Jeremías 13:19 - Qullan Arunaka DC

¹⁹ Néguev tuqinkir markanakasti uñisirin muyuntatawa; janiw khitis uka chiq sarakipkaspati. Taqi Judá tuqinkirinakasti, katuntat apatäpxiwa.

Aymar Bibliia 1986

¹⁹ Néguev tokenquiri marcanacasti uñisirin muyuntatawa; janiw qhitis uca cheka pascaraquispati. Take Judá tokenquirinacasti apanucutäpjjewa, mä takpacha apanucüwiru.

Qullan Arunaca

¹⁹ Néguev tokenquiri marcanacasti uñisirin muyuntatawa; janiw qhitis uca cheka pascaraquispati. Take Judá tokenquirinacasti apanucutäpjjewa, mä takpacha apanucüwiru.

Jeremías 13:19 Jak'a apnaqawi uñst'ayäwi

1 Crónicas 9:1

Ukhamaw taqi Israelitanakax Israel markan reyinakan qillqatapar qillqantatäna. Judá chiqankir jaqinakax jucha lurapxatap laykuw Babilonia markar apatäpxäna.

Job 12:14

Kuntix Diosax t'unjki ukxa, janiw khitis wasitat sayt'aykaspati; khitirutix Diosax katuntki ukarux, janiw khitis antutaykaspati.

Jeremías 17:26

Judá uraqita, Jerusalén marka jak'an utjir markanakatsti jaqinakax walipuniw jutapxani, Benjamín uraqitsa, quta iramatsa, qullu tuqinakatsa, Néguev tuqinakatsa. Tatitun utaparusti wilañcha luqtañatakiw uywanak apanipxani, granonakatsa, inciensonakatsa luqtäwinak churapxani, yuspagarañ luqtäwinak churapxarakini.

Jeremías 20:4

Tatitux siwa: ‘Jumarux mä axsarkañaruw juma pachpataki, taqi masinakamataki tukuyäma. Juman uñjkataw masinakamax uñisirinakan espadanakapampi jiwarayat uñjasipxani. Taqi Judá uraqin utjirinakarusti Babiloniankir reyin amparaparuw katuyarakï, juparakiw katuntat apani Babilonia uraqkama, jan ukax cuchillompi thiyat jiwarayarakchini.

Jeremías 24:1

Babiloniankir Nabucodonosor reyix, Judá uraqinkiri Joacín reyin Joaquín yuqaparu, ukhamarak taqi jilïrinakaru, irnaqirinakaru, herreronakar katuntat apasxatapatsti, Tatitux pä higo canastanak Tatitun utap nayräxan waynuqat uñjayitu.

Jeremías 28:4

Uka kipkarakiwa, Joacín jaqin yuqapa, Judá uraqin Joaquín reyiparus aka pachparu kuttayanxarakï, Judá uraqita Babilonia uraqir apatäpkän taqi uka jaqinakasa kuttanxapxarakiniwa. Jïsa, nayaw Babilonia uraqinkir reyipan munañap tukjä. Naya, Tatituw uk arsta.’ ”

Jeremías 32:44

Suma q'umachat papelanakani, qhanañchirinakan sutinakapampi qillqantat uraqinak alasxapxani. Taqi akanakasti Benjamín ayllun uraqipan lurasini, Jerusalén marka thiyanakana, Judá uraqinkir markanakana, qullu tuqin utjir markanakana, jach'a quta thiya iraman utjir markanakana, ukhamaraki Néguev siski uka markanakansa uraqinak alasxapxani. Nayaw Babilonia markat kuttayanxarakï. Naya, Tatituw uk arsta.”

Jeremías 33:13

Qullu tuqinkir markanakana, quta iran pampa uraqi tuqinakana, Néguev uraqina, Benjamín ayllun uraqipana, Jerusalén marka thiyanakana, Judá uraqinkir markanakansa, taqi uka chiqanakan awatirinakar oveja tamanakap jakhur uñjapxarakini. Naya, Tatituw uk arsta.”

Jeremías 39:9

Qhiparusti, Nebuzaradán sata uñjirinakapan jach'a jilïripasti, khitinakatix markar qhiparapkatayna ukanakarux katuntat apxäna, uka kipkarak kawkïrinakatix babilonionakar jaqkattxapxatayna ukanakarusa.

Jeremías 52:28

Nabucodonosor reyin ukham apanukuyat jaqinakasti akkhanïnwa: paqallqüri mara jupax marka apnaqkäna uka marasti, Judá uraqit kimsa waranqa pä tunka kimsan jaqinak apanukuyäna,

Jeremías 52:30

pä tunka kimsan mara saraqatarusti, Nebuzaradán jilïrix paqallqu pataka pusi tunka phisqan jaqinak Judá uraqit apanukuyarakïna, taqpachanisti pusi waranqa suxta patakan jaqinakaw apanukut uñjasipxäna.

Lamentaciones 1:3

T'aqhisiñanakampitsa, ch'ama tukuñanakampitsa, jichhax Judá markax katuntat apatawa. Khititix nayrax markanak taypin apnaqir markäkäna ukasti, jichhax janiw samarañ jikxatkxiti. Jupar arknaqirinakasti, jikxatapxiwa, jan walt'añan uñjasiyapxaraki.

Zacarías 7:7

Kuntix jichhax sapksma ukxa, khä urunakaw profetanak tuqi sapxayäsma, kunapachatix Jerusalén markaxa, ukhamaraki uka thiya markanakasa, jaqin phuqt'atäskäna ukapacha, kunapachatix Néguev sat chiqana, ukhamaraki pampanakan suman jakasiñax utjkarakïna ukapacha.

Deuteronomio 28:15

“Ukampis jumatix Tatit Diosamar jan ist'käta, janirak kamachi arunakaparjamasa, kamachinakaparjamas sarnaqkäta, jichhürun churksma uka iwxanakarus phuqkarakïta ukkhaxa, taqi aka ñanqhachäwinakaw jumxar jutani:

Deuteronomio 28:52

“Uka jaqinakasti, Tatit Diosamax churapktam taqi uka markanakamar muyuntasaw t'unjapxani, jumanakan alkatasiñ jach'a thuru pirqanak tinkurayapxani.

Josué 18:5

Uka chachanakasti uka uraqinak paqallquruw jaljapxani, Judá ayllun uraqipax aynach tuqir uñacht'ayatäniwa, Joseat saraqir wawanakaparusti uraqix amsta tuqir uñacht'ayatarakïniwa.