Jeremías 14:2 - Qullan Arunaca

² “Judá marcajj llaquisiñat jachi, marcanacapasti llact'atcamaquiwa, jakenacapasti oraker liwirtatawa; Jerusalenasti t'akhesiñ usupampiw warari.

Aymar Bibliia 1986

² “Judá marcajj llaquisiñat jachi, marcanacapasti llact'atcamaquiwa, jakenacapasti oraker liwirtatawa; Jerusalenasti t'akhesiñ usupampiw warari.

Qullan Arunaka DC

² “Judá markax llakisiñat jachi, markanakapasti llakt'atkamakiwa, jaqinakapas uraqir liwirtatkamakiwa; Jerusalenansti taqiniw wal jachapxi.

Jeremías 14:2 Jak'a apnaqawi uñst'ayäwi

Job 34:28

Jupanacajj pobrenacan, uqhamaraqui t'akhesiyatanacan wararitanacapsa Diosan ist'añapcamawa lurapjjaraquïnjja, Diosasti ucanacjja ist'araquïnwa.

Salmos 144:14

Vacanacajjajj wallk'ecamaquiwa; janiw sulluririnacajj utjquiti, janiraquiw thaquinacajjan warariyasiñanacas utjquiti.

Éxodo 2:24

Ucampis Diosajja jupanacan mayisitanacapa ist'asinjja amtasïnwa Abrahamampi, Isaacampi, Jacobompi cuna amtäwinacarutejj mantcäna ucanacata.

Isaías 15:5

Chuymajjasti Moab marcataquejj yanapa mayiraqui; jakenacapasti Zoar uqhamaraqui Eglat-selisiya sisqui uca chekcamaw jaltjjapjje, Luhit sisqui uca amstanjamwa jacht'asisa sarjjapjje, Horonaim sisqui uca thaquinjama t'unjatätap uñjasisasti wal jachapjje.

Isaías 24:11

Jakenacasti callenacan jachapjjaraqui vinon pist'atapatjja; take cusisiñasti jiwt'awayjjaraquiwa, aca oraketsti apanucutäjjaraquiwa.

Isaías 24:4

Orakejj wañsuwayjjewa ancuntjjaraquiwa, take acapacharaquiwa k'al wañsjje, ancuntjjaraqui, alajjpachas, acapachas wali llaquitaraquiwa.

Isaías 24:7

Vinojj pist'jjewa uva yapunacas usutaraquiwa, qhitinacatejj c'uchiqui jacasipcän ucanacajj jichajj llact'atäpjjewa.

Isaías 3:26

Marcasti jachaniwa, lutt'asiraquiniwa, k'ala apanucutaraquïniwa.

Isaías 33:9

Aca orakejj llact'atawa luto isimpi isthapitaraquiwa, Líbano kollusti mä p'enkaw ancuntawayjjaraqui, Sarón vallesti ch'usa wasarar tucutawa, Basán, uqhamarac Carmelo kollus ch'usa k'ara kolluquëjjewa.

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Jeremías 11:11

Uca laycuw jichhajj mä jach'a jan walt'aña jupanacarojj apayanï ucatsti janiw khespiyañjamäpcaniti. Yanapa mayisa nayaru arnakasinipquitpan, ucampisa janiw nayajj jupanacarojj ist'cäti. Naya Tatituw ucjja arsta.

Jeremías 12:11

Llaquiscaña wasararuw tucuyawayapjje; nayasti jichhajj jupar jachasquirwa uñjaracta. Take aca orakpachaw jichhajj wasara tucuta, ucampis janiw qhitis llaquiscaraquiti.

Jeremías 12:4

¿Cunapachcamas orakejj wañäni, pampanacan koranacas wañsuscaraquini? Animalanacasa, jamach'inacasa jiwarasipquiwa, aca marcan jaquir jakenacan ñankha luratanacap laycu, jupanacasti janiw luratanacapjja jumajj uñjcasmas uqham amuyapquiti.

Jeremías 18:22

Jupanacan ucarusti acatjamata mä tama lunthata jakenaca qhitaniraquim; ¡sustjasiñata wararitanacapasti ist'asiracpan! Nayataquisti mä p'iya allipjjäna, sarnakañanacajjarusti sipitanac uscupjjaraquïna.

Jeremías 4:28

Aca orakejj llaquisiñampi phokhantatäniwa, alajjpachas lutot ist'asiraquini. Nayaw arsta, janiw kheparojj cuttcäti, take cunas amtatäjjew, janipuniw khepar cuttcäti.

Jeremías 46:12

Marcanacasti jisc'achjatätamjja yatjjapjjaraquiwa, take acapachanwa arnakasitamajj ist'asiraqui; guerran nuwasirinacasti jupanaccamaquiw thokthapisjjapjje, ucatsti mayaquiraquiw oraken korumnakjjapjje.”

Jeremías 8:21

Marcajjan t'akhesitapampi chicaw t'akhesiracta; llaquisiñampi, ajjsarañampiw nayarojj muyuntitu.

Lamentaciones 2:8

Tatitusti ucqha suma Sión marcan perkanacapjja t'unjañwa amtasiraqui. Jupaw t'unjañataqui waquicharaqui, uca waquichäwipsti phokharaquiwa, jan samart'asa. Uca jach'a perkanacsa, jupajj llaquimpiw phokhanti, uca perkanacasti pampaw tucuraqui.

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Lamentaciones 5:10

Janchinacasas ninjamaw naqhi, mank'atjamaw phuthutis khatintjjaraquistu.

Oseas 4:3

Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.

Joel 1:10

Yapunacajj llaccaña tucjatawa, orakejj lutt'ataraquiwa. Trigos janiraquiw utjcjjeti, uva yapunacas k'ala wañsutaraquiwa, olivo kokanacasti k'ala ancuntataraquiwa.

Joel 1:11

Jumanacasti yapuchirinaca, uqhamarac uva yapu uñjirinaca, jichhajj llaquisiñata jachapjjam, yapunacaman tucusitapata, trigosa, cebadasa jan achcjjatapata.

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Joel 2:6

Jakenacasti ucanacar uñjasajj qhathatipjjewa, ajanunacapas k'elluw tucuwayjje.

Hageo 1:11

Nayaw jalljja jan puriycti pampanacarusa, kollunacarusa, trigo yapjjarusa, uva yapjjarusa, olivo kokanacjjarusa, pampa yapunacjjarusa, jakenacjjarusa, uywanacjjarusa, uqhamarac take luratanacjjarusa” sasa.

Zacarías 7:13

saraquiwa: “Cunjämtï jupanacajj jan ist'aña munapquitu cunapachatï nayajj jawscta ucqhajja, uqhamaracwa nayajj jan ist'cäti cunapachatejj jupanacajj art'asipjjetani ucqhajja.

1 Samuel 5:12

Jakenacan arnakasitanacapasti alajjpachcamaw ist'asiraquïna, qhitinacatejj janïra jiwarapcatayna ucanacan janchinacapasti p'usu usunacampi phokhantataraquïnwa.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.