Jeremías 15:1 - Qullan Arunaka DC

¹ Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Aymar Bibliia 1986

¹ Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Qullan Arunaca

¹ Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Jeremías 15:1 Jak'a apnaqawi uñst'ayäwi

Génesis 19:27

Qhipärmanthisti, Abrahamax willjtaw sartasïna, ukatsti kawkhantix Tatitumpi parlkatayna ukkharuw saräna;

2 Reyes 17:20

Ukat Tatitux israelitanakat saraqiri wawanakapar apanuküna, jisk'achjarakïna, lunthatanakan amparapar katuyasa, jupan nayraqatapat jaqunukuñkama.

Salmos 106:23

Diosax jupanakar tukjañ munäna; jupan ajllit Moisesasti, nayraqatapan achikt'äna, ukat q'apisiñap t'akurayäna.

Salmos 99:6

Moisesampi Aaronampix jupan sacerdotenakapänwa; Samuel profetax jupan luqtiripänwa. Jupanakax Tatituruw yanap mayipxäna, Tatitusti mayitanakaparux ist'änwa.

Proverbios 14:35

Ch'ikhi uywatax reyir kusisiyiwa, jan p'inqan uywatasti reyirux q'apisiyiwa.

Jeremías 11:14

Ukhamasti jumax Jeremías, jan nayarux aka markataki mayistati; jupanakarusti janiw ist'käti kunapachatix jan walt'añanak taypinkkasin yanap mayipkitani ukapachaxa.

Jeremías 14:11

Tatitusti sarakituwa: “Jan aka markan askinkañapatak mayistati.

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 15:19

Ukhamasti Tatitux sarakituwa: “Nayan ukarutix kuttanxäta ukkhaxa, nayax katuqxämawa, kuntix nayatak lurañamäki ukarak lurxarakïta. Jan wal arsuñamtix apanuküta, kunatix arsuñamäki ukak arsurakïta ukkhasti, jumax naya lantiw arsüta. Jupanakaw juman ukarux kuttanxañapa, janiw jumati jupanakan ukarux kuttañamäki.

Jeremías 16:13

Ukatpï jichhax aka uraqit jaya markar apayapxämaxa, kawkïr marktix jumanakasa, nayra awkinakamasa jan uñt'apkäna ukaru, ukansti uruy arumaw yaqha diosanakar yupaychapxäta, nayasti janiw jumanakat khuyapt'ayaskarakïti.’

Jeremías 16:5

Tatitux sarakituwa: “Maynin jiwatap layku lutt'atäsipki uka utarux jan mantamti; uka jiwatat jan jachamti, janirak llakisiñamsa jupan jiwatapat uñacht'ayamti. Aka markatsti suman sarnaqasiñaxa, munasiñaxa, khuyapayasiñaxa q'al apaqxta. Naya, Tatituw uk arsta.

Jeremías 18:20

¿Mä aski luräwix ñanqhampit kuttayataxa? ¡Jupanakax sepultura nayatakix allsupxi! Amtasim nayan jumampi parlir jutataxa, jupanakatak jumar mayitaxsa, phiñasiñam jupanakat apaqxañamatak mayisitaxsa.

Jeremías 22:28

¿Joaquín reyix mä p'akjat chatumpi sasiti, jan kunatak inamaya jan khitin munata jaqtatati? ¿Kunatarak jupasa, wawanakapasa jan uñt'at jaya markar apanukut uñjasipxisti?

Jeremías 23:39

ukatpï jichhax jumanakarusa, kawkïr marktix nayra awkinakamar churkta uka markamppacharus jaytanukupxämaxa.

Jeremías 35:19

Jonadab chachan wawanakapax utjapuniniwa, jupanakasti nayar luqtiriw jutapxani. Naya, Israelan Diosapa taqi ch'aman Tatituw uk arsta’ ” sasa.

Jeremías 52:3

Ukat Tatitux Jerusalén markataki, Judá uraqitakisa phiñasitänxa, ukanakarusti jupan nayraqatapat apanukurakïnwa. Ukatsti Sedequías reyix Babiloniankir reyitakiw sayt'asïna.

Jeremías 9:19

19 (18) Taqi aka markpachan jaqinakan jachatanakapax ist'asi: “Q'ala t'unjatarakïtansä, jisk'achjatarakis uñjastanxä. Utanakasax q'ala t'unjatawa, markasat sarxañakiw wakt'xistu” sasa.

Ezequiel 14:14

Uka markantix Noé, Daniel, Job chachanakax jakapxaspaxa, uka kimsanikiw aski jaqïpxatapat qhispipxaspa. Naya, Tatituw uk arsta.

Ezequiel 22:30

Nayasti uka jaqinak taypinxa, mayni aski jaqi thaqhäyäta, markapatak mä kuna asksa lurañapataki, aka markar jan t'unjañaxatak nayar achikt'asiñapataki, ukampis janiw uka jaqi jikxatkti.

Oseas 9:15

Tatitux siwa: “Guilgal chiqan taqi jan walinak lurapxäna, ukkhanrak jupanakar uñisiñ nayax qalltta. Jan wali luräwinak lurapxatapatxa; utaxat ananuküwa, janirakiw juk'amp munkxäti, taqi jilïrinakapasti nayatak sayt'asirkamakiwa.

Zacarías 3:3

Josué chachasti, wali q'añu isini isintataw Tatitun angelap nayraqatan sayaskakïna.

Deuteronomio 9:26

achikt'asisaw juparux sarakta: ‘Dios Tatay, janikiy jumax aka markamar t'unjamti, juman markamawa, jach'a kankañampiw qhispiytaxa, jach'a ch'amamampiw Egipto markatsa irpsuntaxa.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

Jueces 5:9

“¡Nayax taqi chuymax churta Israelan jach'a jilïrinakap layku, markaxankir jaqinak layku, nuwasiñar jawsatax mäki ist'asipxatapata! ¡Tatitur taqini yupaychapxam!

1 Samuel 12:19

Ukat Samuelurux taqiniw sapxäna: —Jumax Tatitu Diosamar achikt'am, aka luqtirinakamax jan jiwarapxañaxataki; nanakan taqi jucha luratanakaxarusti mä reyi mayitaxampiw yapt'apxta —sasa.

1 Samuel 12:23

Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.

1 Samuel 7:9

Samuelusti mä urqu ovej qallu katusin Tatituruw nakt'at wilañcha luqtäna; ukatsti Tatitut wal mayïna, Israel markat khuyapt'ayasiñapataki, Tatitusti mayitaparux ist'änwa.