Jeremías 14:2 - Qullan Arunaka DC

² “Judá markax llakisiñat jachi, markanakapasti llakt'atkamakiwa, jaqinakapas uraqir liwirtatkamakiwa; Jerusalenansti taqiniw wal jachapxi.

Aymar Bibliia 1986

² “Judá marcajj llaquisiñat jachi, marcanacapasti llact'atcamaquiwa, jakenacapasti oraker liwirtatawa; Jerusalenasti t'akhesiñ usupampiw warari.

Qullan Arunaca

² “Judá marcajj llaquisiñat jachi, marcanacapasti llact'atcamaquiwa, jakenacapasti oraker liwirtatawa; Jerusalenasti t'akhesiñ usupampiw warari.

Jeremías 14:2 Jak'a apnaqawi uñst'ayäwi

Job 34:28

Jupanakax jan yäqat jaqinakaruw t'aqhisiyapxäna, wararitanakapax Diosan nayraqatapkamaw purïna, ukat jupax jupanakar ist'äna.

Salmos 144:14

Vacanakaxax wallq'ikamakiwa, janiw sulluririnakax utjkiti. Janirakiw thakhinakaxan warariyasiñanakas utjkiti.

Éxodo 2:24

mayisitanakap ist'arakïna, kuna arust'äwtix Abrahamampi, Isaacampi, Jacobumpi lurkatayna ukat amtasisa.

Isaías 15:5

Isaías profetax siwa: Moab markar ukham uñjasax chuymaxax walpin usutu; moabitanakasti axsarañampi phuqhantatäpxiwa, Zoar, Eglat-selisiya uka markanakaruw jaltxapxi, Luhit siski uka qhathanjam jacht'asis makhatapxi, Horonaim uka thakhinjam t'unjat uñjasitapat jacht'asis sarxapxi.

Isaías 24:11

Jaqinakasti marka thakhinakan vinon pist'atapat jachapxi; taqi kusisiñas tukusiwayxiwa, aka uraqitsti apanukutäxarakiwa.

Isaías 24:4

Uraqix q'alaw wañsuwayxi, taqi akapachaw ankuntatjam tukuwayxi, alaxpachas, akapachas wali llakitawa.

Isaías 24:7

Uva yapunakax q'ala wañsutawa, ukat vinox jan utjkxiti. Khitinakatix kusisiñat q'uchupxirïn ukanakax, jichhax llakisiñatsa jiwirpachäpxiwa.

Isaías 3:26

Jaqinakasti llakisiñat wal jachapxani, llakisiñ ch'iyar isinakampiw isthapisipxani, markasti q'ala apanukutarakïniwa.

Isaías 33:9

Taqiniw aka markan wali llakt'at jikxatasipxi, Líbano qullunkir ch'uminakas q'alaw wañsuwayxi, Sarón qhirwasti ch'usa wasarar tukutawa, Basán chiqasa, Carmelo qullusa q'ara qullukïxiwa.

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Jeremías 11:11

Uka laykuw jichhax mä jach'a jan walt'añ jupanakarux apayanï, uka jan walt'añatsti janiw kawksarus jaltapkaniti. Yanap mayisas arnaqasisipkpan, janiw nayax jupanakar ist'käti. Naya, Tatituw uk arsta.

Jeremías 12:11

Llakiskañ wasararuw tukuyawayapxi; jupan jachatapsa nayax uñjaraktwa. Taqi aka uraqpachaw ch'usa wasarar tukuta, ukampis janiw khitis llakt'askiti.

Jeremías 12:4

¿Kunapachkamas uraqix wañantatäskakini, pampanakan quranakas wañsuskarakini? Aka markan jakir jaqinakan ñanqha luratanakapatxa uywanakasa, jamach'inakas jiwarasipkiwa, jupanakax janis jumax luratanakap uñjkasma ukham amuyapxi.

Jeremías 18:22

Jupanakan ukarusti akatjamat mä tama lunthat jaqinak khithanim; ¡axsarañatsa jach'at wararipxpan! Nayatak mä p'iya allipxatap layku, saräwinakaxar sipitanak uskupxatap layku.

Jeremías 4:28

Aka uraqix llakisiñampi phuqhantatäniwa, alaxpachas ch'amakampi phuqhantatarakïniwa. Nayaw arsta, ukhamapuniw lurasini, taqi kunas amtatäxiwa, janipuniw qhipar kuttkäti.

Jeremías 46:12

Markanakasti atipjatätam niyaw yatxapxi, ayquñat arnaqasitamax taqi chiqan ist'asi; nuwasirinakasti jupanakkamaw thuqthapipxi, ukatsti uraqirkamaw liwirtapxaraki.”

Jeremías 8:21

Markaxan t'aqhisitapampi chikaw t'aqhisirakta; llakisiñampi, axsarañampiw nayarux muyuntitu.

Lamentaciones 2:8

Tatitusti ukkha suma Jerusalén markan jark'aqasiñ pirqanakap t'unjañ amti. Jupaw t'unjañatak wakichäna, jan samart'asaw uka wakichäwip phuqharaki. Uka jach'a pirqanaksa, jupax llakimpiw phuqhanti, uka pirqanakasti pampaw tukuraki.

Lamentaciones 2:9

Markasti jan punkuni, jan jist'katañaniw uñjasi: ¡punkunakasti t'unjata, pampan liwirpayatawa! Reyipasa, jilïr apnaqirinakapas Tatitur jan uñt'irinakamp chikakïxiwa; Tatitun kamachinakapax janiw utjkxiti. ¡Janirakiw profetanakapas Tatitut kuna unañchäwinaksa katuqkxapxiti!

Lamentaciones 5:10

Janchinakaxas ninjamaw nakhi, manq'atjam inakiw paqaqxapxta.

Oseas 4:3

Ukat aka markax jacht'asis sarnaqaski; aka markan jakirinakasti jan ch'amanikïxapxiwa; pampankir animalanakasa, jamach'inakasa, jach'a qutankir chawllanakas jiwarxapxarakiwa.

Joel 1:10

Yapunakax llakkañ tukjatawa, uraqix lutt'atäkaspas ukhamawa. Trigos pist'awayxiwa, uva yapunakas q'al pharsuwayxi, olivo quqanakasti q'ala wañsutawa.

Joel 1:11

Jumanakasti yapuchirinaka, uva yapu uñjirinaka, jichhax llakisiñat jachapxam, yapunakaman tukusitapata, trigosa, cebadasa jan achxatapata.

Joel 1:14

Markarusti tantacht'apxam, ayuno lurapxam; jilïr jaqinakaru, aka markan jakir taqi jaqinakarusa, Tatit Diosapan utapar tantachapxam, Tatitut mayisipxarakim.

Joel 2:6

Jaqinakasti ukanakar uñjasax khathatipxiwa, ajanunakapas q'illuruw tukuwayxi.

Hageo 1:11

Nayaw jallu jan puriykti, pampanakxarusa, qullunakxarusa, trigo yapunakxarusa, uva yapunakxarusa, olivo quqanakxarusa, pampa yapunakxarusa, jaqinakxarusa, uywanakxarusa, ukhamarak taqi luratanakapxarusa” sasa.

Zacarías 7:13

sarakïnwa: “Kunjämtix jupanakax nayan jawsatax jan ist'añ munapkitänxa, ukhamarakiw nayax jan ist'käti kunapachatix jupanakax art'asipkitani ukkhaxa.

1 Samuel 5:12

Markachirinakan arnaqasitanakapax alaxpachkamaw ist'asïna, jan jiwapkäna ukanakasti, ch'uphu usumpi mutuyatäpxänwa.

1 Samuel 9:16

“Qharürux Benjamín uraqit mä jaqiruw khithanïma, jumasti juparuw Israel markaxa apnaqañapatak utt'ayäta. Jupaw filisteonakan amparapat qhispiyani, nayax t'aqhisitanakap uñjasin markaxat khuyapt'ayastwa, arnaqasitanakapax nayakamaw purini” sasa.