Jeremías 12:14 - Qullan Arunaca

¹⁴ Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Aymar Bibliia 1986

¹⁴ Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Qullan Arunaka DC

¹⁴ Tatitusti Israel marka jak'ankiri ñanqha markanakaruxa, kawkïr uraqtix jupax Israel markaparu mä tuti churki uka uraqi t'unjirinakarux akham siwa: “Nayaw uka markanakarux uraqinakapat jik'inukü, Judá markarusti jupanak taypitxa apsunxarakïwa.

Jeremías 12:14 Jak'a apnaqawi uñst'ayäwi

Salmos 105:15

Jupajj sänwa: “Ajllitanacajjarojj jan llamct'apjjamti, profetanacajjarojj jan ñankha lurapjjamti” sasa.

Salmos 106:47

Tatit Diosajjay, khespiyapjjaquitaya, Diosar jan uñt'ir jakenac taypit irpthapjjapjjeta: kollan sutim jach'añchañataqui, cusisiñamp jumar yupaychañataqui.

Jeremías 2:3

Israelajj nayar catuyatapunïnwa, mä suma cosechäcaspas uqhamaraquïnwa. Maynitejj juparu cuna ñankhsa lurani ucapachasti nayaw ucarojj t'akhesiña apayaniraquïyätjja, jan walinac apayanisa.’ Ucsti naya Tatituw arsta” sasa.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Jeremías 48:1

Tatitun arunacapa, Israelan take ch'amani Diosapan arunacapa Moab marcataqui: “¡Pobre Nebo marca! ¡Cunja t'unjatätasa! ¡Quiriataim sat marcasti catuntatawa, jisc'achjataraquiwa! ¡Ch'amapasti pamparu liwinucutaraquiwa!

Jeremías 48:47

Ucampisa nayaw Moab marcan saräwipjja mayjaru tucuyjjaraquï; Naya Tatituw ucjja arsta.” Ucaw Tatitun arunacapajja Moab marcataquejja.

Jeremías 49:1

Tatitun arunacapa Amón marcataqui: “¿Cawquinquisa Israel marcan wawanacapajja? ¿Cawquinquisa herederonacapajja? ¿Cunatsa jichhajj Milcom sat diosan Gad marcajj jupanquejja? ¿Cunatsa amonita jakenacajj marcanacapan jacapjje?

Jeremías 49:7

Take ch'amani Tatitun arunacapa Edom marcataqui: “¿Temán marcanjja janit amuyt'asiñajj utjcjje? ¿Ch'iqhi jakenacasti janit cun lurañsa amtcjjapjje? ¿Yatiñ cancañapas tucusjjaquicha?

Ezequiel 28:25

Tatitusti aqham siwa: “Nayaw Israel marcaru tantachthapiraquï yakha marcanac taypinjja, cawquïri marcanacarutejj ananuccta uca taypitjja, ucatsti nayan k'oma cancañajj uñacht'ayaraquï take marcanac nayrakatanjja. Israel marcasti pachpa orakeparuw utjantasjjani, cawquïri oraktejj Jacob sirvirejjaru churcta ucana.

Ezequiel 28:26

Ucanwa suma samarata jacasipjjaraquini, utanaca utachasipjjaraquini, uva alinaca ayrusipjjaraquini. Nayaw juchañcharaquï take qhitinacatejj jac'anquiri marcanacatjja Israelar jisc'achapqui ucanacarojja. Ucapachaw yatisini nayajj Israelan Dios Tatitupätajja” sasa.

Ezequiel 36:24

Nayaw jumanacarojj take uca marcanacat apsunjjapjjäma, tantacht'asinsti orakemaruw cuttayjjapjjäma.

Ezequiel 36:5

Aqham siw Tatitojja: Arunacajjajj colerasiñampi aktayatawa uca marcanacataquejja, ucat juc'ampisa Edom marcataqui jupanacajj wali cusisiñampi nayan orakenacajj catuntasipjje uqhamaraqui wali jisc'achjañampiw orakenacajjsa lunthatjapjje’ sasa.

Ezequiel 37:21

Ucatsti jupanacarojj saraquim: ‘Aqham siw Tatitojja: Israelitanacarusti, cawqui marcanacarutejj sarapqui ucatjja irpsunjjäwa, take toketwa jupanacarojj tantacht'jjaraquëjja, orakeparuw cuttayanjjaraquëjja.

Oseas 1:11

Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Zacarías 1:15

Ucatwa colerajjajj aktejja jan yäkasir marcanac contrajja, cunapachatï juc'a coleratäscäyäta ucqhasti yanapt'apjjänwa ñankjja wali sartayaña.

Zacarías 2:8

Take ch'amani Tatituw qhitanitu aca yatiyäwimpi yänacam aparapctamsa uca marcanac contra: “Qhititejj llamct'i marcajjarojja, ucajj nayan nayrajjaruw llamct'asqui.

Deuteronomio 28:63

Cunjämatejj Diosajj juman suma asquim munäna, uqhamarac waljaru jiltayayätam; jichhasti cusisiraquiniw ch'usaru tucutamata uqhamaraqui t'unjatätamatsa, jan qhuyapt'ayasiñampiw jiq'inucutäyäta cawquïri oraktejj catuntcäta ucatjja.

Deuteronomio 30:3

ucapachajj Tatitu Diosajj juman sarnakäwimjja trocätamwa, ucatsti qhuyapayasiraquïtamwa; mayampwa tantachjjätam take marcanacat irpthapisina,