Jeremías 15:1 - Qullan Arunaca

¹ Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Aymar Bibliia 1986

¹ Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Qullan Arunaka DC

¹ Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 15:1 Jak'a apnaqawi uñst'ayäwi

Génesis 19:27

Khepärmanthi alwasti, Abrahamajj cawqhantejj Tatitumpi parlcatayna ucqharuw saräna,

2 Reyes 17:20

Ucatsti Tatitojj jakonucünwa israelitanacata sarakeri take familianacaparu, jisc'ar tucuyañcama, lunthatanacan amparanacaparu catuyasina, jupan nayrakatapata jakonucuñcama.

Salmos 106:23

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Proverbios 14:35

Ch'iqhi uywatajj reyirojj cusisiyiwa, ucampis jan cuns lurir uywatajja reyin colerapacwa catokani.

Jeremías 10:18

Tatitusti siwa: “Jichhamänjja jayaruw jaktä, aca marcan utjir jakenacarojja. Jan walt'añanacaruw jupanacarojj uscuntä, uqhamatcha nayaru jicjjatjjapjjetani.” Marca:

Jeremías 11:14

Uqhamasti jumajj Jeremías jan mayimti aca marcataquejja; jan nayarojj oracionanac loktanistati, janiraqui jupanacataquis mayistati, jupanacarusti janiw ist'cäti cunapachatejj mayisipjjetani yanapa jan walt'aña horasanacapana ucapachajja.

Jeremías 14:11

Tatitusti saraquituwa: “Jan aca marcan asquincañapataqui mayistati.

Jeremías 14:12

Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Jeremías 15:19

Uqhamasti Tatitojj saraquituwa: “Nayan ucarutejj cuttanjjäta, ucapachasti catokjjaraquïmawa, sirviraquitätawa. Alekaquiw parlañ yattajja, uctejj apanucüta, cunatejj parlañajj waquisqui ucaqui parlaraquïta ucapachasti, jumajj nayat parläta. Jupanacaw juman ucarojj cuttanjjapjjañapajja, janiw jumati jupanacan ucarojj cuttañamäqui.

Jeremías 16:13

Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’

Jeremías 16:5

Tatitusti saraquituwa: “Cawquïri utantejj maynin jiwatap laycu lutt'atäsipqui ucarojj jan mantamti; uca jiwatatjja jan jachamti ni llaquisiñamsa uñacht'ayaraquimti jupan jiwatapatjja. Aca marcatsti suman sarnakasiñjja jayaruw apakjjta, munasiñajjsa, qhuyapayasiñajjsa uqhamaraqui. Naya Tatituw ucjja arsta.

Jeremías 18:20

¿Mä asqui luräwejj ñankhampiti cuttayatajja? ¡Jupanacajj sepulturajjwa allsupjje! Amtasim nayajj jumampi jiquintasitajja, jupanacataqui jumaru mayitajjsa, colerasiñama jupanacat apakjjañamataqui mayisitajjsa.

Jeremías 22:28

“¿Jeconiasajj mä p'acjata chatumpi sasiti, jan cunataqui inamaya jan qhitin munata jaktatati? ¿Cunatraqui jupasa, wawanacapasa jan uñt'ata jaya orakeru apanucuta uñjasipjjesti?

Jeremías 23:39

uca laycuw jichhajj mä cargäpcasmas uqhama aptapjjäma, jumanacaru cawquïri marctejj jumanacarusa, nayra awquinacamarusa churcta uca marcamppacha, ucatsti nayat jayaruw liwt'apjjäma.

Jeremías 35:19

janipuniw Jonadab chachan wawanacapajj tucuscaniti, jan ucasti nayaru sirviriw jutapjjani. Naya Israelan Diosapa take ch'amani Tatituw ucjja arsta’ ” sasa.

Jeremías 52:3

Ucatwa Tatitojj Jerusalén marcataquisa, Judá oraketaquisa colerataraquïnjja, jupan nayrakatapatsti apanucuraquïnwa. Sedequías chachasti Babilonianquiri reyitaquiw sayt'asiraquïna.

Jeremías 9:19

Sionatpachwa usutat aykoñanacajj purini: “¡Cunjämaraqui aqham k'ala t'unjatäjjtansti! ¡Cunja jisc'achjatätansa! Marcassti apanucjjacchiñanïya, utanacasasti k'ala t'unjatawa.”

Ezequiel 14:14

Uca marcantejj Noé, Daniel uqhamaraqui Job ucanacatejj jacapjjaspajja, uca quimsaniquiw khespipjjaspa asqui jakenacäpjjatap laycu. Naya Tatituw ucjja arsta.

Ezequiel 22:30

Nayasti uca jakenac taypinjja thakaraquïyätwa mayni asqui jake aca marcataqui mä cuna ascsa lurañapataqui, nayarusa achict'añapataqui jan aca marca t'unjañajjataqui, ucampisa uca jakjja janiw jicjjatcti.

Oseas 9:15

Tatitojj siwa: “Gilgal chekanwa take jan walinac lurapjjänjja, ucqhanracwa jupanacar uñisiñajja kallt-ta. Jan wali luräwinac lurapjjatapatjja; utajjatjja ananucüwa, janiraquiw jupanacarojj juc'ampi muncjjäti, take jilïrinacapasti naya contra sayt'asircamaquiwa.

Zacarías 3:3

Josué chachasti, mä k'añu isinacamp isintasita, sayascaquïnwa Tatitun angelap nayrakatana.

Deuteronomio 9:26

Ucatsti Diosarojj mayïyätwa: ‘Dios Tata, jan jumajj aca marcamaru t'unjamti, jumaw jach'a cancañampi khespiyasta uqhamaraqui jach'a ch'amamampi Egipto marcatsa irpsunta.

Hebreos 9:24

Jaken lurat santuariojj mä uñacht'äwiquïnwa chekpach santuariotjja. Cristosti janiw uca jakenacan lurat santuariorojj mantquiti, jan ucasti alajjpach quicparuw manti, jichhasti ucan Diosan nayrakatapan jiwasat arjjatasquistu.

Jueces 5:9

“¡Nayajj take chuymajjwa churta, Israelan jach'a jilïrinacapatjja, uqhamarac marcajjancqui uca jakenacatsa, jupanacasti nuwasiñatac jawsatajj mäquiw ist'asipjje! ¡Diosaru takeni yupaychapjjam!

1 Samuel 12:19

ucatwa Samuelorojj takeni sapjjäna: —Jumajj Tatitu Diosamaru aca sirvirinacamataqui achict'am, jan jiwarapjjañajjataqui, take jucha luratanacajj-jjarusti rey mayitampwa yapt'apjjtajja —sasa.

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.

1 Samuel 7:9

Samuelosti mä ovej kallu catusinjja uqhampachwa Tatiturojj sacrificiot loktäna, Israel marcataquiraquiw Tatitut wali mayïna, Tatitusti mayitaparojj ist'araquïnwa.