Jeremías 21:7 - Qullan Arunaca

⁷ Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.’

Aymar Bibliia 1986

⁷ Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.”

Qullan Arunaka DC

⁷ Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 21:7 Jak'a apnaqawi uñst'ayäwi

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 47:6

Marcajjampi nayajj coleratäscayät uqhajja, naya quipcaw marcajjarojj mä p'enka catuyta, ucatsti juman amparamaruraquiw antutta. Jumasti janiw qhuyapt'ayasctati, chuymani jakenacjjarusti uca jathi yugomwa apjjattajja.

Jeremías 13:14

Ucatsti sañunacjamwa p'aquiraraquëjja, maynejj maynimpi, awquimpi yokampsa mayaqui p'aquiraraquï. Janiw jupanacatjja qhuyapt'ayascäti, jupanacarusti jan sintt'asisa, jan qhuyapt'ayasisaraquiw t'unjäjja. Naya Tatituw ucjja arsta’ ” siw Tatitojja.

Jeremías 14:12

Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Jeremías 15:5

“¿Qhitis jumatjja qhuyapayasïtam, Jerusalén? ¿Qhitis jumatjja sintt'asïtam? ¿Qhitiraquisa chhojjrinacamatsa llaquisini?

Jeremías 15:9

Walja wawanacani warminacasti, liwirtapjjewa, jan ch'amaniw jicjjatasipjjaraqui; p'enkachata, jisc'achjataraqui, lupi khanasa jupanacataquejj ch'amact'jjaraquiwa. Jupanacat yakhepanacatejj jacasipcani ucanacarojja, uñisirinacapampiw jiwarayaraquï. Naya Tatituw ucjja arsta.”

Jeremías 19:7

Aca chekanwa Judá orakena, uqhamaraqui Jerusalén marcan amtatanacapjja t'unjä. Uñisirinacapampiw jupanacarojj atipjayä, jiwarayaraquï, jiwata janchinacapasti siwek'aranacana, montenquir animalanacan mank'apäniwa.

Jeremías 20:4

Tatitusti siwa: ‘Jumarusti mä ajjsarcañaruw juma pachpataqui, take amigonacamataquisa tucuyäma. Juman uñjcatawa amigonacamajj uñisirinacan espadanacapampi jiwarayata uñjasipjjani. Take Judá oraken utjirinacarusti Babilonianquir reyin amparaparuw catuyaraquëjja, juparaquiw preso aparaquinejja Babilonia orakcama, jan ucasti cuchillompi thiyat jiwarayaracchini.

Jeremías 22:25

uñisirinacamaru catuyañataqui, jumasti jupanacarojj wali ajjsartajja. Babilonianquir Nabucodonosor reyiru, uqhamaraqui caldeo jakenacaruw catuyäma.

Jeremías 27:6

Jichhajj waliquiwa, nayasti take aca orakenacjja Nabucodonosor sirvirejjan amparaparuw catuyta, jupasti Babilonia marcan reyipawa, montenquir animalanacsa juparuraquiw catuyta.

Jeremías 32:4

Sedequías reyisti janiraquiw caldeo jakenacan amparapatjja jaltcaniti, jan ucasti Babilonianquiri reyin nayrakataparu uñstasinwa catuyasjjaraquini.

Jeremías 34:3

Jumasti amparaparuw jalt'äta, ucatsti janiw khespcätati. Catuntapjjätamwa ucatsti Babilonianquiri reyiruw catuyapjjaraquïtam, jupa nayrakataru uñstayatatsti Babiloniaru apayataw uñjasiraquïta.

Jeremías 36:29

Ucatsti nayan sutejjaru saraquim: ‘Jumaw uca rollo ninaru phichhanttajja, ucatsti Jeremiasarus juchañcharactawa, uca rolloru Babilonianquir reyin jutañapjjata kellkatätap laycu, aca marcarusti k'alwa t'unjaraquini, jan jakenacani, jan uywanacanwa jaytaraquëjja sasa.

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Lamentaciones 2:20

Tatay, nanacar uñtanipjjeta, amuyt'araquim, janipuniw qhitirusa nanacarjamajj lurjctati. ¿Taycanacansti waquisipunpachati ñuñusquiri wawanacaparu mank'antasiñapasti? ¿Sacerdotenacansa, profetanacansa kollan utaman jiwarayatäñapapuniti waquispacha?

Lamentaciones 2:22

Jan walt'añanacsti ucsata acsatwa apayaniractajja, mä fiestarusa jutapcaspa uqhamaw purintanipjjaraquejja; Tatay, juman colerasiñama urunsti, janiw qhitis khespcaraquiti. Cawquïrinacarutejj nayajj uywcta, yatichcaracta, ucanacarusti uñisirinacaw jiwayawayjjaraqui.

Ezequiel 23:28

Tatitusti aqham siwa: “Cawquïri marcanacarutejj uñiscta ucanacan amparaparuw jalt'ayäma, cawquïri marcanacattejj ajjtascta ucanacaru.

Ezequiel 7:9

Jichhajj janiw jumarojj qhuyapayasiñampi uñjcämati; take sarnakäwinacamatsti mutuyapunïmawa, ajjtascaña luräwinacamatsti t'akhesiyapunïmawa. Ucapachaw jumanacajj yatipjjäta nayan Tatitütajja, mutuyirïtajjsa.

Ezequiel 8:18

Ucampisa nayajj wali jach'a colerasiñampiw jichhajj lurjjäjja. Janipuniw jupanacatjja qhuyapayascäti. Kawkhas arnakasisinipcpan, janipuniw jupanacarojj ist'cäti” sasa.

Ezequiel 9:10

Jichhasti janipuniw jupanacatjja qhuyapt'ayascäti, jan ucasti luratanacapatjja wayt'apuniraquïwa” sasa.

Deuteronomio 28:50

uca jakenacasti wali ajjsarcaya jakenacäpjjewa, jupanacasti janiraquiw chuymani jakenacarojj ajjsarapcaniti ni wawanacatsa qhuyapt'ayasipcaniti.