Jeremías 21:7 - Qullan Arunaka DC

⁷ Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Aymar Bibliia 1986

⁷ Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.”

Qullan Arunaca

⁷ Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.’

Jeremías 21:7 Jak'a apnaqawi uñst'ayäwi

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Isaías 47:6

Markaxampi nayax phiñasitäskayät ukkhaxa, naya kipkaw markaxarux mä p'inqa katuyta, ukatsti juman amparamaruw antutta. Jumasti janiw khuyapt'ayaskäyätati, chuymani jaqinakxarusti uka jathi yukum apxattaxa.

Jeremías 13:14

Ukatsti sañunakjam p'akirpayä, maynix maynimpi, awkix yuqapampi ukham jupanakkam tukjasipxani. Janiw jupanakat khuyapt'ayaskäti, jan ukasti, q'alpun t'unjä. Naya, Tatituw uk arsta’ ” sasa.

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 15:5

“Jerusalén, ¿khitis jumat khuyapayasïtam? ¿Khitis jumat jachani? ¿Khitis k'umar jakasiñamat llakisini?

Jeremías 15:9

Walja wawanakan taykanakasti, jan ch'amaniw liwirtapxi; p'inqachata, jisk'achjataraki, lupi qhanasa jupanakatakix ch'amakt'xiwa. Jupanakat yaqhipanakatix jakasipkani ukanakaruxa, uñisirinakapampiw jiwarayarakï. Naya, Tatituw uk arsta.”

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 20:4

Tatitux siwa: ‘Jumarux mä axsarkañaruw juma pachpataki, taqi masinakamataki tukuyäma. Juman uñjkataw masinakamax uñisirinakan espadanakapampi jiwarayat uñjasipxani. Taqi Judá uraqin utjirinakarusti Babiloniankir reyin amparaparuw katuyarakï, juparakiw katuntat apani Babilonia uraqkama, jan ukax cuchillompi thiyat jiwarayarakchini.

Jeremías 22:25

uñisirinakamaru katuyañataki, jupanakarux wal axsartaxa. Babiloniankir Nabucodonosor reyin amparaparuw katuyäma, caldeo jaqinakan amparaparuw katuyäma.

Jeremías 27:6

Jichhax walikiwa, nayasti taqi aka uraqinakxa, Nabucodonosor luqtirixan amparaparuw katuyta, jupasti Babilonia markan reyipawa, ch'uminkir animalanaksa juparurakiw katuyta.

Jeremías 32:4

Sedequías reyisti janirakiw Babilonia jaqinakan amparapat jaltkaniti, jan ukasti Babiloniankir reyin nayraqatapar uñstañapäniwa.

Jeremías 34:3

Jumasti amparaparuw jalt'äta, ukatsti janiw qhispkätati; katuntapxätamwa ukatsti juparuw katuyapxätam, jupa nayraqatar uñstayatatsti Babiloniaru apayataw uñjasirakïta.

Jeremías 36:29

Ukatsti nayan sutixar sarakim: ‘Jumax ninaruw uka qillqat phichhanttaxa, ukatsti Jeremiasaruw juchañcharaktaxa Babiloniankir reyin jutañapxat qillqatapatxa, aka markarusti Babiloniankir reyix q'al t'unjani, jan jaqinakani, jan uywanakan jaytarakini sasa.

Jeremías 37:17

Sedequías reyisti Jeremiasarux utapar irpanipxañapatakiw mayïna; Jeremiasax reyin nayraqatapar irpatäkän ukkhasti, reyix juparux jamasatak jiskt'äna: —¿Janit Tatitun yatiyäwinakapax nayatak utjki? —sasa. Jeremiasasti sänwa: —Jïsa, utjiwa; akaw uka yatiyäwixa: Juma jach'a reyix, Babiloniankir reyin amparapar katuyataw uñjasïta —sasa.

Jeremías 50:17

“Israel markasti leonanakan arknaqat mä chhaqhat ovejar uñtatawa. Asiriankir reyiw nayraqat manq'anti, ukxarusti Babiloniankir Nabucodonosor reyiw ch'akhanakamppach manq'antaraki.

Lamentaciones 2:20

Uñjam Tatay, amuyt'amaya, janipuniw khitirus nanakarjamax t'aqhisiyktati. ¿Taykanakan ñuñuskir wawanakapar manq'antasiñapax wakisipunpachati? ¿Sacerdotenakana, profetanakan qullan utaman jiwarayatäñapax wakisipunpachati?

Lamentaciones 2:22

Jan walt'añanaksti taqi tuqit apayantaxa, mä phunchhäwirus jutapkaspa ukhamaw purintanipxi; Tatay, juman q'apisiñam urunsti, janipuniw khitis jiwañat qhispkiti. Kawkïrinakarutix nayax uywaskäyäta, yatichkarakïyäta, ukanakarusti uñisirinakaw jan khuyapt'ayasis jiwarayxi.

Ezequiel 23:28

Naya, Tatitusti akham sistwa: “Juman uñisita markanakan amparaparuw jalt'ayäma, kawkïr markanakattix axtaskta uka markanakaru.

Ezequiel 7:9

Jichhax janiw jumarux khuyapayasiñampi uñjkämati; taqi sarnaqäwinakamatsti mutuyapunïmawa, axtaskañ luräwinakamatsa t'aqhisiyapunïmawa. Ukapachaw jumanakax nayan Tatitütaxa, mutuyirïtaxsa yatipxäta.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Ezequiel 9:10

Jichhasti jupanakat janipuniw khuyapt'ayaskäti, jan ukasti, luratanakapat wayt'askakipunïwa” sasa.

Deuteronomio 28:50

wali axsarkay jaqinakäpxiwa, janiw chuyman jaqinakarux axsarapkaniti, janirakiw wawanakatsa khuyapt'ayasipkaniti.