Jeremías 10:11 - Qullan Arunaca

¹¹ (Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Aymar Bibliia 1986

¹¹ (Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Qullan Arunaka DC

¹¹ (Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Jeremías 10:11 Jak'a apnaqawi uñst'ayäwi

Salmos 96:5

Yakha marcanacan diosanacapajj janiw cunäpquisa, Diosasti alajjpach luririwa;

Isaías 2:18

take yakha diosanacsti k'al tucjaraquini.

Isaías 57:12

Ucampis jichhajj sarnakatamjja khanañchäwa, uca sarnakäwimsti jumajj wali sumäcaspas uqham amuytajja.

Jeremías 10:15

jan cuna inamaya yänacaquiwa, mä p'enkaraqui, Tatitusti taripäwipanjja ucanacarojj t'unjaraquiniwa.

Jeremías 43:12

Egipto marcan diosanacapan templonacapsti ninampiw naqhantayaraquini, diosanacaparusti presonacäcaspas uqhamwa apasjjapjjaraquini. Egipto marcsti k'omacharaquiniwa, cunjämatejj mä awatirejj lap'anacapjja isipat k'omachsusejj uqhama, ucatsti jan qhitin cun sataraquiw sarjjani.

Jeremías 43:13

Heliópolis, sisqui uca postenacsti Egipto marcanjja k'alwa tincuyaraquini, Egipto marcan diosanacapan templonacaparusti ninampiw naqhantayaraquini’ ” sasa.

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 51:18

Jan cunatac inamaya yänacaquïpjjaraquiwa, mä p'enkaraqui, Tatitusti jupanacarojj taripäwi urunwa t'unjaraquini.

Lamentaciones 3:66

Tatay, jupanacarojj jach'a colerasiñamampi arctam, ¡aca oraketsti chhaktapjjaracpan!

Ezequiel 30:13

“Tatitusti aqham siwa: Take c'ari diosanacjja k'alwa t'unthapëjja, Menfis orakenquiri c'ari diosanacsti tucjaraquïwa. Egiptosti janiw jicjjatascaniti qhiti jupar apnakersa, aca marcarusti ajjsarañampiw phokhantaraquëjja.

Sofonías 2:11

Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Apocalipsis 20:2

Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.

1 Samuel 5:4

Ucampisa, khepärmanthi alwajj wasitatwa Asdod chekan utjir jakenacajj purinipjjaraquiquïna, ucatsti Dagón diosarojj Tatitun arcapa nayräjjan liwnoktata jicjjatapjjaraquiquïna. P'ekepampi, amparanacapampisti p'aquirataraquïnwa, umbral patan apjjatataraqui. Cuerpopaquiw janejj cunas camacht'atäcänti.