Jeremías 2:15 - Qullan Arunaca

¹⁵ ¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Aymar Bibliia 1986

¹⁵ ¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Qullan Arunaka DC

¹⁵ ¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 2:15 Jak'a apnaqawi uñst'ayäwi

Job 4:10

Leonanacjamas jach'at wararisipcpan, Diosasti jupanacarojj laca ch'aqhanacap t'unarasaw amuct'ayani.

Salmos 57:4

Oraken jaknokataw uñjasta, jake mank'an leonanac taypinjam jicjjatasta; laca ch'aqhanacapajj lanzanacjam, mich'inacjamawa, lajjrapajj ari espadar uñtataraquiwa.

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 24:1

Uñtapjjam, Tatitojj aca orakjja tucjaniwa, k'al tucjani alliquiparaquiniwa, jakenacarusti ucsar acsaruw willitataraquini.

Isaías 5:29

Wararitapasti mä leonan wararitapjamawa, cunjämatejj mä cuna mank'antañataquis catjasin wararejj uqhama, ucatsti jan qhitin apakcayaraquiw mank'antejja.

Isaías 5:9

Take ch'amani Tatitusti juramentompiw nayar situ: “Walja utanacaw t'unjatäni, jach'anacäscpasa, kawkha sumäscpasa, janiw qhitis ucanjja jacjjaniti.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 10:22

¡Wal ist'apjjam! ¡Mä yatiyäwiw purini! Amsta tokenquir mä marcat mä jach'a ojjtañaw juti, ucasti Judá orakenquir marcanacjja wasararuw tucuyapjjani, kamakenacaquiw ucanjja jacjjapjjaraquini.

Jeremías 25:30

“Jumasti Jeremías, take acanacjja nayan sutejj-jjaru yatiyascaquim, jupanacarusti saraquim: ‘Tatitojj jach'a arupampiw arsu, alajjpachatpacha, cawqhantejj jacqui uca kollan utjäwipatpacha. Tamapataquisti cunjämatejj uva ch'irwirinacajj arnakasipjjejj uqhamaraquiw arnakasi, take jakenac tokjja.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 26:9

¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.

Jeremías 33:10

Tatitojj siwa: “Jumanacajj sapjjtawa: ‘Aca chekajj wasararu tucutawa, janiraquiw jakenacas ni uywanacas utjquiti,’ sasa; Jerusalén marcan callenacapasa, Judá oraken marcanacapasa ch'usaquiwa, janiraquiw ucanjja qhitisa, ni jakenacasa, uywanacasa jacapquiti, sasa. Jichhajj waliquiwa, acanwa suma fiesta k'ochunacajj ist'asini;

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 44:22

Ucatpï Tatitojj jan juc'ampi jumanacan jan wali luratanacamjja uñjañ muncjjäntejja, uca luräwinacamasti juparojj ñankhachänwa. Ucataracwa jumanacan marcanacamajj k'ala t'unjatajja, janiraquiw ucanacanjja maynis jaccjjeti, takenin uñjcata maldecitaw tucuraqui, ajjsarcañaraquiwa.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Jeremías 51:38

Take jupanacasti leonanacjamaw wararipjjaraquini, león kallunacjamaw ojjopjjaraquini.

Jeremías 6:8

Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Jeremías 9:10

“Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Ezequiel 36:3

Jichhasti jupanacarojj nayan sutejjaru parlam, naya toketsti aqham saraquim: ‘Take toketwa jumanacarojj nuwantanipjjtam, uqhamaraqui t'unjanipjjtam; take yakha marcanacaw jumanacarojj catuntasjjapjjtam, jakenacasti phiscasiñampi, jisc'achañampiw uñjapjjaractam.

Ezequiel 5:14

Nayasti Jerusalén marca, mä t'unthapita montonaruw tucuyaraquïma; cawquïri marcanacatejj jumaru muyuntatäqui ucanac taypin jumarojj jisc'achjaraquïma, uqhamat takenis pascasinjja uñjapjjañapataqui.

Oseas 11:10

Jupanacasti Tatituruw arcapjjani, jupasti mä leonjamaw warariraquini. Warariniwa, ucatsti jupanquirinacajj qhathatt'asisaw inti jalanta toket jutjjapjjani.

Oseas 5:14

Cunjämatejj mä leonajj jaljjatejja, uqhamracwa nayajj lurä Efrainampiru Judá marcampirojja; naya pachpaw jupanacarojj jisc'a jisc'a tucjawayasinsti, sarjjaraquïwa; catuntaraquïwa, ucatsti janiraquiw qhitis aparquitaniti.

Amós 3:12

Aqham siw Tatitojja: “Cunjämatejj awatirejja leonan lacapat pä chhuchhulliqui khespiyejja, jan ucajj mä jinchu puntacsa, uqhamaraquiw Samaria marcan jacapqui uca israelitanacatjja juc'aniqui khespipjjani, qhitinacatï Damasco marcat apanita suma konuñanacan jipipqui ucanacajja.”

Amós 3:4

Cuns catji ucqhaw leonajj ch'umin wararejja; cuna catjatas utji ucqhaw león wawanacajj putupan ojjopjjejja.

Amós 3:8

¿Qhitis jan sustjasispajja leonan wararitap ist'asajja? ¿Qhitis jan parlaspajja Tatitun sutiparojja jupatejj “parlam” saspa ucqhajja?

Nahúm 2:11

¿Cunaquirac utj-jje leonanacan putupansti, uqhamarac león kallunacan putunacapansa? Ucanjja leonanacas, león kallunacasa wali imantataw amuyasipjjänjja; janiraquiw qhitis jupanacar cuna camachiris utjcänti.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Sofonías 2:5

¡Ay, kota thiyan jaquir jakenaca, qhitinacatejj Creta toket jutapjjta ucanaca! Diosasti aqhamwa jumanacaru mutuyaña amti: ‘¡Canaán orake, filisteonacan marcapa, k'al t'unjäma jan mä jakeni tucuyaraquïma!

Sofonías 3:6

Tatitu Diosajj siwa: “Marcanacap t'unjta, perkanacapan jach'a torrenacapsa pampacharactwa, callenacapsa wasara tucuyaracta, jan mä jakes sarnakañapataqui. ¡Uca sapa jakonucut marcanjja janiraquiwa mä jakes utjcjjeti!

Zacarías 11:3

Awatirinacasa jach'ata wararipjje, ucqha suma pastonacajj tucjata kheparatapata. Leonan wararitapasti ist'asiraquiwa, Jordán jawira thiyan alinacajja tucjata kheparatapata.

Jueces 14:5

Sansón waynasti, awquipampi, taycapampi uqhamaw Timnat sat marcaru sarapjjäna. Cunapachatejj marca jac'a uva yapunacar puripcäna ucqhajja mä leonawa warart'asis mistsunïna jaljjatañataqui.