Jeremías 13:20 - Qullan Arunaca

²⁰ Uñatatapjjam, ucatsti uñjapjjaraquim, cunjämsa uñisirinacajj amstat jutasqui uca. ¿Cawquinquisa nayajj catuycsma uca tamajja, cawquïri tamattejj jumajj wali jach'a jach'a tuccäyäta ucajja?

Aymar Bibliia 1986

²⁰ Uñatatapjjam, ucatsti uñjapjjaraquim, cunjämsa uñisirinacajj amstat jutasqui uca. ¿Cawquinquisa nayajj catuycsma uca tamajja, cawquïri tamattejj jumajj wali jach'a jach'a tuccäyäta ucajja?

Qullan Arunaka DC

²⁰ Uñatatapxam, kunjämtix uñisirinakax amsta tuqit jutantki uka. ¿Kawkinkis nayax katuyksma uka tamaxa, kawkïr tamattix jumax jach'a jach'a tukkäyäta ukaxa?

Jeremías 13:20 Jak'a apnaqawi uñst'ayäwi

Proverbios 14:28

Reyitaquejja walja jakenacar apnakañajja, jach'ar aptatäñawa; juc'a jakenacar apnakañasti, aynacht'añawa.

Jeremías 1:14

Ucat Tatitojj saraquituwa: “Amsta toketpachwa jan walt'añanacajj aca marcan utjir jakenacjjarojj wartasini.

Jeremías 1:15

Naya Tatituw ucjja arsta, amsta tokenquir take reinonacaruw jawsaraquëjja. Reyinacapasti jutasinjja, pachpa Jerusalén marca mantañaruw trononacapjja uscusipjjani, take perkanacapajj muyuntquis uca uñcatasiru, uqhamaraqui Judá oraken utjiri take marcanaca nayrakatarusa.

Jeremías 10:22

¡Wal ist'apjjam! ¡Mä yatiyäwiw purini! Amsta tokenquir mä marcat mä jach'a ojjtañaw juti, ucasti Judá orakenquir marcanacjja wasararuw tucuyapjjani, kamakenacaquiw ucanjja jacjjapjjaraquini.

Jeremías 13:17

Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 23:2

Israelan Dios Tatitupasti siwa; cawquïri awatirinacatejj marcapa apnakapqui ucanacarojja: “Jumanacajj ovejanacajj-jja ananucupjjtawa, jaltayapjjtawa, janiraquiw sum awatipctati. Jichhajj waliquiwa, nayajj take jan wali luräwinacamatjja walpunracwa mutuyapjjäma. Naya Tatituw ucjja arsta.

Jeremías 25:37

Tatitojj colerasïnwa, ucatsti ucqha suma yapunacapsti t'unjaraquiwa.

Jeremías 6:22

Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Habacuc 1:6

Caldeonacaruw sartayäjja guerrampi nuwasipjjañapataqui, jupanacasti wali khoru jakenacäpjjewa, cunapachas waquicht'ataquïsipquiwa ucsarus acsarus sarantañataqui, cawquïr orakenacatejj jan jupanacancqui uca catuntasiñataqui.