Jeremías 1:16 - Qullan Arunaca

¹⁶ Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Aymar Bibliia 1986

¹⁶ Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Qullan Arunaka DC

¹⁶ Ukham mutuyañatakiw nayax arsta, khitinakatix nayar apanukusina, jupanakpachan lurasita yaqha diosanakar inciensonaka luqtasipxi, killisipxaraki uka jucharar markatakixa.

Jeremías 1:16 Jak'a apnaqawi uñst'ayäwi

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti’ ”.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 28:2

Jan ucasti Israelanquir reyinacan sarnakäwinacaparuwa arcäna, uqhamaraquiw lurayaraquïna c'ari diosanaca metalata umatatayasa, ucanacasti Baal diosan lantinacapänwa.

2 Crónicas 34:25

Jupanacasti nayarojj apanucupjjetuwa, uqhamarac yakha diosanacaruwa incienso naqhayapjje, uqhamata nayar colerayasa take luratanacapampi. Ucatwa nayajj colerasta aca chekataquejja, ucatsti colerajjajj janiw saraktcaniti.’

2 Crónicas 7:19

Ucampis jumanacatejj nayat sarakapjjetäta, janiraqui leyinacajjsa, ewjja arunacajjsa churapcsma ucanac phokhapcätati, jan ucasti yakha diosanacaruraqui sirvipjjäta, yupaychapjjaraquïta ucajja,

Isaías 2:8

¡Uqhamarus yakha diosanacampi wali phokhantataraquiwa! Jakenacasti jupanacan pachpa amparanacapampi lurat diosanacaruquiw yupaychapjje, luc'ananacapampi luratanacaru.

Isaías 37:19

diosanacapsa ninaruw naqhantayapjjaraqui, janiw ucanacajj chekpacha diosäpcänti, jan ucasti lawata, kalata lurat diosanacaquïnwa uca laycu. Ucatpï t'unjasipquejja.

Isaías 44:15

Jaketaquejj uca kokanacajj nina phichhañataquiw wali, jisc'a lawanac apasipjje ucampiraquiw junt'uchasipjje, mayanacampisti t'ant'a lurasipjjaraqui; mayninacasti uca lawanacjja mä diosa lurasiñataquiw apasipjjaraqui, ucat uca diosar yupaychañataqui diosäcaspas uqhama.

Isaías 65:3

mä marca, cawquïritejj nayan ajanojjaru sapüru ñankhachquitu; diosanacarusti pankar yapunacan sacrificionac loktasipjjaraqui, ladrillot lurat altaranacjjan incienso naqhayasipjjaraquïnjja;

Jeremías 10:15

jan cuna inamaya yänacaquiwa, mä p'enkaraqui, Tatitusti taripäwipanjja ucanacarojj t'unjaraquiniwa.

Jeremías 10:3

Uca marcanacan iyawsäwinacapajj janiw cunataquis asquïquiti. Monten mä tronco jakonucupjje, mayni lek'eriraquiw cincelapampi lek'su,

Jeremías 11:12

Ucapachaw Judá orakenquir jakenacajja, Jerusalén marcan utjir jakenacasa uca yakha diosanacaru yanapa mayisiri sarapjjani, cawquïrinacarutï incienso loktasipjje ucanacaru, ucampisa uca diosanacajj janiw khespiyañataquejj ch'amanïpcaniti uca jach'a t'akhesiñajj purincani ucapachajja.

Jeremías 11:17

“Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Jeremías 15:6

Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Jeremías 16:11

Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Jeremías 17:13

Tata, jumaw Israelan suyt'añapätajja. Take jumar apanucuristi p'enkachjataraquïniwa. Take jumat jayarst'iristi lak'aru kellkat sutjamaquiw chhaktjjani, juma, suma jalir umar apanucutap laycu.

Jeremías 18:15

Ucampis marcajjajj nayarojj armituwa, ucatsti c'ari diosanacaruw inciensonac loktasipjjaraqui. Nayra thaquipatsti yakha thaquiruw saranucuwayjjapjjaraqui, ucatsti jan uñt'ata thaquinjam sarapjjaraqui.

Jeremías 19:4

Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Jeremías 2:13

“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 2:28

Judá, ¿cawquincaraqui jumajj lurascta uca diosanacamasti? ¡Uca diosanacamajj marcanacar uñtata waljanipuniwa! ¡Jichhajj jupanacajj jutapjjpanaya, inacha khespiyapjjeristam, cunapachatejj jan walt'añajj purincätam ucapachajja!

Jeremías 4:12

Nayajj thayt'ayancä ucasti wali jach'a thayäniwa, jichhasti jupanacataquiw juchañchäwi arsuraquï.”

Jeremías 4:28

Aca orakejj llaquisiñampi phokhantatäniwa, alajjpachas lutot ist'asiraquini. Nayaw arsta, janiw kheparojj cuttcäti, take cunas amtatäjjew, janipuniw khepar cuttcäti.

Jeremías 44:17

Jan ucasti cuntejj lurañ amtasipjjta ucpun lurapjjäjja. Alajjpach Mama sat diosarojja incienso loktasisipcaquipunïwa, uqhamaraqui vinompisa ch'allasisipcaquïwa, cunjämtejj jichhacama lurapjjta uqhama nayra awquinacajjasa, reyinacajjasa, Judá orakenquiri jach'a jilïrinacajjasa, uca marcanacanjja uqhamaraqui Jerusalén marcan callenacapansa uqhampunwa lurapjjerïnjja. Nayrasti nanäcataquejj mank'as walïriwa, take cunas waliquïsquiriwa, janiraquiw cuna jan walt'añas jutirïquiti.

Jeremías 5:29

¿Janit ucanacatsti mutuycästi? ¿Janit uqhama jakenacarusti juchap uñt'aycästi? Naya, Tatituw ucjja arsta.

Jeremías 5:9

¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Jeremías 51:17

Take jakenacasa pisi amuyuni jan cuna yatirïpjjaraquiwa, diosanacasti qhititejj jupanacaru lurqui ucanacarojj sallkjapjjaraquiwa. Inamaya uñtasit luratanacaquiwa, janiw jacañanïpcaraquiti.

Jeremías 7:17

¿Janit jumajj uñjcta cuntejj Judá marcanacansa uqhamaraqui Jerusalén callenacansa lurapqui ucjja?

Jeremías 7:18

Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Jeremías 7:9

Lunthatapjjta, jake jiwayapjjta, wachok juchan sarnakapjjta, c'ari juramentonac lurapjjta, Baal diosarusti inciensonaca loktasipjjta, ucatsti yakha diosanacarusa yupaychapjjaracta, ucanacampejj janiw cuna lurañanacamas utjquiti,

Ezequiel 16:18

ucanacarusti uca suma isinacamampiw isintayaractajja, aceitejjsa, inciensojjsa jupanacaruw loktaractajja.

Ezequiel 24:14

Naya Tatituw ucjja arsta, uca arsutajjarusti phokhasipuniniwa. Naya quipcaw ucanacjja luraraquëjja, ucanacarusti phokhapuniraquïwa; janipuniw qhuyapt'ayascäti, janiraquiw chuymajjansa amtcäti. Take sarnakäwimatsti uqhamaraqui luräwinacamatsa mutuyapunïmawa. Naya Tatituw ucjja arsta.’ ”

Oseas 11:2

Ucampis cunapachatejj nayajj juc'ampi jupar jawsayät ucqhajja, juc'ampiraquiw jupajj nayatjja jayarst'awayi. Marcajjasti c'ari diosanacaruquiw sacrificionac loktasïnjja, yakha diosanacaruquiraquiw incienso nact'ayasïnjja.

Oseas 8:6

Samarianquir uca vaca kallojj janiw Diosäquiti, jaken lurataquiwa, ucatwa jichhajj t'unjataraquïni.

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Hechos 7:41

Ucat jupanacajj mä dios lurapjje, vaca kallur uñtata. Uca diosar yupaychañataquisti sacrificio loktapjjäna. Uqham quicpa amparanacapampi mä dios lursusisinsti, cusisipjjaraquïnwa.

Deuteronomio 28:20

“Tatitu Diosasti maldicionanaca, pitusiñanaca, llaquisiñanaca take luräwiman apayanipjjätam, ucatsti juc'a urunacwa takpachaniru t'unjapjjätam, jumanacan jan wali luräwinacampi jupar apanucupjjatam laycu.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

Josué 24:20

Jumanacatï Diosaru apanucupjjäta yakha diosanacar sirviñataqui, ucqhajj Diosajj jan walt'añanacwa apayanipjjätam, ucatsti t'unjapjjaraquïtamwa jumanacar walja asquinac lurcasasa.

Apocalipsis 9:20

Qhitinacatejj jan aca t'akhesïwinacampi jiwarapcän uca jakenacajj janiw arrepientisipcänti jan wali luratanacapatjja, uqhamaraquiw cunayman casta ajayunacarus yupaychasipcaquïna, uqhamarac korit, kollket, broncet, kalat, lawat lurat diosanacarus yupaychasipcaquïnwa. Uca diosanacasti janiw uñjquisa, ist'quisa, ni sarnakcaraquisa.