Jeremías 25:9 - Qullan Arunaka DC

⁹ jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Aymar Bibliia 1986

⁹ Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Qullan Arunaca

⁹ Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 25:9 Jak'a apnaqawi uñst'ayäwi

2 Reyes 24:2

Ukat Tatitux Joacín reyitaki caldeo, sirio, moabita, amonita lunthata tamanak apayanïna Judá markar mantantasin tukjapxañapataki, kunjämtix Tatitux luqtir profetanakap tuqi yatiykatayna ukhamarjama.

2 Crónicas 29:8

Ukat Tatitux Judá, Jerusalén markanakatakix q'apisïna, ukatsti wali mulljkaña, wali axsarkañaruw tukuyäna, kunjämtix jumanakax pachpa nayranakamampi uñjapkta ukhama.

2 Crónicas 36:21

ukhamat kuntix Diosax Jeremías profetap tuqi siskäna ukan phuqhasiñapataki. Judá uraqix samarañ urunakan kusisiñap amtasïna, aynacht'at sarnaqañ taqpach urunakapana, paqallq tunka mara phuqhasiñapkama.

Proverbios 21:1

Reyin amtatanakapax Tatitun amparapan jawirar uñtatawa; kawkharutix jupax munki ukaruw irpi.

Isaías 10:5

“Tatitux siwa: Nayax wali q'apisitätwa; ukat Asiriankir reyimpiru, ñanqhachapkitu ukanakampirux mutuyä.

Isaías 13:3

Jan axsarir jaqinakaxarux niyaw jawsayta, ch'axwan nuwasirinakaxarusti arux churarakta, khitinakatix atipjataxat kusisipki ukanakar mutuyapxañapataki.”

Isaías 39:7

Yaqhipanakat pachpa wawanakamaruw Babiloniar apapxani, kapsusinsti, reyin utapan luqtirïpxañapatakiw uskupxani.’

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Jeremías 1:14

Ukat Tatitux sarakitu: “Amsta tuqitpach jan walt'añanakax aka markan utjir jaqinakxarux jutani.

Jeremías 1:15

Naya, Tatituw uk arsta, amsta tuqinkir marka apnaqäwinakaruw jawsarakï. Reyinakapasti jutasinxa, pachpa Jerusalén marka mantañaruw reyi qunuñanakap uskusipxani, muyuntki uka pirqanakapa uñkatasiru, Judá uraqin utjir taqi markanak nayraqataru.

Jeremías 10:22

¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Jeremías 12:14

Tatitusti Israel marka jak'ankiri ñanqha markanakaruxa, kawkïr uraqtix jupax Israel markaparu mä tuti churki uka uraqi t'unjirinakarux akham siwa: “Nayaw uka markanakarux uraqinakapat jik'inukü, Judá markarusti jupanak taypitxa apsunxarakïwa.

Jeremías 18:16

Ukhamat markapxa mä ch'usa wasarar tukuyxapxi, muspharkaña, mulljaskaña tukuyapxaraki. Uka chiqa sarakipirinakasti, taqiniw mayjt'asiñat p'iqi khiwipxani.

Jeremías 2:15

¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 20:4

Tatitux siwa: ‘Jumarux mä axsarkañaruw juma pachpataki, taqi masinakamataki tukuyäma. Juman uñjkataw masinakamax uñisirinakan espadanakapampi jiwarayat uñjasipxani. Taqi Judá uraqin utjirinakarusti Babiloniankir reyin amparaparuw katuyarakï, juparakiw katuntat apani Babilonia uraqkama, jan ukax cuchillompi thiyat jiwarayarakchini.

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 25:8

“Ukat taqi ch'aman Tatitux saraki: ‘Niyakixay jumanakax arunakaxar jan ist'apkstatixa,

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 35:11

Ukampisa, kunapachatix Babiloniankir Nabucodonosor reyix aka markar mantantankän ukapachaw nanakax aka Jerusalén markar jakir jutxapxta, ukhamat caldeonakana, sirionakan ejercitopat jaltxañataki; ukat aka Jerusalén markan jakasipkta” sasa.

Jeremías 36:2

“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Jeremías 36:29

Ukatsti nayan sutixar sarakim: ‘Jumax ninaruw uka qillqat phichhanttaxa, ukatsti Jeremiasaruw juchañcharaktaxa Babiloniankir reyin jutañapxat qillqatapatxa, aka markarusti Babiloniankir reyix q'al t'unjani, jan jaqinakani, jan uywanakan jaytarakini sasa.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 40:2

Uñjirinakan jilïripasti Jeremiasarux yaqha chiqar irpaqasin jiskt'äna: “Tatitu Diosamaw aka jan walt'añanak aka uraqxar apayaniñatak arsurakïna,

Jeremías 43:10

Jupanakarusti sarakim: ‘Israelan taqi ch'amani Tatitu Diosapasti akham siwa: Nayaw Babilonia markan Nabucodonosor reyiparu irptayanï, ukatsti kawkharutix uka qalanak allintkta uka patxaruw qunuñap utt'ayarakï.

Jeremías 46:20

Egipto markan sumätapax q'ala tukjatäniwa, Babilonia markaw amsta tuqit jutantasin nuwantani.

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Ezequiel 12:20

Jaqinakan phuqt'ata markanakax q'ala t'unjatäniwa; aka markasti ch'usa wasarar tukuyatarakïniwa. Ukapachaw jumanakax yatipxäta, nayan Tatitütaxa’ ” sasa.

Ezequiel 16:40

Markankir jaqinakarusti jumar jan walt'ayañatakiw amtayapxani, jumarusti qalampi k'upjasa, espadanakapampi chhuqhuntasaw jiwayapxätam.

Ezequiel 21:11

11 (16) maynin apxaruñapatak ukham llijkir tukuyatawa. Espadasti ariptayatawa, suma llijkir tukuyatawa, jaqi jiwayirin amparapar katuyañataki.

Ezequiel 26:7

“Naya, Tatitux saraktwa: Amsta tuqitxa, Babiloniankir Nabucodonosor reyiruw jutayä, wali ch'aman reyiwa, Tiro markar nuwantiriw jutani. Caballonakampi, carronakampi, walja soldadonakampiw jutantani.

Ezequiel 36:5

Tatitux akham siwa: Uka yaqha markanakataki, ukat juk'ampis Edom markatakix wali phiñasitapunïtwa, jupanakax wali kusisiñampiw nayan uraqinakax katuntasipxi, wali jisk'achjañampiw pampanakapan achunakapsa lunthatjapxi’ sasa.

Daniel (hebreo) 5:18

“Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Habacuc 1:12

Tatay, ¿janit wiñayatak jakkir qullan Diosäktasti? Tatay, jumaw nayan arxatt'irixäta, jumarakiw babiloniankirinakarus ch'am churasin markamar mutuyaraktaxa, ukhamata juman chiqa uñjäwim uñacht'ayañapataki.

Habacuc 1:17

Ukhamasti, ¿babiloniankirinakax qänampjam katurasipkakitaniti? ¿jan jaqit khuyapt'ayasisas jiwarayasipkakpachäniti?

Deuteronomio 28:37

Ukatsti kawkha markarutix Diosax irpkätam uka markanakan p'inqachata, axtasita, jaqin parlasitaw sarnaqäta.