Génesis 4:14 - Qullan Arunaka DC

¹⁴ Jichhax aka uraqit jaqunukxistawa, ukatsti aka uraqinxay jumat jayarst'at muychï, janiraki nayatakix samarañas utjkchiniti. Ukhamarak khititix jikxatkitani ukax jiwayakchitaniya —sasa.

Aymar Bibliia 1986

¹⁴ Jichhajj aca oraketjja jakonucjjestawa, jichhasti aca orakenjjay muychï, jumat jayarst'ata, janiraqui nayataquejj samarañas utjcchiniti. Uqhamarac qhitis jicjjatasinjja jiwayaquiracchitanïya —sasa.

Qullan Arunaca

¹⁴ Jichhajj aca oraketjja jakonucjjestawa, jichhasti aca orakenjjay muychï, jumat jayarst'ata, janiraqui nayataquejj samarañas utjcchiniti. Uqhamarac qhitis jicjjatasinjja jiwayaquiracchitanïya —sasa.

Génesis 4:14 Jak'a apnaqawi uñst'ayäwi

Génesis 3:24

Edén chiqat chachampiru warmimpiru jaqunukusinsti, Diosax uka chiqat inti jalsu tuqirux querubines sat chhiqhaninak usküna, ukansti mä aqkir espada uchäna, ukaw taqi tuqit muytarakïna, ukhamat jan khitis jakañ quqar jak'achasiñapataki.

Génesis 4:13

Ukatsti Caín chachax Tatiturux sarakïnwa: —Janiw nayax uka jach'a mutuyäwi t'aqhiskiristti.

2 Samuel 14:7

Jichhasti wila masinakaxax taqiniw nayatak sartapxi. Jilapar jiwaykatayna ukar nayan katuyañax munapxaraki, ukhamat jiwayatapat phuqsusiñataki, ¡jan wawani qhiparirista ukasa, janiw jupanakax nayat khuyapt'ayasipkitaspati! Uka wawaxarutix jiwayapxaspaxa, nayax sapakiw qhiparxirista, chachaxan sutipasti wiñayatakiw chhaqtxaspa —sasa.

Salmos 109:10

Wawanakapax mayjasis muyupxpan, manq'añ mayjasipxpan, t'unjat utapat jaqunukutäpxpan.

Salmos 109:12

Jan khitis jupat khuyapayaspati, wajcha wawanakapat janirak khuyapayaspati.

Salmos 143:7

Tatay, ¡mayisitaxarux jank'akiy ist'am, samanaxax tukstañampïskiwa! Janikiy nayatak maysa uñtamti, jan ukax jiwatar uñtatïristwa.

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Isaías 8:22

ukampis aynacht'añampi, t'aqhisiñampik uñjapxani. Laxa ch'amak taypin jakapxani.

Jeremías 52:3

Ukat Tatitux Jerusalén markataki, Judá uraqitakisa phiñasitänxa, ukanakarusti jupan nayraqatapat apanukurakïnwa. Ukatsti Sedequías reyix Babiloniankir reyitakiw sayt'asïna.

Oseas 13:3

Ukat jichhax qhantati urpur uñtata, willjta sullar uñtat chhaqtapxani, thayan apat waña laphir uñtata, phayañ utat mistur jiwq'ir uñtat chhaqtapxani.

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Levítico 26:36

“Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Números 35:19

Jiwayat jaqin jak'a wila masipaw jaqi jiwayirir jikxatasin jiwayani.

Números 35:21

jan ukax, uñisiñat nuwjasin jiwayani ukasti, juchanix jiwañapatak juchañchataw uñjasini, jupan jaqi jiwayirïtap layku. Jiwatan jak'a wila masipaw uka jiwayirirux jikxatasin jiwayarakini.

Números 35:27

jiwayat jaqin wila masipax jiwayaskaniwa, marka anqäxantix jiwayir jaqir jikxatkani ukkhaxa, janiw jupax jiwayatapat juchañchat uñjaskaniti.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Mateo 25:46

Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”

Deuteronomio 28:64

Diosax taqi markanakaruw mä thiyat mä thiykam ananukütam, ukansti yaqha diosanakaruw yupaychäta, lawata, qalat lurat diosanakaru, ukanaksti janiw jumasa, nayra awkinakamas uñt'känti.

Deuteronomio 28:65

Uka markanakan jakkasin janiw sumankañsa, samarañsa jikxatkätati; qawqhas kusisiñ munaskätawa, ukampis Diosax llakt'atak sarnaqayätam.

2 Tesalonicenses 1:9

Jupanakasti wiñay t'unjañampi mutuyatäpxaniwa, ukatsti Tatitun nayraqatapatsa, jach'a kankañapatsa, ch'amapatsa jayar jaqunukutäpxaniwa,