Jeremías 10:12 - Qullan Arunaca

¹² Tatitojj ch'amapampiw aca orake luri, amuyt'apampiraquiw aca oraksa sayt'ayi, ch'iqhi cancañapampiw alajjpachsa uscuraqui.

Aymar Bibliia 1986

¹² Tatitojj ch'amapampiw aca orake luri, amuyt'apampiraquiw aca oraksa sayt'ayi, ch'iqhi cancañapampiw alajjpachsa uscuraqui.

Qullan Arunaka DC

¹² Tatitux ch'amapampiw aka uraqi lurt'i, amuyt'apampiw aka uraqsa sayt'ayi, ch'ikhi kankañapampiw alaxpachsa uskuraki.

Jeremías 10:12 Jak'a apnaqawi uñst'ayäwi

Génesis 1:1

Take cunan kalltäwipanjja Diosajj alajjpacha, uqhamarac acapacha luräna.

Génesis 2:5

janïraw alinacajj utjcänti, koranacasa janiraquiw oraketjja alircataynati. Dios Tatitusti janïraraquiwa jalljja orakeru puriycataynati, uqhamarus janiraquiw qhiti irnakerisa utjcänti.

1 Crónicas 16:26

Yakha marcanacana diosanacapajja janiw cunäquisa, ucampis Tatitojj alajjpachwa luri.

Job 26:7

Diosajj alajjpachjja jan cunjjaruquiwa janatatänjja, acapachsa jan cunjjaruquiwa warct'araquejja.

Job 37:18

¿Jumajj Diosar yanapt'asmati alajjpacha janatatañanjja, ucatsti mä hierrot lurat espejöcaspas uqhama jaytañsa?

Job 9:8

Jan qhitin yanapapampiquiwa alajjpachsa luri, jach'a kotanquir jach'a ajjsarcañ animalarus tucjaraquiwa.

Salmos 104:2

khana isimpiw llawuntastajja. Alajjpacharojj isir uñtat janatattajja.

Salmos 104:24

¡Tatay, luräwinacamajj waljapuniwa! Yatiñ cancañampiw take cuns lurtajja, orakejj luratanacaman phokhantatawa.

Salmos 119:90

Cheka cancañamajj wiñayan wiñayapataquiwa, juman lurat orakejj jan onjjtquiriwa.

Salmos 24:2

Jupaw aca orakerojj lamar kotjjar utt'ayi, jupaw jawiranacjjarojj utt'ayaraqui.

Salmos 33:6

Tatitojj arupampiquiw alajjpach acapach luri; lacapan samanapaquiw take cun utjayi.

Salmos 65:7

Jumaw lamar kot mathapinacarojj t'acuraytajja, jumaw marcanacan ch'ajjwatap amuct'aytajja.

Salmos 78:69

Kollan chekawjapjja, alajjpachjam utachäna, orakerjamaw wiñayatac thuriñchat sayt'ayaraquïna.

Salmos 93:1

Tatitojj reyiwa, reyi isimp isintatawa, Tatitojj ch'aman cancañamp isthapitawa: Jupaw acapach sum thurt'ayi, jan onjjtquir utt'ayaraqui.

Proverbios 3:19

Tatitusti yatiñampi, ch'iqhi cancañampiwa sayt'ayi alajjpachsa, acapachsa.

Proverbios 30:4

¿Qhitis alajjpacharu maqhati, sarakanisa? ¿Qhitis thayarojj amparapar k'apjjäsispajja? ¿Qhitis lamar kotarojj isipampi llawuntaspajja? ¿Qhitis oraken korpanacapjja utt'ayejja? ¿Jumajj yattati jupan sutipjja, uqhamarac wawapan sutipsa?

Isaías 37:16

“Take ch'amani, Israelan Diosapa, juman tronomajj querubines sat angelanac patanquiwa, acapachanjja take reyinacjjarus juma sapaquïtawa, jumaw alajjpachsa acapachsa usctajja.

Isaías 40:22

Diosan utjäwipajj cunatejj aca orakerojj imjjatqui ucanquiwa, jakenacarusti t'ijut'ijunacäcaspas uqhamwa uñjaraqui. Jupasti alajjpachjja mä carpäcaspas uqhamwa janatati, mä guerran nuwasiñ carpäcaspas uqhamwa janatati.

Isaías 42:5

Dios Tatitu, qhititejj alajjpachsa lurqui, janatatcaraqui, oraksa lurcaraqui, uqhamaraqui ucan achurinacarusa, jacañsa jakenacarus churcaraqui, sirviriparusti saraqui:

Isaías 44:24

Jumar khespiyir Tatitumajj, acwa arsu, qhititejj jumaru janïra nascta uqhatpach usctam ucajja: “Nayätwa take cun luriri Tatitojja, nayaw alajjpacha janatatta aca oraksa sayt'ayaracta jan qhitin yanapapampi.

Isaías 45:12

Nayaw acapachsa uqhamaraqui jakenacsa uscta, alajjpachsa amparajjampiraquiw janatatta, uqhamaraqui take cunanacatejj alajjpachan utjqui ucsa nayaw lurta.

Isaías 45:18

Alajjpach lurirejja, qhititejj Diosäqui, Tatitücaraqui ucawa, qhititejj aca orake lurqui sayt'aycaraqui, qhititejj uchqui jan ch'usäñapataqui, jan ucasti jakenïñapataqui lurqui ucajj, siwa: “Nayätwa, Tatitojja, janiraquiw yakhajj utjquiti.

Isaías 48:13

Amparajjampiw orak sayt'ayta, amparajjampiraquiw alajjpachsa janatatta; sutip arsta ucatpachaw jupanacajj jacañ kalltapjje.

Isaías 49:8

Tatitojj siwa: “Qhuyapayasiñajj uñacht'ayañ horasajj puriniwa, ucat saracsmawa, khespiyasiñ urojj puriniwa, nayasti yanaparacsmawa. Nayaw jumarojj arjjatsma, juma laycu arust'äwinacajj aca marcampi lurañataqui, aca marca wasitat sayt'ayjjañajjataqui, uca tucjat orakenaca wasitat catusjjapjjañapataqui,

Jeremías 10:13

Jach'a arupampisti, alajjpachanjja umanacas warariraquiwa, kenayanacsti aca oraken mä thiyapatwa maqhatayaraqui, jallunsa llijullijunacjja khantayaraquiwa, thaysti imañapatjja apsuniraquiwa.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 14:22

¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Jeremías 27:5

Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Jeremías 32:17

‘Tata, jumaw jach'a ch'amamampi alajjpachsa, acapachsa lurtajja. Janiw jumataquejj cunas jan lurasirjamajj utjquiti.

Zacarías 12:1

Acajj Tatitut mä yatiyäwiwa Israel marcjjata. Tatitu, alajjpacha jach'aru tucuyiri, acapach oraksa utt'ayaraqui, jakerus jacaña churcaraqui ucajj arsuwa:

Juan 1:3

Jupa tokew Diosajj take cuns luri, jan jupampejj janiw cuna luratas utjquiti.

Colosenses 1:16

Jupa tokeracwa Diosajj luri take cunatejj alajjpachansa acapachansa utjqui ucanacjja, jan uñjatäqui ucsa, uñjatäqui ucsa. Take ajayunacan ch'amanïtapsa, munañan apnakerïtapsa, jupa tokew luri, jupataquiraqui.