Jeremías 2:14 - Qullan Arunaca

¹⁴ “Israelajj janiw mä esclavöquiti; jupajj janiw esclavöñan nascaraquïnti. ¿Cunatraqui jichhasti take cunanacapsa aparapjjesti?

Aymar Bibliia 1986

¹⁴ “Israelajj janiw mä esclavöquiti; jupajj janiw esclavöñan nascaraquïnti. ¿Cunatraqui jichhasti take cunanacapsa aparapjjesti?

Qullan Arunaka DC

¹⁴ “Israelax janiw mä t'aqhisiyat jaqïkiti; jupax janiw t'aqhisiñan yurkarakïnti. ¿Jichhasti kunatarak taqi yänakap aparapxisti?

Jeremías 2:14 Jak'a apnaqawi uñst'ayäwi

Éxodo 12:49

Aca leyisti taketaquiwa, marcas taypin nasqui ucanacataqui, uqhamarac jumanac taypin jacapqui uca yakha marcanquir jakenacataqui.”

Éxodo 4:22

Ucampis faraonarojj sascaquïtawa: ‘Tatitojj aqham siwa: Israelajja nayan jilïri wawajjawa.

Eclesiastés 2:7

alasiractwa sirvirinaca chachatsa warmitsa, utjaraquituwa utajjan nacit sirvirinacajjasa; uqhamaraquiw utjitu walja vacanacasa, ovejanacasa, nayat juc'amp nayra Jerusalenan utjapcäna ucanacat sipansa.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Jeremías 17:4

Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”

Jeremías 5:19

Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.