Jeremías 12:13 - Qullan Arunaka DC

¹³ Trigo yapuchasipxäna, ukatsti ch'aphinakak apthapxapxi, yapu luratanakapasti inamayakiwa. Nayan phiñasiñaxan nakhatap laykux yapunakan achunakapax q'ala aynacht'atawa.”

Aymar Bibliia 1986

¹³ Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Qullan Arunaca

¹³ Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Jeremías 12:13 Jak'a apnaqawi uñst'ayäwi

Salmos 78:62

Markapatakix wali q'apisitänwa, uñisirinakapampiw q'al atipjayäna.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 4:26

Suma uraqinakasti, jichhax ch'usa wasarar tukuyatänwa, taqi markanakasti q'ala t'unjatarakïnwa. Taqi akanaksti Tatitun jach'a phiñasiñapaw ukham luratayna.

Jeremías 9:5

5 (4) Sapa mayniw maynitsa larusi, janiw khitis chiqap arsurix utjkiti. Taqinis k'arisiñar yatintatkamakiwa; ñanqhakamakïpxiwa,

Oseas 8:7

Jupanakax thaysa yapuchapkaspa ukhamawa, jach'a tutukanaksa apthapipkaspa ukhamawa; janiw kuna yapunakapas yawthapiñatakix utjkaniti, janirakiw trigo puyanakat jak'ux apsutäkaniti; apsupkan ukasa, yaqha markankir jaqinakakiw manq'apxani.

Levítico 26:16

nayax jumanakampix akanak lurarakï: axsarañanaka, jiwayir usunaka, junt'u usunaka, nayra usunaka, janchin aynacht'añanaka, taqi uka usunak apayanï; inamayaw yapuchasipkäta, uka yapuchasitanakamsti uñisirinakamaw manq'antapxani.

Levítico 26:20

Inamayakiw ch'amsa tukusipkäta, uraqisti jumanakatakix janiw kuns achuykxaniti, janirakiw quqanakas achunakap churapkätamti.

Miqueas 6:15

Yapuchaskätawa, ukampis janiw apthapkätati; aceitunanaksa ch'irwsuskätawa, ukampis janiw aceite apskätati; uvanaksa taksuskätawa, ukampis janirakiw vinop umkätati.

Habacuc 2:13

Taqi ch'amani Tatitusti, luratanakamxa, jan inakt'atanakamsa inamayaruw tukuyani, taqi luratanakamas ninampi tukjatäniwa.

Hageo 1:6

Jumanakax wal yapucht'apxtaxa, ukampis juk'ak apthapipxtaxa; manq'apxtawa, ukampis janiw sist'asipktati; umapxtawa, ukampis umat pharjatakïsipktawa; isthapisipxtawa, ukampis janirakiw junt'thapipktati; irnaqatat qullqi katuqapkta ukampix janiw kunsa jikxatapktati.

Hageo 1:9

Jumanakax wal thaqhapxtaxa, ukampis juk'ak jikxatapxtaxa; kuntix utanakaman imasipkta ukanaksti nayax may phust'asakiw ina ch'usar tukuyta. ¿Kunata? Utaxan laqayar tukuyatätapata, jumanakan utanakamatakik llakisipxatamata. Naya, ch'aman Tatituw arsta.

Romanos 6:21

ukampis ¿kuna askirak jikxatapxtasti? Jichhasti jumanakax taqi ukanakat p'inqasipxtawa, ukanakasti jiwañarukiw puriyi.

Deuteronomio 28:38

Yapunakamarux walja jathampiw yapuchaskäta, ukampis juk'a achunakak apthapïta, t'iju t'ijunakaw uka achunak manq'suni.