Jeremías 21:6 - Qullan Arunaca

⁶ Aca marcanquiri take jakenacarusti jiwarayaraquïwa; jakenacasa, animalanacasa mä jach'a usumpiw jiwarapjjani.

Aymar Bibliia 1986

⁶ Aca marcanquiri take jakenacarusti jiwarayaraquïwa; jakenacasa, animalanacasa mä jach'a usumpiw jiwarapjjani.

Qullan Arunaka DC

⁶ Aka markankir taqi jaqinakarusti, uywanakarusa mä jach'a usumpiw jiwarayä.

Jeremías 21:6 Jak'a apnaqawi uñst'ayäwi

Génesis 6:7

saraquïnwa: “Aca oraketjja jake uscutajj-jja k'al chhaktayä, uqhamarac uywañ animalanacarusa, orakenjam katatnaktirinacarusa, jamach'inacarusa. ¡Walpun amtta ucanac uscutajj-jja!” sasa.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 14:12

Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Jeremías 16:4

Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Jeremías 20:4

Tatitusti siwa: ‘Jumarusti mä ajjsarcañaruw juma pachpataqui, take amigonacamataquisa tucuyäma. Juman uñjcatawa amigonacamajj uñisirinacan espadanacapampi jiwarayata uñjasipjjani. Take Judá oraken utjirinacarusti Babilonianquir reyin amparaparuw catuyaraquëjja, juparaquiw preso aparaquinejja Babilonia orakcama, jan ucasti cuchillompi thiyat jiwarayaracchini.

Jeremías 32:24

‘Jichhajj caldeo jakenacajj marcaru nuwantañataquiw wali waquichrantasipjje; guerrampi, mach'ampi, cunaymani usunacampiraquiw marcajj uñisirinacan amparaparu purini. Tata, cuntejj jumajj siscäyät uca arunacajj phokhasipuniwa.

Jeremías 33:12

Take ch'amani Tatitojj siwa: “Aca marcana, cawqhatejj jichhajj wasararu tucuyatäqui, jan jakeni, jan uywanacani, take marcanacana, wasitatwa pastonacajj utj-jjani, cawqharutejj awatirinacajj wasitat uywanacapa anaquipjjani.

Jeremías 34:17

Uqhamaw naya, Tatitojj, arsta: Jumanacajj janiw nayarojj ist'apquistati, cawquïri marca masinacamatejj esclavo sarnakasipcän ucanacarusti janiraquiw antutapctati; uca laycuraquiw jichhajj nayajj guerrampiru, cunayman casta usunacampiru uqhamaraqui mach'ampiruw antutcatapjjäma, jumanacampi wali ajjsarcañanaca lurapjjañapataqui, take aca orakenquir marcanacasti ucanac uñjasajj ajjsarapjjaraquiniwa. Naya Tatituw ucjja arsta.

Jeremías 36:29

Ucatsti nayan sutejjaru saraquim: ‘Jumaw uca rollo ninaru phichhanttajja, ucatsti Jeremiasarus juchañcharactawa, uca rolloru Babilonianquir reyin jutañapjjata kellkatätap laycu, aca marcarusti k'alwa t'unjaraquini, jan jakenacani, jan uywanacanwa jaytaraquëjja sasa.

Jeremías 42:22

Jichhajj uca laycu yatipjjam, jumanacajj guerranacana, uqhamaraqui mank'atjamaw cunayman casta usunacampi jiwarapjjaraquïta, cawquïri orakerutejj jaquiri sarapcäta ucana.”

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Ezequiel 12:16

Ucampisa nayaw mä kawkhanirojj guerrat khespiyaniraquï, uqhamaraqui mach'anacatsa, cunayman casta usunacatsa, uqhamat cawquïri marcanacarutejj sarapcani ucanacanjja yatiyapjjañapataqui cuna k'añu luräwinactejj lurapcän take ucanacata, ucatsti yatipjjañapataquiraqui nayan Tatitütajja” sasa.

Ezequiel 14:13

“Mä marcatejj naya toke sartani, jucha lurasa, janiraqui take chuymampi arcquitaniti, uca marcatakesti amparajj aytä mutuyañataqui, cuna mank'aña imasitanacapatejj utjqui ucanacsa apakaraquïwa. Uca marcjjarusti mach'a apayaniraquëjja, jakenacasa, uywanacasa mank'atjamawa jiwarapjjani.

Ezequiel 14:17

“Nayatejj guerranaca aca marcjjaru apayanirista, uqhamaraqui uywanacana, jakenacana jacañanacapsa apakañataqui arsuraquirista ucapachajj,

Ezequiel 14:19

“Aca marcjjarutejj cunayman usunaca apayanirista, colerasiñajjanjja jiwaña waratataraquirista, jakenacsa, uywanacsa jiwarayaraquirista,

Ezequiel 14:21

“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.

Ezequiel 33:27

“Jichhajj nayan sutejjaru jupanacarojj parlam: ‘Naya Tatituw sutejj laycu arsta, cawquïrinacatejj uca t'unjata marcanacan jacapqui ucanacasti, jiwarayataw uñjasipjjani, pampan utjirinacarusti montenquir animalanacampiw mank'antayaraquëjja, cawquïrinacatejj karkanacana, karka p'iyanacan jacapqui ucanacasti cunayman usumpiw jiwarapjjani.

Ezequiel 33:29

Cunapachatejj nayajj aca marcjja wasara tucuyäjja c'ala t'unjata jaytäjja, ajjtascaña juchanaca lurapjjatap laycu, ucapachaw yatipjjani nayan Tatitütajja.’

Ezequiel 7:15

Marca ankäjjanjja nuwasiñaw utji, mankhansti usunacampi mach'anacampiw utjaraqui. Pampanquirinacajj guerran jiwarapjjani, marcanquirinacasti mank'atjama, uqhamaraqui usunacampiw jiwarapjjaraquini.

Oseas 4:3

Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Sofonías 1:3

Tucjaraquïwa jakenacarusa, animalanacarusa, take jamach'inacarusa, chawllanacarusa, juchan jakerusa tucjaraquïwa, ucatsti jakerojj acapach oraketjja chhaktayaraquïwa.” Acanacwa Tatitojj arsuwayi:

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.