Jeremías 13:19 - Qullan Arunaca

¹⁹ Néguev tokenquiri marcanacasti uñisirin muyuntatawa; janiw qhitis uca cheka pascaraquispati. Take Judá tokenquirinacasti apanucutäpjjewa, mä takpacha apanucüwiru.

Aymar Bibliia 1986

¹⁹ Néguev tokenquiri marcanacasti uñisirin muyuntatawa; janiw qhitis uca cheka pascaraquispati. Take Judá tokenquirinacasti apanucutäpjjewa, mä takpacha apanucüwiru.

Qullan Arunaka DC

¹⁹ Néguev tuqinkir markanakasti uñisirin muyuntatawa; janiw khitis uka chiq sarakipkaspati. Taqi Judá tuqinkirinakasti, katuntat apatäpxiwa.

Jeremías 13:19 Jak'a apnaqawi uñst'ayäwi

1 Crónicas 9:1

Uqhämat take Israelpachajja suma kellkatänjja Israelan reyinacapana libropana. Judá orakenquir jakenacasti jucha luratanacap laycuw Babilonia marcaru apanucutäpjjäna.

Job 12:14

Cuntejj Diosajj t'unjqui ucjja janiw qhitis wasitat sayt'aycaspati; qhitirutejj Diosajj jist'antqui ucarojj janiw qhitis antutcaspati.

Jeremías 17:26

Judá orakena, Jerusalén marca muytata utjqui uca marcanacatsti jakenacajj jutapjjapuniniwa, Benjamín oraketsa, kota irama token utjirinacasa, kollu tokenacatsa, Néguev tokenacatsa. Templorusti apanipjjaraquiniwa animalanaca sacrificiot loktañataqui, yakha sacrificionacataqui cuna, granonacatsa, inciensonacatsa ofrenda churapjjaraquiniwa, yuspagaraña ofrendanacsa churapjjaraquiniwa.

Jeremías 20:4

Tatitusti siwa: ‘Jumarusti mä ajjsarcañaruw juma pachpataqui, take amigonacamataquisa tucuyäma. Juman uñjcatawa amigonacamajj uñisirinacan espadanacapampi jiwarayata uñjasipjjani. Take Judá oraken utjirinacarusti Babilonianquir reyin amparaparuw catuyaraquëjja, juparaquiw preso aparaquinejja Babilonia orakcama, jan ucasti cuchillompi thiyat jiwarayaracchini.

Jeremías 24:1

Babilonianquiri Nabucodonosor reyejj, Judá orakenquiri Joacim reyin Jeconías yokaparu apasjjatapatsti, uqhamaraqui take jilïrinacampi, irnakerinacampi cerrojo luririnacampi apascäna ucapachasti Tatitojj pä higo canastanaca uñjayitu, templo nayräjjana waynokata.

Jeremías 28:4

Uca quipcaraquiwa, Joacim jaken yokapa, Judá oraken Jeconías reyiparusa cuttayanjjaraquïwa aca pachpa chekaru, uqhamaraqui take jakenacasa Judá oraketa Babilonia orakeru apatäpcäna ucanacasa cuttanjjapjjaraquiniwa. Jïsa, nayaw Babilonia orakenquiri reyipan yugopjja p'acjä. Naya Tatituw ucjja arsta.’ ”

Jeremías 32:44

Uca orakenacsti alasipjjaniwa, suma k'omachata papelanacani, selloni uqhamaraqui testigonacansa firmataraqui. Take acanacasti Benjamín tribun orakepanwa lurasiraquini, Jerusalén marca thiyanacana, Judá orakenquiri marca thiyanacana, kollu tokenacansa, jach'a kota thiya iramanacansa, uqhamaraqui Néguev sisqui uca marcanacansa, nayaw jupanacarojj asqui lurjjaraquï. Naya Tatituw ucjja arsta.”

Jeremías 33:13

Kollu tokenquiri marcanacansa, kota irana pampa orake tokenacansa, Néguev orakensa, Benjamín tribun orakepansa, Jerusalén marca thiyanacansa, Judá orakenquir marcanacansa, awatirinacarojj uñjatäjjaniwa tamanacapa jaqhusipquiri. Naya Tatituw ucjja arsta.”

Jeremías 39:9

Kheparusti, Nabuzaradán sata jach'a jilïri comandantesti, preso apjjaraquïna qhitinacatejj marcaru kheparapcatayna ucanacaru, uqhamaraqui cawquïrinacatejj caldeonacaru jakcatjjapjjatayna ucanacsa; uqhamaraqui take jakenacsa.

Jeremías 52:28

Nabucodonosor reyin uqham apanucuyata jakenacasti aqhanïnwa: pakallko mara jupajj reyit apnakcäna uca marasti quimsa waranka pä tunca quimsani jakenacwa apanucuyaraquïna Judá oraketjja,

Jeremías 52:30

pä tunca quimsani mara pasjjepansti Nabuzaradán jakesti pakallko pataca pusi tunca pheskani jakenacwa Judá oraket apanucuyaraquïnjja, takpachanisti pusi waranka sojjta patacani jakenacaw apanucuta uñjasipjjaraquïnjja.

Lamentaciones 1:3

T'akhesiñanacampitsa, ch'ama tucuñanacampitsa, Judá marcajj jichhajj preso apatawa. Qhititejj nayrajj marcanac taypin apnakcäna ucasti jichhajj janiw samarañ jicjjatcjjeti. Jupar arcnakerinacasti, jicjjatapjjaraquiwa, ucatsti jan walt'añanacanwa uñjasiyapjjaraqui.

Zacarías 7:7

¿Acasti janiti Tatitun nayra profetanac toke arsuta arunacapäquisti, cunapachatï Jerusalenajj sumancascäna, jakens phokt'atäscaraquïna, uqhamaraqui muyuntatäcäna uca marcanacasa, Néguev sata pampanacasa?

Deuteronomio 28:15

“Ucampis jumatejj Diosaru jan ist'cäta ni camachi arunacaparjamasa, leyinacaparjamasa sarnakcäta, cawquïri ewjjanactejj jichhüruna churcsma ucanacarus jan phokcaraquïta ucqhajj, jumanac patjjaruwa take aca maldicionanacajj jutani.

Deuteronomio 28:52

“Take marcanacamaruw muyuntasina t'unjapjjaraquini, jach'a alto perkanacap tincuñapcama, cawqhanacarutejj jumanacajj iyawsañ uchapcäyat ucanaca, uqhamaraquiw muyuntapjjani, t'unjapjjaraquini take cawquïri oraktejj churctam ucanacan marcanacaparusa.

Josué 18:5

Aca jakenacaw uca orakenacjja pakallkoru jaljapjjani, Judá tribojj aynach tokeruw kheparjjaraquini, uqhamaraqui Josean wawanacapas amsta tokeru.