Jeremías 15:3 - Qullan Arunaka DC

³ “Naya, Tatituw uk arsta: Jichhax pusi mutuyäwinak apayanipxäma: Nuwasïwin jiwarapxäta, anunakaw qatatnaqapxätam, siwiq'aranakaw manq'apxätam, ch'uminkir animalanakaw manq'apxarakïtam.

Aymar Bibliia 1986

³ “Naya Tatituw ucjja arsta: Jichhajj pusi casta mutuyäwinacwa apayanipjjäma: Guerran jiwarapjjäta, anunacaw katatnakapjjätam, siwek'aranacaw mank'apjjätam, montenquir animalanacaw mank'apjjaraquïtam.

Qullan Arunaca

³ “Naya Tatituw ucjja arsta: Jichhajj pusi casta mutuyäwinacwa apayanipjjäma: Guerran jiwarapjjäta, anunacaw katatnakapjjätam, siwek'aranacaw mank'apjjätam, montenquir animalanacaw mank'apjjaraquïtam.

Jeremías 15:3 Jak'a apnaqawi uñst'ayäwi

Salmos 68:23

23 (24) timasirinakaman wilapampiw kayum ch'aranachasïta, anunakamasti uka wil jallq'apxarakini” sasa.

Isaías 18:6

Taqi ukanakaw apanukut uñjasini, qullunakan utjir jach'a jamach'inakataki, kunayman utjir laq'unakataki. Uka jamach'inakasti junt'u pachax ukan jakapxani, kunayman laq'unakas thaya pachax ukanarak jakapxani.”

Jeremías 12:9

Markaxax mä suma phuyunakan jamach'jamawa, yaqha jach'a jamach'inakan katjañatak arknaqatawa. ¡Jichhax taqi ch'uminkir animalanak jutapxam; manq'antañatak tantacht'asipxam!

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 14:16

Janiw jupanakakit jiwarapkani, jan ukasti, kawkïr markarutix uka yatiyäwinak yatiyapki ukankirinakas manq'atjam nuwasïwin jiwarapxarakini, warminakapampi, wawanakapampi kuna. Jiwat janchinakapasti Jerusalén marka thakhinakan jaqtatäniwa, janirakiw jupanakarux khiti imt'iris utjkaniti. Ukhamat juchap uñt'asiyä.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 7:33

Uka jaqinakan jiwat janchinakapsti jach'a jamach'inakampi, monte animalanakampiw manq'apxani, janiw ukanakar khiti jark'iris utjkarakiniti.

Lamentaciones 3:11

Thakhit maysaruw saranukuyitu, jisk'a jisk'a tukjitu, ¡jach'a axsarañampiw phuqhantarakitu!

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Ezequiel 33:27

“Jupanakar sarakim: ‘Tatitux akham siwa: Naya, Tatituw sutix layku arsta, t'unjata markanakan jakirinakax jiwarayataw uñjasipxani, pampan utjirinakarusti montenkir animalanakaw manq'antani, qarqanakana, qarqa p'iyanakan jakirinakasti kunayman usumpiw jiwarapxani.

Levítico 26:16

nayax jumanakampix akanak lurarakï: axsarañanaka, jiwayir usunaka, junt'u usunaka, nayra usunaka, janchin aynacht'añanaka, taqi uka usunak apayanï; inamayaw yapuchasipkäta, uka yapuchasitanakamsti uñisirinakamaw manq'antapxani.

Levítico 26:22

Jumanakxarusti qullunkir qhuru animalanak antutanï, ukanakasti wawanakamsa, uywanakamsa q'al manq'antapxani, ukat jilt'irinakasti juk'akïxapxaniwa, thakhinakamas ch'usa wasarar tukutäniwa.

Levítico 26:25

Jumanakxarux mä nuwasiñ jutayä, ukaw juchanakam uñt'asiyapxätam nayan arust'äwi arunakax p'akintapxatamata, jumanakasti markanakamar imantasiriw jaltxapxäta; ukampis nayax usunak apayanipxäma, jumanakasti uñisiriman amparaparuw jalt'apxarakïta.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Deuteronomio 28:26

Jamach'inakampi, monte animalanakampiw jiwat janchim manq'antani, janiw khiti aliswaqiris utjkaniti.

Deuteronomio 32:24

Manq'atjamaw jiwarapxani, phuthuti usumpiw jiwarapxani; mä jach'a usuw jupanakar tukjani; jupanakxarux monte animalanak khithanï, jiwayir mich'ini katarinak khithanirakï.

Apocalipsis 6:8

Uñtasinsti mä q'illu caballo uñjarakta. Uka caballor lat'xatatäkän ukan sutipasti “Jiwaña” satänwa, jupan qhipapsti manqha pachan jilïripaw arkäna. Ukatsti panpachaniw munañanïñ kankañ katuqapxäna, akapach uraqin jaqinakar chikatan chikatapar jiwayañataki, nuwasiñanak tuqi, mach'anak tuqi, usunak tuqi, qhuru animalanak tuqi.