Jeremías 1:17 - Qullan Arunaca

¹⁷ Jichhasti jumajj ch'amañcht'asim; ucatsti sarasinjja, cuntejj nayajj siscäma take ucanac sanim. Jan jupanacarojj ajjsaramti, ajjsaräta ucapachasti, nayajj jupanac nayräjjanwa qhathatiyäma.

Aymar Bibliia 1986

¹⁷ Jichhasti jumajj ch'amañcht'asim; ucatsti sarasinjja, cuntejj nayajj siscäma take ucanac sanim. Jan jupanacarojj ajjsaramti, ajjsaräta ucapachasti, nayajj jupanac nayräjjanwa qhathatiyäma.

Qullan Arunaka DC

¹⁷ Jichhasti jumax ch'amañcht'asim; saram, ukatsti kuntix nayax sisksma taqi ukanak yatiyanim. Jan jupanakarux axsaramti, axsaräta ukapachasti, nayax jupanak nayräxan khathatiyäma.

Jeremías 1:17 Jak'a apnaqawi uñst'ayäwi

1 Reyes 18:46

Ucampis Eliasarojja Tatituw ch'am churäna, ucatsti isipampi isthapisisinjja, Jezreel chekacamawa jaläna, ucatsti Acab reyitsa nayrwa purïna.

2 Reyes 1:15

Ucatsti Tatitun angelapajj Eliasarojj sänwa: “Jupamp chica saram, jan jupar ajjsaramti” sasa. Eliasasti sarakanisinjja capitanamp chicaw reyin ucaru saräna,

2 Reyes 4:29

Eliseojj Giezi uywataparojj sänwa: —Wact'ayasim, ucatsti thujrojja apjjarusiwayasa saram. Qhitimpitejj jiquisïta ucajja janiw aruntätati; qhititejj aruntätam ucarojj janiw jaysätati. Ucatjja thujrojj-jja wawan ajanup patjjaruwa uchäta —sasa.

2 Reyes 9:1

Eliseo profetasti jawsänwa profetanacan tamapata maynïriru, aqham sasa: “Wact'ayasim mistuñataqui. Aceite apjjarusiwayasajja, saram Galaadanquir Ramot chekaru.

Job 38:3

Jichhajj jan ajjsarirïtam uñacht'ayita, ucatsti aca jisct'anacaru arusjjataraquita.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 7:2

Jumasti cuntejj nayajj siscäma take ucanacwa Aarón jilamarojj yatiyäta; ucatsti jupawa faraonarojj parlascani, israelitanacaru marcapat antutjjañapataquejja.

Jeremías 1:18

Nayaw jichhajj jumarojj sayt'aysma, mä suma jach'a perkani marcäcaspas uqhama, mä hierrot sayir perkäcasmas uqhama, broncet lurat perkäcasmas uqhama, take Judá orakempi catuntasiñamataqui: reyinacapampi, jilïrinacapampi, sacerdotenacapampi, uqhamaraqui take jakenacampisa.

Jeremías 17:18

Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

Jeremías 23:28

¡Mä profetatejj mä samca samcaschi ucapachajja khana sispan mä samcaquïtapa, ucampisa arunacajjtejj catokchejja, ucapachasti khana, chekaparu yatiyapjjpan! Janiw trigo jipimpi trigompejj mayaquïcaspati. Arunacajjajj ninjamawa, karkanac ch'iyjiri martilljamawa. Naya Tatituw ucjja arsta.

Jeremías 26:12

Jeremiasasti jilïrinacaru uqhamaraqui take jakenacaruraquiwa parlaraquïna aqham sasa: “Tatituw nayarojj sutipjjaru parlañajjataqui qhitanitu, uqhamaraqui aca templo toksa aca marcata parlañajjataquisa, cuntejj jumanacajj ist'apcta take ucanaca.

Jeremías 26:2

aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Jeremías 36:8

Baruc chachasti cuntejj Jeremiasajj siscatayna take ucanacwa luräna. Temploru sarasinsti Tatitun arunacapwa leet'araquïna, cunatejj uca rollon kellkatäcän take ucanaca.

Lamentaciones 3:57

Cuna urutejj nayajj jawscäm uca urusti jutam, ucatsti saraquita: “Jan ajjsaramti” sasa.

Jonás 3:2

“Sartam, ucatsti Nínive jach'a marcaru saram, cuntejj siscäma uca arunac yatiyiri” sasa.

Lucas 12:35

“Waquicht'asit suyt'apjjam isthapita, lamparanacams khantayasisa.

Hechos 20:20

Ucampis jumanacar Tatitun arunacapat parlañatjja janiw inact'cäyätti, jumanacatac asquïtap laycu. Utanacansa, uqhamaraquiw mayninacarusa taken uñjcataraquiw jumanacarojj yatichapjjsma.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

1 Corintios 9:16

Nayataquejj janiw cuna jach'achasiñäquisa evangelio parlañajja, jan ucasti, waquisituwa parlañajjajja. ¡Janitejj Diosan arunacap parlquirist ucajja cunaquïcaspa nayataquejja!

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.