Jeremías 1:16 - Qullan Arunaka DC

¹⁶ Ukham mutuyañatakiw nayax arsta, khitinakatix nayar apanukusina, jupanakpachan lurasita yaqha diosanakar inciensonaka luqtasipxi, killisipxaraki uka jucharar markatakixa.

Aymar Bibliia 1986

¹⁶ Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Qullan Arunaca

¹⁶ Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Jeremías 1:16 Jak'a apnaqawi uñst'ayäwi

2 Reyes 22:17

Jupanakax nayar apanukusin yaqha diosanakaruw inciensonak nakhayapxi, taqi uka luratanakapampi nayar q'apisiyasa; ukat nayan q'apisiñaxax aka chiqatak aqti, ukasti janiw t'akurkaniti.

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

2 Crónicas 28:2

jan ukasti, Israelankir reyinakan sarnaqäwiparuw arkäna, jupasti metal umatatayasin Baal diosan lantinakap lurayäna,

2 Crónicas 34:25

Nayat armasipxituwa, yaqha diosanakaruw inciensonak nakt'ayapxi, uka luratanakapampi nayar q'apisiyasa; ukat q'apisiñaxax aka chiqatak nakti, ukasti janiw jiwt'kaniti.

2 Crónicas 7:19

Ukampis jumanakatix nayat saraqapxitäta, janirak kawkïr kamachinaktix churapksma ukanakarus phuqhapkäta, jan ukasti yaqha diosanakar luqtapxäta, yupaychapxarakïta ukaxa,

Isaías 2:8

¡Israel markax yaqha diosanakampi phuqhantatawa! Jaqinakasti jupanakan lurat diosanakaruw yupaychapxi, pachpa amparanakapamp lurat diosanakaruw yupaychapxi.

Isaías 37:19

diosanakapsa ninampiw nakhantayapxi, ukanakax janiw chiqpach diosäpkänti, jan ukasti lawata, qalata jaqin lurat diosanakakïnwa. Ukat t'unjapxixa.

Isaías 44:15

Ukatsti jaqix uka quqanakan jisk'a lawanakapxa, nina phichhañataki, ukamp junt'uchasiñatakiw apasi, jan ukax horno junt'uchasin t'ant'a lurañatakiw apasi; mayninakasti uka lawanakatxa mä dios lurasiñatakiw apasipxi, ukhamat uka diosar killt'asis yupaychañataki.

Isaías 65:3

Uka markax nayarux ñanqhachapunituwa; k'ari diosanakaruw wilañchanak luqtaski, ladrillot lurat altaranakxan incienso q'uphicharaki.

Jeremías 10:15

jan kunatak inamay yänakakiwa, Tatitusti taripäwipanxa ukanakarux q'al t'unjarakini.

Jeremías 10:3

Uka markanakan iyawsäwinakapax janiw kunatakis askïkiti. Ch'umi taypin mä quqa jaqunukupxi, uka quqatsti ídolo luririw sum lursuski,

Jeremías 11:12

Ukapachaw Judá uraqinkir jaqinakaxa, Jerusalén markan utjir jaqinakasa uka yaqha diosanakar yanap mayisir sarapxani, kawkïrinakarutix incienso luqtasipki ukanakaru, ukampis uka jach'a t'aqhisiñax purinkani ukapachaxa, uka diosanakax janiw qhispiyañatakix ch'amanïpkaniti.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 16:11

Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Jeremías 17:13

Tatay, jumaw Israelan suyt'añapätaxa. Taqi jumar apanukuristi p'inqachjatäniwa. Taqi jumat jayarst'iristi thayan apat laq'jamaw chhaqtxani, juma, suma jalir umjam Tatitur apanukutapata.

Jeremías 18:15

Ukampis markaxax nayar armituwa, ukatsti k'ari diosanakaruw inciensonak luqtasipki. Nayra thakhipatsti yaqha thakhiruw saranukupxi, jan uñt'at thakhinjam sarapxaraki.

Jeremías 19:4

Israelitanakax nayarux apanukupxituwa, aka uraqsti yaqha uraqiruw tukuyapxaraki, aka chiqan yaqha diosanakar inciensonak luqtasipxaraki, uka diosanaksti janiw jupanakax uñt'apkänti; janirakiw nayra awkinakapasa, Judá uraqinkir reyinakas uñt'apkänti; aka chiqanarak jan juchan jaqinakarus jiwarayapxi.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 2:28

Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Jeremías 4:12

nayax thayt'ayankä ukasti wali jach'a thayäniwa, jichhpachaw jupanakatakix juchañchäwi arsurakï.”

Jeremías 4:28

Aka uraqix llakisiñampi phuqhantatäniwa, alaxpachas ch'amakampi phuqhantatarakïniwa. Nayaw arsta, ukhamapuniw lurasini, taqi kunas amtatäxiwa, janipuniw qhipar kuttkäti.

Jeremías 44:17

Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 5:9

¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Jeremías 51:17

Taqi jaqinakas pisi chuymäpxiwa, jan amuyt'asirinakawa; idolonakasti luririnakapatakix mä p'inqawa. Inamaya uñtasit luratanakakiwa, janirakiw jakañanïpkisa;

Jeremías 7:17

¿Janit jumax uñjkta kuntix Judá markanakansa, Jerusalén markansa lurapki ukxa?

Jeremías 7:18

Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Ezequiel 16:18

ukanakarusti uka suma isinakamampiw isintaytaxa, nayan aceitexampi, nayan inciensoxampi jupanakarux luqtaraktaxa.

Ezequiel 24:14

Naya, Tatituw uk arsta, ukasti ukhamapunïniwa. Naya kipkaw ukanak lurä, ukanaksti phuqhapunïwa; janipuniw khuyapt'ayaskäti, janirakiw chuymaxansa amtkäti. Taqi sarnaqäwimata, luräwinakamat mutuyapunïmawa. Naya, Tatituw uk arsta.’ ”

Oseas 11:2

Kunapachatix nayax juk'ampi jupar jawskäyät ukkhaxa, juk'ampikiw jupax nayat jayarst'awayi. Markaxasti k'ari diosanakaruw wilañchanak luqtasïna, yaqha diosanakarukiw incienso q'aphichäna.

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Hechos 7:41

Ukat jupanakax mä dios lurapxäna, vaca qallur uñtata, ukatsti uywanak jiwayapxäna uka diosar wilañcha luqtañataki. Ukatsti jach'a phunchhäwi lurapxäna amparapamp lursusipkatayna uka diosar jach'añchasa.

Deuteronomio 28:20

“Taqi luräwinakamanxa, Tatitux ñanqhachäwinaka, pitusiñanaka, llakisiñanak apayanïtam, ukanakasti juk'a urunakan t'unjat uñjasiyätam, juman jan wali luräwinakamampi Tatitur apanukutam layku.

Deuteronomio 31:16

Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.

Josué 24:20

Jumanakatix Tatitut armasis yaqha diosanakar luqtapxät ukkhaxa, Tatitux jan walt'añanak apayanipxätam, jumanakar askinak lurkasin t'unjapxarakïtamwa —sasa.

Apocalipsis 9:20

Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.