Jeremías 19:1 - Qullan Arunaca

¹ Tatitusti saraquituwa: “Saram, ucatsti ñek'et lurata mä wayucha alasiraquim, ucatsti marcanquiri jilïrinacaru, uqhamaraqui yakhepa jilïri sacerdotenacaru jawsaraquim.

Aymar Bibliia 1986

¹ Tatitusti saraquituwa: “Saram, ucatsti ñek'et lurata mä wayucha alasiraquim, ucatsti marcanquiri jilïrinacaru, uqhamaraqui yakhepa jilïri sacerdotenacaru jawsaraquim.

Qullan Arunaka DC

¹ Tatitux sarakituwa: “Saram, ukatsti ñiq'it lurat mä wayucha alanim, ukatsti markankir jilïrinakaru, yaqhip jilïr sacerdotenakar jawsarakim.

Jeremías 19:1 Jak'a apnaqawi uñst'ayäwi

2 Reyes 19:2

Ucatsti Amoz chachan Isaías profet yokapan ucaruw qhitäna palacionquiri Eliaquim sat mayordomoro kellkeri Sebna sat chacharu, uqhamarac sacerdotenacat jilïr awquinacaru chhanqha isinacamp isthapita llaquisiña uñacht'ayañataqui,

Isaías 30:14

ñek'et lurat chatjama t'unjatäpjjätawa, uca chatusti k'alaw p'acthaptaraqui, uca jiq'illitanac taypinsti janiw mayas utjquiti kherit nina sanc'a apsuñataquisa, jan ucajj mä phuch'ut uma kechst'añataquisa” sasa.

Jeremías 13:1

Tatitusti saraquituwa: “Saram, ucatsti mä cinturon alasinim linot lurata, ucat cinturamaru uca uscusim, ucampisa jan umampi juricht'amti” sasa.

Jeremías 26:17

Ucatsti mä kawkha jilïri chuyman jakenacaw sartasisin, marcajj tantacht'atäsipcäna; ucanacarojj sapjjaraquïna:

Jeremías 32:14

‘Israelan Diosapa, take ch'amani Tatitojj siwa: Aca kellkata arust'äwi paypacha copia catusinsti, mä ñek'e phuqhuru imjjam, ucan walja maranaca imatäñapataqui’ sasa.

Lamentaciones 4:2

Sión marcan jaquirinacasti, wali munatäpjjänwa, korïpcaspasa uqhama uñjatäpjjänwa, jichhasti ñek'e phuqhücaspasa uqham uñjataquëjjewa, jan yäkaña phuqhu luririn luratjama.

Ezequiel 4:1

“Jumasti, chacha, mä adobe ittam, ucatsti juman nayrakatamaru itnokam, uca adoberusti Jerusalén marca dibujaraquim.

Ezequiel 5:1

Tatitojj saraquituwa: “Jichhasti, chacha, jumajj mä ari cuchillo catum, ñic'uta uqhamaraqui sunqha qhithurasiña navajäcaspas uqhama ucampisti ñic'utama sunqhama qhithurasiraquim, ucatsti janc'aqui mä balanza aptaraquim, ñic'utamsti quimsaru jaljam.

Números 11:16

Ucampis Tatitojj juparojj sänwa: —Tantacham pakallk tunca israelitanacan jilïriparu, cawquïrinacatejj marcar apnakerjamäqui ucanacaru, ucatsti irpanim Tatitumpi Jiquisiñ Carparu, ucan suyapjjpan jumamp chica.

Mateo 26:3

Ucapachaw sacerdotenacan jilïrinacapajja, ley yatichirinacampi judionacan chuyman jilïrinacapampi, Caifasan uta ankäjjapan tantacht'asipjje, jupasti sacerdotenacan jilïripänwa.

Mateo 27:1

Cunapachatejj niya khanjtanjjän ucqhajja, takpach judionacan jilïrinacapaw amtapjjäna, sacerdotenacan jilïrinacapampi, chuymani jilïrinacampi Jesusar jiwayañataqui.

Hechos 21:11

Jupasti nanacar uñjiriw jutatayna. Ucatsti Pablon cinturonap catusinjja, cayunacap uqhamarac amparanacap ñach'antasisinwa säna: —Kollan Ajayojj aqham siwa: ‘Jerusalenanjja judionacajj aqhamwa ñach'antapjjani aca cinturonajj qhitinquitï ucarojja. Jan judío jakenacaruraquiw catuyapjjani’ —sasa.

2 Corintios 4:7

Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.