Génesis 4:14 - Qullan Arunaca

¹⁴ Jichhajj aca oraketjja jakonucjjestawa, jichhasti aca orakenjjay muychï, jumat jayarst'ata, janiraqui nayataquejj samarañas utjcchiniti. Uqhamarac qhitis jicjjatasinjja jiwayaquiracchitanïya —sasa.

Aymar Bibliia 1986

¹⁴ Jichhajj aca oraketjja jakonucjjestawa, jichhasti aca orakenjjay muychï, jumat jayarst'ata, janiraqui nayataquejj samarañas utjcchiniti. Uqhamarac qhitis jicjjatasinjja jiwayaquiracchitanïya —sasa.

Qullan Arunaka DC

¹⁴ Jichhax aka uraqit jaqunukxistawa, ukatsti aka uraqinxay jumat jayarst'at muychï, janiraki nayatakix samarañas utjkchiniti. Ukhamarak khititix jikxatkitani ukax jiwayakchitaniya —sasa.

Génesis 4:14 Jak'a apnaqawi uñst'ayäwi

Génesis 3:24

Edén huertot jakeru apsjjasinsti, uca huertot inti jalsu tokerojj querubines sat angelanacwa Diosajj uscüna, ucanacasti mä akquir espada ayt'asitäpjjänwa, take toket muyuntapjjaraquïna, jan qhitis jacañ kokar puriñapataqui.

Génesis 4:13

Ucatsti Cainajj Tatiturojj saraquïnwa: —Janiw nayajj uca jach'a mutuyawjja t'akhesquiristti.

2 Samuel 14:7

Jichhasti take familianacajjaw naya contra sartapjje, jupanacajj munapjjaraquiw nayan jupanacaru cawquïri wawajjatejj jiwaycatayna ucar catuyaña, uqhamat jilaparu jiwaycatayna uca phoksuñataqui, ucatsti cawquïri sapa herencia catokeritejj utjqui ucaru chhaktayañataqui. Uqhamäni ucapachasti, cawquïri wawajjatejj nayataqui mä ninjama akasqui ucaruw jiwayjjapjjani, chachajjarusti jan wawani jaytapjjaraquinejja, janiraquiw chachajjan sutip apiris aca orakenjja utjcaniti —sasa.

Salmos 109:10

Wawanacapajj mayjasis muyupjjpan, mank'añ mayjasipjjpan, t'unjat utapat jakonucutäpjjpan.

Salmos 109:12

Jan qhitis jupat qhuyapayaspati, janirac wajcha wawanacapat qhuyapayaspati.

Salmos 143:7

Tatay, mayisitajjarojj janc'aquiy ist'am, samanajjajj tucstañampïsquiwa. Janiquiy ajanum maysar uñtamti, uqhamäspa ucajja, jiwatanacar uñtatïristwa.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Proverbios 28:1

Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Isaías 8:22

ucatsti orakeruw alintapjjaraquini, ucansti aynacht'añampi, ch'amacampicwa jicjjatapjjani, ch'iyar arum ch'amacampi llaquisiñanacampi. Take cunwa arum ch'amacajj chhaktayani. T'akhesiyat jakesti janiw jaltañataquejj ch'amanïcaniti.”

Jeremías 52:3

Ucatwa Tatitojj Jerusalén marcataquisa, Judá oraketaquisa colerataraquïnjja, jupan nayrakatapatsti apanucuraquïnwa. Sedequías chachasti Babilonianquiri reyitaquiw sayt'asiraquïna.

Oseas 13:3

Ucatwa jichhajj alba urpur uñtata, willjta sullar uñtataraqui mäqui chhaktapjjani, thayan apat t'unar uñtata, cocinat mistur jiwk'er uñtataraqui.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Levítico 26:36

“Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Números 35:19

Jiwayatan jac'a familiapaw jiwayaraquini, cunapachatejj jupajj jicjjatani ucqhajja.

Números 35:21

uqhamarac uñisiñatsa nuwjani, ucasti jiwjjaraquini, juchanïqui ucajj juchañchasin jiwayatäniwa, jupan jake jiwayirïtap laycu. Jiwatan jac'a familiapaw uca jiwayirirojj jiwayaraquini, cunapachatejj jupajj jicjjatani ucqhajja.

Números 35:27

jiwayat jaken familiapajj marca ankäjjan jicjjatani, ucatsti jiwayani, ucqhajj janiw cunatsa juchañchatäcaniti.

Mateo 25:41

“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Mateo 25:46

Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.”

Deuteronomio 28:64

Diosasti take marcanacaruw ananucütam mä thiyat mä thiycama, ucansti yakha diosanacaruw yupaychäta, lawata, kalata, lurat diosanacaru, cawquïrtejj ni awquimasa ni jumasa uñt'apcta ucanacaru.

Deuteronomio 28:65

Uca marcanacan jaccasinjja janiw sumancañsa ni samarañsa jicjjatapcätati; Diosajj wali sustjatwa jacayätam, nayranacamas llact'ata ajjsarañana, kawkhasay cusisiñ munascam.

2 Tesalonicenses 1:9

Acanacajj wiñay t'unjañampi mutuyatäpjjaniwa, Tatitun nayrakatapatsa jakokanitäpjjaniwa, uqhamarac jach'a cancañapatsa ch'amapatsa,