Jeremías 14:3 - Qullan Arunaka DC

³ Qamirinakax uywatanakaparuw um aptir khithapxi; uywatanakasti uma phujunakaruw sarapxi, ukampis janiw um jikxatapkiti, ch'usa wakullanak apt'atakiw kutt'anxapxi; mayjt'ata, p'inqachjataw p'iqinakapsa imxatasipxi.

Aymar Bibliia 1986

³ Kamirinacajj uywatanacap qhitapjje um aptanipjjañapataqui; uca uywatanacasti uma phujunacaruw sarapjje, ucampis janiw jicjjatapquiti, ch'usa wayuchanacapampiquiw cuttanjjapjje; c'arintata, p'enkachjataraquiw, p'ekenacapsa imjjatasipjjaraqui.

Qullan Arunaca

³ Kamirinacajj uywatanacap qhitapjje um aptanipjjañapataqui; uca uywatanacasti uma phujunacaruw sarapjje, ucampis janiw jicjjatapquiti, ch'usa wayuchanacapampiquiw cuttanjjapjje; c'arintata, p'enkachjataraquiw, p'ekenacapsa imjjatasipjjaraqui.

Jeremías 14:3 Jak'a apnaqawi uñst'ayäwi

2 Samuel 15:30

Davidasti Olivos qullu amsta makhatäna; llakisiñat q'ara kayukiw saräna, jacht'asisa, p'iqipas ch'uqt'ata. Jupampi chika sarapkäna uka jaqinakasti p'iqinakap ch'uqt'atkamakiw jacht'asis makhatapxarakïna.

2 Samuel 19:4

4 (5) Ukchañkamasti reyix ajanup imt'asawa, jach'at wararis jachäna: “¡Absalón wawaxay! ¡Absalón wawaxay, wawaxa!” sasa.

1 Reyes 17:7

Ukampis mä qawqha urunakatxa, uka jawirax wañt'xänwa, uka uraqin jallux jan puritap layku.

2 Reyes 18:31

jumanakax Ezequiasar jan ist'apxamti. Asiriankir reyix jumanakar yatiyiriw khithanitu, jupax akham siwa: “Nayamp sumar mantxapxam, nayar jaysxapxita, jumanakat sapa mayniw uva yapupata, higo quqapatsa manq'asiskani, umsa pachpa phuch'upat umasiskarakini.

Ester (hebreo) 6:12

Uka qhipatsti, Mardoqueox reyin utap punkuruw kuttxäna, Amán chachasti wali llakt'ataw utapar jank'ak kuttxarakïna. Jupasti p'inqasiñatsa ajanup imantasïna.

Job 6:20

Ukawjar purisinsti, mayjt'ataw uñjasipxi, suyt'añapasti ina ch'usaruw tukuwayxaraki.

Salmos 109:29

¡Nayampi timasirinakax p'inqampi aynacht'apxpan! ¡P'inqax isimpjam jupanakar llawuntpan!

Salmos 40:14

14 (15) ¡Nayar jiwayañatak thaqhirinakax, p'inqachjat jikxatasipxpan! ¡Nayar ñanqha lurañ amtirinakax, mä p'inqa jaltxapxpan!

Jeremías 14:4

Pampa tuqin utjirinakax mayjt'ataw uñjasipxi, jallun jan puritapata, uraqin q'ala wañsutätapatxa, p'iqinakapak imxatasipxi.

Jeremías 15:18

¿Kunatsa t'aqhisiñaxax jan tukusi? ¿Kunatsa chhuxrinakaxas jan waliptirjamäki, taqi qullanakampis jan qullkayäki? Nayatakix mä chhaqtir umar uñtataw tuktaxa.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:37

Ukatsti Egiptot mä p'inqaw kutt'anïta, nayaw khitinakatix jumar arxatapktam ukanakarux apanukta, jupanakampi sumankatamampisti janiw kunsa jikxatkätati.”

Jeremías 20:11

Ukampis Tatay, jumax nayampïsktawa, nuwasïwin jan atipjkay nuwasir jaqjama; nayar arknaqirinakasti liwisipxaniwa, janiw atipjañatak ch'amanïpkaniti, aynacht'apxaniwa, mä p'inqaw uñjasipxani, wiñayatak p'inqachjatäpxaniwa.

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Lamentaciones 4:4

Ñuñuskir wawanakasti umat sinti pharjatapuniwa, laxranakapas laka manqharuw lip'katxi. Wawanakax t'ant'a mayipxi, ukampis janiw khiti t'ant'a churiris utjkiti.

Oseas 2:3

3 (5) Janitix uka jan wali sarnaqañanakap apanukkanixa, q'alalsuyäwa: kunjämtix taykapan purakapat yurkän ukhama, ch'usa wasararuw tukuyarakï, waña uraqiruw kipstayä, ukatsti umat pharjayasin jiwayarakï.

Joel 1:20

¡Pampankir animalanakas jumaruw art'asinipxtam, jawir umanakan wañsxatap layku, chhuxllanakas ninan q'al naksxatap layku!

Amós 4:7

“Yapu apthapitak kimsa phaxsïkipan jallxa jan apayanipksmati. Mä markan nayax jallu puriyta, yaqha markansti janiw puriykti; mä chiqan jallux puriwa, mä chiqansti umatjamax uraqix wañsuwa.

Amós 4:8

Jaqinakax markat marka uma thaqhasax sarapxäna, umat pharjayasitanakapax janipuniw apaqtkänti; ¡ukampis jumanakax janiw nayan ukarux kuttanipktati!” Tatitux ukham siwa.

Zacarías 14:17

Ukampisa, aka uraqinkir kawkïr markanakatix Jerusalén markar taqi ch'aman Tatit Reyiru yupaychiri jan sarkani ukaxa, ukanakan uraqinakapxarux janiw jallux purxatkaniti.