Jeremías 14:22 - Qullan Arunaca

²² ¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Aymar Bibliia 1986

²² ¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Qullan Arunaka DC

²² ¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Jeremías 14:22 Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 17:14

Israelan Tatit Diosapasti aqham siwa: ‘Janiw tucuscaniti tinajana jac'umajj utjqui ucajja, ni chatuman aceites utjqui ucasa, cunürutejj Tatitojj aca orakeru jallu puriycani ucürcama’ sasa.

1 Reyes 18:1

Maranacasti pasjjänwa. Ucatsti quimsa mara pasatatjja Tatitojj Eliasarojj sänwa: “Saram, ucatsti Acab reyin ucar uñstanim, nayasti jalljja puriyjjäwa aca orakerojja” sasa.

1 Reyes 8:36

jumajja alajjpachatpacha ist'asinjja perdonam Israel marcamana uywatanacamana juchanacapa. Ucatsti yaticham asqui thaqui sarapjjañapäqui uca. Ucatjja marcamaru aca orake herenciata churcta ucarusti jalluma puriyanim.

Job 28:26

jallurusa horasaparu puriñapataqui uscuraquïna, jach'a thayarusa thaquipjja uñacht'ayaraquïna;

Job 5:10

Jupaw acapacharu jallu apayani, ucampiraquiw yapunacjja karpanti;

Salmos 130:5

Takpach almajjampiw Tatitur suyt'ascta, takpach chuymajjampiw arunacapar iyawsaracta.

Salmos 135:7

Orak tucusitpach kenayanac sartayi, khejjokhejjonacampiw jallu purjjatayi; utjäwinacapat thayanacarojj antutnucu.

Salmos 147:8

Jupaw alajjpacharojj kenayanacamp phokhanti, oraketac jallu waquichi, ch'umi mankhanacan koranac ch'ojjñaptayi.

Salmos 25:21

Asqui cancañajjampi, cheka cancañajjampejj arjjatapjjetpan, jumar take chuymamp iyawsatajj laycu.

Salmos 25:3

jumar take chuymamp alcatirinacajj janipuniw p'enk tucupcaniti, ina ch'usat jumar kallasir jakenacasti, p'enka tucuñaruw puripjjani.

Salmos 27:14

Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Isaías 30:18

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

Isaías 30:23

Tatituw jallu apayanïtam yapuchasitamar purjjatañataqui, ucatsti orakejj walja jilarquiri trigo achuraquini. Uca urunjja uywanacamataquejj mank'ajj walipunïniwa.

Isaías 41:29

¡Take jupanacasti janiw cunäpquisa! Janiw cun lurañsa yatipquiti; ina ch'usa diosanacaquiwa, janiw cunäpquisa.

Jeremías 10:12

Tatitojj ch'amapampiw aca orake luri, amuyt'apampiraquiw aca oraksa sayt'ayi, ch'iqhi cancañapampiw alajjpachsa uscuraqui.

Jeremías 10:13

Jach'a arupampisti, alajjpachanjja umanacas warariraquiwa, kenayanacsti aca oraken mä thiyapatwa maqhatayaraqui, jallunsa llijullijunacjja khantayaraquiwa, thaysti imañapatjja apsuniraquiwa.

Jeremías 10:15

jan cuna inamaya yänacaquiwa, mä p'enkaraqui, Tatitusti taripäwipanjja ucanacarojj t'unjaraquiniwa.

Jeremías 10:3

Uca marcanacan iyawsäwinacapajj janiw cunataquis asquïquiti. Monten mä tronco jakonucupjje, mayni lek'eriraquiw cincelapampi lek'su,

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 5:12

Israelampi, Judämpejj Tatiturojj jan uñt'iriw tucupjje; sapjjaraquiwa: “Janiw Diosajj utjquiti. Janiw cuna jan walis pasquistaniti, janiraquiw guerras, mach'as utjcaniti” sasa.

Jeremías 5:24

Janiw amuythapisipcaractasa, ni sapcaractasa: Tatitu Diosasarojj ajjsartañäni, horasaparuw khepa, nayra jallsa apayanistu, uqhamaraqui cosecha apthapiñ horasas apayaniraquistu.

Jeremías 51:16

Jach'at arsutapampiw umas alajjpachan khothutiraqui, kenayanacsti aca orake tucusitpachwa maqhatayaraqui, jallu taypinracwa k'ejjok'ejjonacsa khantayaraqui, cawqhantejj thayajj imantatäqui ucatpachwa apsuniraqui.

Oseas 2:7

Munirinacaparojj arcascaniwa, ucampis janiw jicjjatcaniti; thakascaniwa, ucampis janiw jicjjatcaniti. Ucapachaw sani: ‘Nayra chachajjampic cuttasjjä, jupampisti walic sarnakascäyatjja’ sasa.

Joel 2:23

¡Sionan utjir jakenaca, cusisipjjam jumanacajja, cusisipjjam Tatitu Diosamana! Jupaw jalljja horasaparu apayanipjjtam, nayra jallu, uqhamarac khepa jallsa, cunjämtejj nayran apayancän uqhama.

Amós 4:7

“Cosecha horasataqui quimsa phajjsi faltquipansa jalljja janiw apayanipcsmati. Mä marcarusti jalljja puriyaractwa, mayarusti janiraqui; mä chekarusti jallojj puriwa, mä chekasti umatjamajj pharsuscaraquiwa.

Miqueas 5:6

Jupanacaw Asiria marcjja apnakapjjani, Nimrod marcsa uqhamaraqui, espadampiw apnakapjjani, asirionacatsti khespiyapjjaraquistaniwa, qhitinacatejj orakesan korpanacapa pasantanisin sarnakapqui ucanacata.

Miqueas 7:7

Ucampis nayajj Tatituruquiw suyt'ä, khespiyiri Diosajjaruquiw take confiansajja uscusiraquï, jupasti nayarojj ist'itaniwa uca laycu.

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Deuteronomio 28:12

Ucatsti jist'arätamwa uca imantat alajjpachapa, orakemar jallu munqui uc churaniñataqui, uqhamaraquiw bendicïtam take irnakañamarusa. Ucsti take marcanacaruw mayt'araquïta, ucampis jumajj janiw cunsa mayt'ascätati.

Deuteronomio 32:21

Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.