Jeremías 14:22 - Qullan Arunaka DC

²² ¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Aymar Bibliia 1986

²² ¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Qullan Arunaca

²² ¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Jeremías 14:22 Jak'a apnaqawi uñst'ayäwi

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

1 Reyes 17:14

Israelan Tatit Diosapax akham siwa: “Janiw jak'ux wakullan tukuskaniti, chatunkki uka aceites janirakiw tukuskaniti, kunürutix Tatitux aka uraqir wasitat jallu puriykani ukürkama” sasa.

1 Reyes 18:1

Kimsa maraw jallux jan purkxataynati, Samaria markansti taqiniw manq'atjam t'aqhisisipkäna, janiw manq'añax utjkänti. Ukapachaw Tatitux Eliasar säna: “Ahab reyimp parlir saram, nayasti aka uraqir jallu puriyxäwa” sasa.

1 Reyes 8:36

jumax alaxpachatpach ist'anim, ukatsti Israel markamampina, uywatanakamampin juchanakap pampacham, aski thakhinjam sarnaqapxañapäki uk yaticharakim. Ukatsti kawkïr uraqtix markamar churkta uka uraqirux wasitatay jallum purxatayanim.

Job 28:26

jalluna puriñapatakis pachanak utt'aykäna, jach'a thayarus thakhipa uñacht'aykarakïn ukapachaxa;

Job 5:10

Jupaw akapachar jallu apayani, ukampiw yapunak qarpanti;

Salmos 130:5

Taqpach ajayuxampiw Tatitur suyt'askta, taqpach chuymaxampiw arunakapar iyawsta.

Salmos 135:7

Uraq tukusitpach qinayanak sartayi, lliju llijunakampiw jallun purxatañap yatiyi, imatäki ukkhatpach thayanakarux antutnuku.

Salmos 147:8

Jupaw alaxpacharux qinayanakamp phuqhanti, uraqitak jallu wakichi, ch'umi manqhanakan quranak ch'uxñaptayi,

Salmos 25:21

Aski kankañaxampi, chiqa kankañaxampix arxatapxitpan, jumaruw taqi chuymamp katuyassma.

Salmos 25:3

¡Jumar taqi chuymamp alkatirinakax janipun p'inqa tukupxpati! ¡Ina ch'usat jumar qallasir jaqinakay p'inqa tukuñarux puripxpan!

Salmos 27:14

¡Tatitur taqpach chuymamp iyawsam! ¡Ch'amañchasim, jan axsaramti! ¡Tatitur taqpach chuymamp iyawsam!

Isaías 30:18

Ukampis Tatitux jumanakat khuyapayasiñatakiw suyasipktam, jupax walipuniw munasiñap uñacht'ayañ munapxtam, Tatitusti khuyapayasiri chiqap Diosarakiwa. ¡Jupar suyt'irinakax kusisiñanïpxiwa!

Isaías 30:23

Yapuchasitamar purxatañapatakisti, Tatitux jallu apayanïtam, ukhamat uraqix walja jilarkiri trigo achuntani. Uka urun uywanakamax walja manq'añanïpxaniwa.

Isaías 41:29

¡Taqi jupanakasti janiw kunäpkisa! Janiw kun lurañsa yatipkiti; jan ukasti, ina ch'usa k'ari diosanakakiwa.

Jeremías 10:12

Tatitux ch'amapampiw aka uraqi lurt'i, amuyt'apampiw aka uraqsa sayt'ayi, ch'ikhi kankañapampiw alaxpachsa uskuraki.

Jeremías 10:13

Jach'a arupampisti, alaxpachanak wal qhuthutiyi, qinayanakarusti jayanakat sarthapiyani, jach'a lliju llijunak taypina, jach'a thayanak sartayasin Tatitux jallu purintayi.

Jeremías 10:15

jan kunatak inamay yänakakiwa, Tatitusti taripäwipanxa ukanakarux q'al t'unjarakini.

Jeremías 10:3

Uka markanakan iyawsäwinakapax janiw kunatakis askïkiti. Ch'umi taypin mä quqa jaqunukupxi, uka quqatsti ídolo luririw sum lursuski,

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 5:12

Israel markampi, Judá markampix Tatitur jan uñt'iriw tukupxi; sapxarakiwa: “Janiw Diosax utjkiti. Janiw kuna jan walis jiwasxarux jutkaniti, janirakiw nuwasiñasa, mach'as utjkaniti” sasa.

Jeremías 5:24

Janiw amuythapisipktati, janirakiw sapktasa: ‘Tatitu Diosasarux axsartañäni, jupaw qhipa, nayra jallsa wakisitapar apayanistu, pachaparuw achunak apthapiyarakistu’ sasa.

Jeremías 51:16

Jach'a arupampiw alaxpachanak wal qhuthutiyi, qinayanakarusti jayanakat sarthapiyani, jach'a lliju llijunak taypina, jach'a thayanak sartayasin Tatitux jallu purintayi.

Oseas 2:7

7 (9) Munirinakaparux arkaskaniwa, ukampis janiw jikxatkaniti; thaqhaskaniwa, janiw jikxatkaniti. Ukapachaw sani: ‘Nayra chachaxampik kuttasxä, walik jupampix sarnaqaskäyäta’ sasa.

Joel 2:23

¡Sionan utjir jaqinaka, kusisipxam, Tatitu Diosamampi kusisipxam! Jupaw wakisit urun jallu apayanipxtam, nayra jallsa, qhipa jallsa puriyaraki, kunjämtix nayra pachax apayankän ukhama.

Amós 4:7

“Yapu apthapitak kimsa phaxsïkipan jallxa jan apayanipksmati. Mä markan nayax jallu puriyta, yaqha markansti janiw puriykti; mä chiqan jallux puriwa, mä chiqansti umatjamax uraqix wañsuwa.

Miqueas 5:6

6 (5) Jupanakaw Asiria marka apnaqapxani, Nimrod marksa, espadampiw apnaqapxani, asirionakatsti qhispiyapxarakistaniwa, khitinakatix uraqisan qurpanakapa mantanisin sarnaqapki ukanakata.

Miqueas 7:7

Ukat nayax Tatitur suyt'añar uchasta, jupaw nayan qhispiyirixaxa, jupa Tatitusti nayarux ist'itaniwa.

Mateo 5:45

Ukhamat jumanakax alaxpachankir Awkiman wawanakapäpxäta; jupaw inti jalsuyani jan wali jaqinakatakisa, aski jaqinakatakisa, juparakiw jallu apayani, aski jaqinakatakisa, jan wali jaqinakatakisa.

Deuteronomio 28:12

Ukatsti jumatak suma imasitap jist'aranini, ukasti alaxpachawa, uraqinakamar wakisit pachapar jallu puriyaniñataki; ukatsti taqi irnaqäwinakamarux askinakampiw phuqt'ätam. Jumax walja markanakaruw mayt'äta, ukampis jumax janiw khititsa mayt'askätati.

Deuteronomio 32:21

Jan diosäki uka diosampiw phiñasiyapxitu, uka inamay diosanakampiw q'apisiyapxarakitu; ¡nayasti jan markäki uka markampiw phiñasiyä, jan amuyt'asiñ munir markampiw q'apisiyarakï!