiwarayasipcacpachäniti?”

Deuteronomio 28:37

Ucatsti ajjtasita, p'enkachata, jaken parlasitaw take cawqha chekarutejj Diosajj irpcätam ucanacanjja sarnakäta.