Jeremías 19:1 - Qullan Arunaka DC

¹ Tatitux sarakituwa: “Saram, ukatsti ñiq'it lurat mä wayucha alanim, ukatsti markankir jilïrinakaru, yaqhip jilïr sacerdotenakar jawsarakim.

Aymar Bibliia 1986

¹ Tatitusti saraquituwa: “Saram, ucatsti ñek'et lurata mä wayucha alasiraquim, ucatsti marcanquiri jilïrinacaru, uqhamaraqui yakhepa jilïri sacerdotenacaru jawsaraquim.

Qullan Arunaca

¹ Tatitusti saraquituwa: “Saram, ucatsti ñek'et lurata mä wayucha alasiraquim, ucatsti marcanquiri jilïrinacaru, uqhamaraqui yakhepa jilïri sacerdotenacaru jawsaraquim.

Jeremías 19:1 Jak'a apnaqawi uñst'ayäwi

2 Reyes 19:2

Ukatsti jupax reyi uta apnaqir Eliaquim jilïrimpiru, Sebná qillqirimpiru, sacerdotenakat jilïr awkinakampiruw khithäna, Amós chachan yuqapa Isaías profetan ukaru, chhankha isinakamp isthapita llakisiñap uñacht'ayañataki,

Isaías 30:14

ñiq'it lurat chatjam q'ala t'unjatäpxätawa, uka jik'illitanakax jan kunatak wakiskiriwa, qhirit nina sank'a apsuñatakisa, jan ukax phuch'ut uma qichsuñatakisa” sasa.

Jeremías 13:1

Tatitux sarakituwa: “Saram, ukatsti linot lurat mä wak'a alasinim, ukampi thixnimar wak'antasim, ukampis janiw umampix jurichjätati” sasa.

Jeremías 26:17

Ukatsti mä qawqha jilïr chuyman jaqinakaw sartasisin, ukan tantacht'at markarux sapxarakïna:

Jeremías 32:14

‘Israelan Diosapa, taqi ch'aman Tatitux siwa: Paypach qillqata katusin, jist'antatäki, jan jist'antatäki uka waraqatanak mä ñiq'i phukhur imxam, ukan walja maranak imatäñapataki’ sasa.

Lamentaciones 4:2

Jerusalén markan jakirinakasti, wali munatäpxänwa, qurïpkaspas ukham uñjatäpxänwa, jichhasti ñiq'i phukhükaspas ukham uñjatakïxiwa, jan yäqañ sañu luririn luratjama.

Ezequiel 4:1

“Ezequiel, jaqin yuqapa, chhuyu lurat mä adobe ittam, uka adoberusti kunjämäkitix Jerusalén markax ukhampach qillqsum.

Ezequiel 5:1

Tatitux sarakituwa: “Ezequiel, jaqin yuqapa, jumax mä ari cuchillo katum, sunkha khithurasiñ navajäkaspas ukhama, ukampisti ñik'utama, sunkhama khithurasim. Ukatsti uka ñik'utam mä balanzar apxatasin kimsar jaljam.

Números 11:16

Tatitusti Moisesar sänwa: —Israelitanak taypit paqallq tunka jilïr chachanak tantacham, jupanakasti juman uñt'at marka sarayir jaqinakäñapawa, jupanakarusti Tatitump Jikisiñ Carpar irpanim, ukan jumamp chik suyapxpan.

Mateo 26:3

Ukapachasti sacerdotenakan jilïrinakapampi, judionakan jilïrinakapampix, Caifasan utapan tantachasipxäna, jupasti sacerdotenakan jilïripänwa,

Mateo 27:1

Niy willjtanipansti, taqpach sacerdotenakan jilïrinakapampi, judionakan jilïrinakapampiw Jesusar jiwayañ amtapxäna.

Hechos 21:11

Jupasti nanakaruw jak'achasini, ukatsti Pablon cinturonap katusin kayunakapampi, amparanakapamp ñach'antasi. Ukat saraki: —Qullan Ajayux akham siwa: “Jerusalenanxa, judionakax aka cinturonanirux akham ñach'antapxani, ukatsti Roma apnaqir jilïrinakaruw katuyapxani” —sasa.

2 Corintios 4:7

Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.