Jeremías 2:15 - Qullan Arunaka DC

¹⁵ ¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Aymar Bibliia 1986

¹⁵ ¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Qullan Arunaca

¹⁵ ¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 2:15 Jak'a apnaqawi uñst'ayäwi

Job 4:10

Leonanakar uñtatas jach'at wararisipkpan, Diosaw jupanakarux laka ch'akhanakap t'unaras amukt'ayani.

Salmos 57:4

4 (5) Jaqnuqataw uraqin uñjasta, jaqi manq'an leonanak taypinjam jikxatasta; laka ch'akhanakapax lanzanakjama, mich'inakjamawa, laxrapax ari espadar uñtatarakiwa.

Isaías 1:7

Israel uraqix q'ala tukjatawa, markanakapas ninan nakhantatawa. Jumanakan uñjkataw uñisirinakamas yapuchatanakam manq'antapxi. Taqi uraqpachaw wasarar tukuyata, mä uñisir markan ejercitopaw ukham tukjawayi.

Isaías 24:1

Uñtapxam, Tatitux aka uraq tukjaniwa, q'al allthapini, mayjt'ayaniwa, jaqinakarusti uksar aksaruw ananukuni.

Isaías 5:29

Soldadonakasti nuwasiñatakiw art'asipxi; leonanakjamaw wararipxi, mä kunsa katjasin manq'antañatak jayar qatatipki ukhama, janirakiw khitis uka katutap aparkaspati.

Isaías 5:9

Taqi ch'amani Tatitusti juramentompiw nayar situ: “Walja utanakaw t'unjatäni, jach'anakäskpasa, qawqha sumäskpasa, janiw khitis uka utanakan jakkaniti.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Jeremías 10:22

¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Jeremías 25:30

“Jumasti Jeremías, taqi akanak nayan sutixar yatiyaskakim, jupanakarusti sarakim: ‘Tatitux jach'a arupampiw arsu, alaxpachatpacha, kawkhantix jakki uka qullan chiqatpacha. Tamapatakix kunjämatix uva ch'irwirinakax arnaqasipxi ukhamaw arnaqasi, taqi jaqinakatakiw arnaqasi.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 26:9

¿Kamisarak jumasti Tatitun sutipxar parläta, aka Tatitun utapax kunjämatix Siló chiqankir templox t'unjatäkän ukhamäniwa, aka Jerusalén markas t'unjatarakïniwa, jan jaqiniw qhiparani sasasti?” sasa. Ukatsti taqi jaqinakaw Jeremiasar katuntañatakix muyuntapxäna.

Jeremías 33:10

Tatitux siwa: “Jumanakax sapxtawa: ‘Aka chiqax ch'usa wasarar tukutawa, janiw jaqinakasa, uywanakas utjkiti’ sasa; Jerusalén markan thakhinakapasa, Judá uraqin markanakapas ch'usakiwa, janirakiw ukan khiti jaqinakasa, uywanakasa jakapkiti, sasa. Jichhax walikiwa, akan wasitat

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Jeremías 50:17

“Israel markasti leonanakan arknaqat mä chhaqhat ovejar uñtatawa. Asiriankir reyiw nayraqat manq'anti, ukxarusti Babiloniankir Nabucodonosor reyiw ch'akhanakamppach manq'antaraki.

Jeremías 51:38

Taqi jupanakasti leonanakjamaw wararipxani, león qallunakjamaw uxupxarakini.

Jeremías 6:8

Jichhax Jerusalén wanimaya, jan ukasti nayax jumat mayjt'ataw sarxä, mä ch'usa wasararuw tukuyäma, jan jaqin jaytarakïma.”

Jeremías 9:10

10 (9) “Qullunakata, wasaranakat jachapxam, ayqupxarakim, suma ch'uxña uraqinakat jachapxam, ukanakasti q'ala nakhantatäxiwa, janirakiw khitis uka chiqa sarakipkxiti, janiw uywanakan wararitapas ist'askxiti, jamach'inakasa, monte laq'unakasa jayaruw sarxapxatayna.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Ezequiel 36:3

Jichhasti nayan sutixar parlam, jupanakarusti sarakim: ‘Tatitux akham siwa: Taqi tuqit jumanakarux nuwantanipxtam, t'unjanipxaraktam; taqi yaqha markanakaw jumanakarux katuntapxtam, jaqinakasti phiskasiñampi, jisk'achañampiw uñjapxaraktam.

Ezequiel 5:14

Jerusalén marka, nayasti q'alpun t'unjäma; juma jak'ankir markanak taypin jumarux jisk'achjäma, ukhamat taqinis uñjapxañapataki.

Oseas 11:10

Jupanakasti Tatituruw arkapxani, jupasti mä leonjamaw wararini. Wararitapatsti, jupankirinakax khathatt'asisaw inti jalanta tuqit jutxapxani.

Oseas 5:14

Kunjämatix mä leonax wal qhurutasixa, ukhamaw nayax Israel markampiru, Judá markampirux qhuruchasis katjarakï; naya pachpaw jisk'a jisk'a tukjä, janirakiw khiti arxatt'iris utjkaniti.

Amós 3:12

Tatitux akham siwa: “Kunjämatix awatirix leonan lakapat pä chhuchhulliksa, jan ukax mä chikat jinchuksa aparasixa, ukhamaw Samaria markan jakir israelitanakat juk'aniki qhispipxani, Damasco markat apanit suma qunuñan qunt'asipki ukanakaxa.”

Amós 3:4

kunsa katjki ukkhaw leonax ch'umin jach'at warari; manq'añax utjki ukkhaw león qallunakax putupan uxupxi;

Amós 3:8

¿Khitirak jan sustjaskaspa leonan wararitap ist'asasti? Tatitutix parlam saspaxa, ¿khitirak jutir urunakat jan yatiykaspasti?

Nahúm 2:11

11-12 (12-13) Asiria markax mä qhuru leonar uñtatänwa: Uñisirinakaparux jan kunak jiwarayasin q'al tukjäna, yänakap katuntasisinsti jaqinakaparuw lakirpayarakïna. Janiw khitis uraqipar mantañatak ch'amanïkänti. Jichhasti, ¿kawkinkarak uka jach'a ch'amapasti? ¿Kawkinkarak uka qhuru soldadonakapasti?

Sofonías 1:18

Tatitun q'apisïwi urupanxa, aka uraqix uka q'apisiñapampix q'ala nakhantatäniwa, janiw jaqirux qullqipasa, quripas qhispiykaniti. ¡Aka uraqin jakir jaqinakax jan mayan tukjatarakïniwa!

Sofonías 2:5

¡Ay, Creta tuqinkir quta thiyan jakir jaqinaka! Diosasti jumanakar akham mutuyañ amti: “¡Canaán uraqi, filisteonakan markapa, q'al t'unjäma, jan mä jaqin tukuyarakïma!

Sofonías 3:6

Tatitux siwa: “Nayax markanakap t'unjta, pirqanakapan utjir jach'a pukaranakapsa q'al tinkurayta, markan thakhinakapsa jan mä jaqini ch'usa tukuyarakta. ¡Uka ch'usa markanakanxa janirakiw mä jaqis sartkxiti!

Zacarías 11:3

Awatirinakax jach'at wararipxi ukkha suma ch'uxña chhuxllanakan q'ala tukjatätapata. Leonanakan wararitapas ist'asiwa, Jordán jawir thiyan suma ch'uxña pampanakan tukjat uñjasitapata.

Jueces 14:5

Ukhamasti, Sansonax awkipampi, taykapampiw Timná markar saräna. Kunapachatix Sansonax markan uva yapunakapar purkän ukkhaxa, mä leonaw warart'asis jupar jalxatäna.