Jeremías 12:13 - Qullan Arunaca

¹³ Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Aymar Bibliia 1986

¹³ Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Qullan Arunaka DC

¹³ Trigo yapuchasipxäna, ukatsti ch'aphinakak apthapxapxi, yapu luratanakapasti inamayakiwa. Nayan phiñasiñaxan nakhatap laykux yapunakan achunakapax q'ala aynacht'atawa.”

Jeremías 12:13 Jak'a apnaqawi uñst'ayäwi

Salmos 78:62

Marcapataquejj wali k'apisitänwa, timapan espadaparuw jupanac catjjaruyäna.

Isaías 55:2

¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 4:26

Uñatatasta, ucatsti jardinanac uñtta, ucanacasti wasararu tucuyatäpjjaraquïnwa, take marcanacasti k'ala t'unjatäpjjänwa. Take acanacsti Tatitun jach'a colerasiñapaw uqham luratayna.

Jeremías 9:5

Sapa mayniw maynitsa larusiraqui, janiw qhitis chekapa parlirejj utjquiti. Takenis c'arisiñaru yatintatcamaquiwa; ñankhacamaquïpjjewa,

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

Levítico 26:16

ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Levítico 26:20

Inamayaquiw ch'amsa tucusipcäta, orakesti janiw cunsa jumanacataquejj achcjjaniti, janiraquiw kokanacas achunacapa jumanacataquejj achcjjaniti.

Miqueas 6:15

Yapuchascätawa, ucampis janiw cosech apthapcätati; aceitunanacsa pekascätawa, ucampis janiw aceitjja apscätati; uva tacsuscätawa, ucampis janiraquiw vinjja umcätati.

Habacuc 2:13

Take ch'aman Diosajj inamayaruw luratanacamjja tucuyani, jan inact'atanacamsa, take luratanacamaw ninampi tucjatänejja.

Hageo 1:6

Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.

Hageo 1:9

Jumanacajj wal thakasipctajja, ucampis juc'ac jicjjatapjjtajja. Cuntejj utanacaman imasipcta ucjja may phust'asin ina ch'usaruw tucuyäjja. ¿Cunata? Utajjajj ina apanucutätap laycu, jumanacasti utanacamatac llaquisipctajja. Naya ch'amani Tatituw arsta.

Romanos 6:21

Ucampis ¿cuna suma asquirac catokapjjtasti jichhajj mä p'enkachäwiquïchi ucajja? Take ucanacan tucuyapasti jiwañaquiwa.

Deuteronomio 28:38

Yapunacamarojj walja jathampiw yapuchascäta, ucampis juc'a achunacac apthapïta, t'ijut'ijunacan mank'supjjatap laycu.