Jeremías 14:7 - Qullan Arunaca

⁷ ¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Aymar Bibliia 1986

⁷ ¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Qullan Arunaka DC

⁷ ¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 14:7 Jak'a apnaqawi uñst'ayäwi

Esdras 9:15

“Israelan Tatitu Diosapa, jumajj nanacampejja chekapwa lurtajja; jumaraquiwa wact'ayaracta nanac taypita mä tama khespiyasina jacañapsa, cunjämatï jichhürojj uñjapjjta uqhama. Nanacasti chekpachanwa juma nayrakatana juchanïpjjta, ucatwa jan juman nayrakatamancapquiristi.”

Salmos 115:1

Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim.

Salmos 25:11

Tatay, juchanacajjajj waljapuniwa, sutiman jach'ätap laycuy takpach juchanacajjat pampachita.

Salmos 79:9

Khespiyir Diosajjay, juman jach'a sutim laycuy arjjatapjjeta, khapak sutim laycuy khespiyapjjeta, juchanacat pampachapjjaraquita.

Isaías 48:11

Nayan jach'añchäwejj laycu, jach'añchäwejj laycuw uqham lurta, sutejjasti janiw taquisitäcaspati. Janiraquiw nayar churañäqui ucjja yakharu churaycäti.

Isaías 59:12

Nanacaw jumarojj wal chuyma usuyapjjsma, pachpa juchanacajjaraquiw jichhajj juchañchasipquitu; nanacan jucha luratanacajjasti nanac chicaraquiwa, ñankha luratanacajjsti uñt'asipjjaractwa.

Jeremías 10:19

—¡Ay, cunaquïcan nayataquejja, aynacht'atätwa! “¡Chhojjrinacajjasti janiw kollañjamäcjjeti! ¡Nayasti amuyasisinjja aca llaquinaca apchëjjaya sasaw amtaraquïyäta!

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 3:6

Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Jeremías 5:25

Ucampisa jumanacan juchanacamajj take ucanacjja mayjt'ayjjewa, jichhasti janiw juc'ampi uca asquinacjja catokcjjapjjätati.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 8:14

Marcasti saraquiniwa: “¿Cunataquis acar kheparascaquiñäni? ¡Takeni sarjjañäni jach'a perkani marcanacaru, mäpita jiwarayistpan! Tatitu Diosasajja jiwarayistaniwa; venenat umwa umañataquisa churaraquistu, jupa toke jucha luratas laycu.

Jeremías 8:5

Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Ezequiel 20:14

Ucampisa sutejjar munatajj laycuw jan ucjja lurcti, uqhamat yakha marcanac nayrakatan jan jisc'achata uñjasiscañajjataqui, uca marcanacasti nayarojj uñjapjjaraquitänwa Israelar Egiptot apsunirjja.

Ezequiel 20:22

Ucampisa, sutejjar munatajj laycuw nayajj jupanacat qhuyapt'ayasïyäta, jan jisc'achata uñjasiscañajjataqui cawquïri marcanacatejj jupanacaru Egipto marcat apsunir uñjquitu, ucanac nayrakatana.

Ezequiel 20:9

Ucampisa sutejjan jach'añchäwip laycuw luraracta, uqhamat yakha marcanac nayrakatan jan mayjt'ascañataqui, cawquïri marcanac taypintejj jupanacajj jacapcän uca marcanac nayrakatana, uca marcanac nayräjjanracwa jupanacaru uñstäyätjja, uqhamaraqui Egiptot apsjjañataquis arsuraquïyätjja.

Oseas 5:5

Israel marcan jach'a jach'a tucutapasti jupa contraw art'i; Efrainasti pachpa ñankha luratapanwa aynacht'araqui, ¡jupanac chicasti Judá marcas aynacht'araquiniwa!

Oseas 7:10

Jach'a jach'a tucutapaw Israelarojj aynacht'ayasqui, uqhamäquipansa, jupanacajj janiw cuttanipquiti, ni Tatitu Diosaparus thaktapcaraquiti.

Amós 7:2

Cunapachatï t'ijut'ijunacajj tucuya koramppacha mank'antjjäna ucapachajj sistwa: “¡Dios Tatitu perdonapjjeta! ¿Cunjämaraqui Jacob marcamasti take acanacampi mutuspasti? Jupajj wali jisc'aquïchejjaya” sasa.

Miqueas 7:9

Tatit contraw juchjja lurta, ucatracwa jichhajj colerasiñapsa amuqui muturaquëjja; uccañcamasti, jupaw nayarojj uñjaraquitani, chekaparuw uñjaraquitani. Tatitojj khanaparuw irpitani, atipjañapsti uñjayaraquitaniwa.

Efesios 1:12

Ucjj luriwa jiwasanacajj Cristoru nayrakat iyawsapjjtan ucanacajj Diosatac jacañasataqui, jach'a ch'amanïtapat jupar yupaychañasataqui.

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Deuteronomio 32:27

Ucampis janiw enemigon phiscasitanacap inaqui uñjañ puedcäyätti, janiraquiw uñisirinacajjan jach'a jach'a tucuñapsa muncäyätti, ni aqham sañanacapsa: Janiw Diosati acanac lurqui; jan ucasti jiwasaw ch'amasampi lurtan’ sasa.

Josué 7:9

Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.