Jeremías 15:2 - Qullan Arunaka DC

² Ukattix jiskt'apxätam: ‘¿Kawkirus sarapxä?’ sasa, ukatsti nayan sutixar akham sarakim: “ ‘Usumpi jiwarañatak wakichatanakaxa, usumpi jiwarapxpan; nuwasïwin jiwarañatak wakichatanakasti, nuwasïwin jiwarapxpan; manq'atjam jiwarañatak wakichatanakaxa, manq'atjam jiwarapxpan; jayar apatäñatak wakichatanakasti, jayar apatäpxarakpan’ sasa.

Aymar Bibliia 1986

² Ucattejj jisct'apjjätam: ‘¿Cawquirus sarapjjä?’ sasa, ucapachasti aqham saraquim: ‘Usumpi jiwarañataqui waquichatanacajja, usumpi jiwarapjjpan; guerran jiwarañataqui waquichatanacasti, guerran jiwarapjjpan; mank'atjama jiwaratäñataqui waquichatanacasti, mank'atjam jiwarapjjpan; jayaru apatäñataqui waquichatanacasti, jayaru apataraquïpan’ sasa.

Qullan Arunaca

² Ucattejj jisct'apjjätam: ‘¿Cawquirus sarapjjä?’ sasa, ucapachasti aqham saraquim: ‘Usumpi jiwarañataqui waquichatanacajja, usumpi jiwarapjjpan; guerran jiwarañataqui waquichatanacasti, guerran jiwarapjjpan; mank'atjama jiwaratäñataqui waquichatanacasti, mank'atjam jiwarapjjpan; jayaru apatäñataqui waquichatanacasti, jayaru apataraquïpan’ sasa.

Jeremías 15:2 Jak'a apnaqawi uñst'ayäwi

Isaías 10:4

Jumanakax jisk'achjatäpxätawa, katuntat apatäpxätawa, jiwayatäpxarakïtawa. Tatitun phiñasiñapasti janiw apaqtkaniti, jichhas jupax mayamp ukham lurañ amtaskakiwa.

Isaías 24:18

Jiwayirinakat jaltirixa, p'iyaruw jalantani, uka p'iyat misturisti sipitaruw jalt'ani. Alaxpachatsti jallux walipuniw purxatanini, aka uraqin qalltanakapas khathatirakiniwa.

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 14:16

Janiw jupanakakit jiwarapkani, jan ukasti, kawkïr markarutix uka yatiyäwinak yatiyapki ukankirinakas manq'atjam nuwasïwin jiwarapxarakini, warminakapampi, wawanakapampi kuna. Jiwat janchinakapasti Jerusalén marka thakhinakan jaqtatäniwa, janirakiw jupanakarux khiti imt'iris utjkaniti. Ukhamat juchap uñt'asiyä.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 43:11

Jupasti jutasin aka Egipto marka t'unjani. Khitinakatix jiwañatak katuyatäpki ukanakasti, jiwarapxaniwa; kawkïrinakatix yaqha markar apatäpxañapatak katuyatäpki ukanakasti, jaya markar apatäpxaniwa; kawkïrinakatix nuwasïwin jiwaratäñatak katuyatäpki ukanakasti, uka nuwasïwin jiwarapxarakini.

Ezequiel 12:11

Jupanakarusti sarakim, jumax jupanakataki mä yatiyäwi churiri chimpütama, ukatsti jupanakax kuntix jumax lurkta uka kipka lurapxañaparaki, jaya markaru apanukutäpxaniwa uka layku.

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Ezequiel 33:27

“Jupanakar sarakim: ‘Tatitux akham siwa: Naya, Tatituw sutix layku arsta, t'unjata markanakan jakirinakax jiwarayataw uñjasipxani, pampan utjirinakarusti montenkir animalanakaw manq'antani, qarqanakana, qarqa p'iyanakan jakirinakasti kunayman usumpiw jiwarapxani.

Ezequiel 5:12

Jaqinakamatsti mä chikatax usunakampi, manq'atjam jiwañampiw aka pachpa markan jiwarapxani, chikat jaqinakasti, markam jak'ankir uñisirinakan jiwarayataw uñjasipxani, ukat jilt'irinakarusti taqi tuqiruw ananukurakï. Jupanakan qhipapsti nayaw espadas ayt'at arktä.

Ezequiel 5:2

Jerusalén markax katuntat uñjaskani ukkhasti, uka kimsar jaljat ñik'utxa, mayïrxa marka taypir sarasin ukan nakhantayam; mayïrsti, mä espadampi khuchhunuqas marka muytpachar willtanim, ukat jilt'äki uksti thayarurak willxaruyam. Nayasti markankir jaqinakan qhipap sarä, mä espadas ayt'ata.

Daniel (hebreo) 9:12

Jumax, nanakxar aka jach'a jan walt'äwi apayanisaxa, kuna axsarañanaktix nanakampiru, marka apnaqirinakampir yatiyapkista uk phuqtawa; aka uraqinsti janipuniw kuna mutuyäwtix Jerusalén markxar apayankta uka kipka mutuyäwix utjirïkiti.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Zacarías 11:9

Ovejanakarusti saraktwa: “¡Janiw mayampsa jumanakan awatirimäkxiristti! ¡Yaqhipatix jiwanixa, jiwaskpan! ¡Yaqhiparutix jiwayapxanixa, jiwayasipkakpan! ¡Jilt'irinakasti jupanak pura manq'antasisipkpan!” sasa.

Apocalipsis 13:10

“Katuntat apatäñapäki ukanakax, katuntat apatäpxaniwa; espadampi jiwayatäñapäki ukanakax, espadampi jiwarayatäpxaniwa.” Taqi akanakan yatisini, Diosan qullan markapan ch'amanïtapasa, iyawsañanïtapasa.