Jeremías 14:3 - Qullan Arunaca

³ Kamirinacajj uywatanacap qhitapjje um aptanipjjañapataqui; uca uywatanacasti uma phujunacaruw sarapjje, ucampis janiw jicjjatapquiti, ch'usa wayuchanacapampiquiw cuttanjjapjje; c'arintata, p'enkachjataraquiw, p'ekenacapsa imjjatasipjjaraqui.

Aymar Bibliia 1986

³ Kamirinacajj uywatanacap qhitapjje um aptanipjjañapataqui; uca uywatanacasti uma phujunacaruw sarapjje, ucampis janiw jicjjatapquiti, ch'usa wayuchanacapampiquiw cuttanjjapjje; c'arintata, p'enkachjataraquiw, p'ekenacapsa imjjatasipjjaraqui.

Qullan Arunaka DC

³ Qamirinakax uywatanakaparuw um aptir khithapxi; uywatanakasti uma phujunakaruw sarapxi, ukampis janiw um jikxatapkiti, ch'usa wakullanak apt'atakiw kutt'anxapxi; mayjt'ata, p'inqachjataw p'iqinakapsa imxatasipxi.

Jeremías 14:3 Jak'a apnaqawi uñst'ayäwi

2 Samuel 15:30

Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

2 Samuel 19:4

Uccañcamasti reyejj ajanupa imt'asajj, jach'at arnakasïna: “¡Absalón wawajja! ¡Absalón wawajja, nayan wawajja!” sasaw jachäna.

1 Reyes 17:7

Ucampis mä kawkha urunacatjja uca jawirajj wañt'jjänwa, uca oraken jan jallojj puritap laycu.

2 Reyes 18:31

Ucampis jumanacajj jan jupar ist'apjjamti. Asirianquiri reyejj qhitanituwa jumanacaru yatiyañajjataqui: ‘Jumanacajj nayampi sumaru mantañäni, ucatsti nayar jumanacajj catuyasjjapjjam, ucatjja jumanacajj sapa mayniwa uva yapumata mank'asisipcäta, uqhamarac higo yapumatsa, phuch'umatsa umsa umasisipcaraquïta.’

Ester (hebreo) 6:12

Uqham muytäwi tucutatsti Mardoqueojj cutt'anjjänwa palacio puncuru. Ucata Amán chachajj janc'aquiw utapar cutt'awayjjäna wali llact'ata, uqhamarac ajanup imantasisa.

Job 6:20

Ucampisa ucar purinisinjja, mayjt'ataw uñjasipjje, suyt'äwinacapasa pampaw tucuwayjjaraqui.

Salmos 109:29

Nayamp timasirinacajj p'enkamp aynacht'apjjpan. ¡P'enkajj isimpjam jupanacar llawuntpan!

Salmos 40:14

nayar jiwayañatac thakerinacajj, p'enkpun atipjayasipjjpan; nayar ñankha lurañ amtirinacajj, mä p'enk jaltapjjpan;

Jeremías 14:4

Pampa tokenacan utjirinacajj c'arintataw uñjasipjje, ucatsti p'ekenacap imjjatasipjjaraqui, jallun jan puritap laycu, orakesti k'ala wañsutawa.

Jeremías 15:18

¿Cunatsa t'akhesiñajjajj jan tucusi? ¿Cunatsa chhojjrinacajjas jan kollañjamäqui, take kollanacampis janirac kollasquiti? Nayataquejj maysa uñtjjtajja, chhaktir umar uñtataraquiw tuctajja.

Jeremías 2:13

“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.

Jeremías 2:37

Ucatsti Egiptotjja mä p'enka cuttaniraquïta, nayasti qhitinacatejj jumar arjjatirjamäqui ucanacarojj apanuctwa, sumancatamampisti janiw cunsa jicjjatcaraquïtati.”

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Lamentaciones 4:4

Ñuñusquiri wawanacasti umatjja sinti pharjatapuniwa, lajjranacapas lacaruw lip'catjje. Wawanacajj t'ant'a mayipjje, ucampisa janiw qhiti t'ant'a churiris utjquiti.

Oseas 2:3

Janitejj uqham sarnakañanacap apanuccanejja, k'alalsuyäwa, cunjämtejj taycapan puracapat nascänjja uqhama, ch'usa wasararuraquiw tucuyaraquï, waña orakeruw tucuyaraquï, ucatsti umatjamas jiwaraquiniwa.

Joel 1:20

Pampanquir animalanacas jumaruw art'asinipjjtam, jawiranacan umanacas wañsjjatap laycu, ninasti pastonacjja k'alwa nacsuwayjjaraqui.

Amós 4:7

“Cosecha horasataqui quimsa phajjsi faltquipansa jalljja janiw apayanipcsmati. Mä marcarusti jalljja puriyaractwa, mayarusti janiraqui; mä chekarusti jallojj puriwa, mä chekasti umatjamajj pharsuscaraquiwa.

Amós 4:8

Jakenacajj marcat marcraqui uma thakasajj sarapjjäna, umat pharjayasitanacapasti janipuniw apaktcänti; ucampis jumanacajj janiw nayarojj cutt'anipctati.” Tatituw ucjja arsuwayi.

Zacarías 14:17

Cawquïritejj acapachanquir marcanacat jan Jerusalenanquiri take ch'amani Tatitu Reyiru yupaychiri sarapcani uca orakenacarojj janiw jallojj purcaniti.