Génesis 4:15 - Qullan Arunaca

¹⁵ Ucampis Tatitojj saraquïnwa: —Qhititejj jumar jiwaycätam ucajj pakallko cuti mutuyatäniwa —sasa. Ucatsti Tatitojj mä unanchäwi Cainarojj uchäna, uqhamat jan qhitis jupar jicjjatasinjja jiwayañapataqui.

Aymar Bibliia 1986

¹⁵ Ucampis Tatitojj saraquïnwa: —Qhititejj jumar jiwaycätam ucajj pakallko cuti mutuyatäniwa —sasa. Ucatsti Tatitojj mä unanchäwi Cainarojj uchäna, uqhamat jan qhitis jupar jicjjatasinjja jiwayañapataqui.

Qullan Arunaka DC

¹⁵ Ukampis Tatitux jupar sarakïnwa: —Khititix jumar jiwaykätam ukax paqallqu kuti mutuyatäniwa —sasa. Ukatsti Tatitux mä chimpu Caín chacharux uchäna, ukhamat khitis jupar jikxatasin jan jiwayañapataki.

Génesis 4:15 Jak'a apnaqawi uñst'ayäwi

Génesis 4:24

Cainarutejj pakallko cuti phoksusipjjchinejja, nayarojj pakallko tunca pakallkoni cutiw phoksusipjjetani.”

1 Reyes 16:7

Tatitojj Jehú profeta tokewa arsüna, qhititejj Hanani sat chachan yokapäcäna uca toke, Baasa reyitaqui, uqhamarac familiapataquisa, jupan luratanacapajj Tatitun nayrakatapanjja janiw walïcänti uca laycu. Jupasti luratanacapampejja Tatiturojj colerayänwa familiapampi uqham jan wali lurasiñapataqui, cunjämatï Jeroboam reyin familiapajj tucjatäcän uqhama.

Salmos 59:11

Diosajjay, jupanacat jan qhuyapayasimti, marcajjan ucjjat jan armasiñapataqui; jupanacarojj ch'amamampiy ananucum, mä p'enk aynacht'ayaraquim. ¡Tatay, jumaw nanacar arjjatirïtajja!

Salmos 79:12

Tatay, marca masinacajjarojj pakallk cutimp cutiyam, jumar jan walinac luratapata.

Proverbios 6:31

ucampisa lunthatasquirtejj catjatäni ucapachasti, pakallko ucqhampwa lunthatasitapat cutt'ayani, uqhamarac cunatejj jupan utjqui take ucanacwa churjjaraquini.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Oseas 1:4

Ucatsti Tatitojj Oseasarojj sänwa: “Uca yokall wawarojj Jezreel sas suticham, nayasti acat mä juc'a urunacarojj Jehú reyin wawanacaparojj mutuyäwa, Jezreel chekana jakenacar jiwarayapjjatapata, Israel marcansti janiw juc'ampi reyinacajj utjcjjaniti.

Levítico 26:18

“Take acanaca ist'asinsa janipuni nayarojj jaysapquitäta ucapachasti nayajj jumanacarojj pakallko cutimpiw juchanacamatjja t'akhesiyapjjäma.

Levítico 26:21

“Jumanacatejj naya contra sayt'asaquipuni sarnakasipcäta, uqhamarac jan nayar jaysas sarnakapjjäta ucapachasti, nayajj jumanacarojj pakallko cutimpwa mutuyapjjäma, jucha luratanacamarjama.

Levítico 26:24

ucapachasti nayajj jumanac contraw sartaraquï, ucatsti jucha luratanacamatjja pakallko ucqhampwa mutuyapjjaraquïma.

Levítico 26:28

nayajj jumanac contraw sayt'araquëjja, jumanacataquisti colerasiraquïwa, jucha luratanacamatsti pakallko ucqhampwa mutuyapjjaraquïma.

Mateo 26:52

Jesusasti ucapachajj juparojj sänwa: —Espadamjja imañaparu imasjjam. Espadampi nuwasirejja, espadampi jiwayataraquïniwa.

Apocalipsis 14:11

Jek'esti uca t'akhesïwipatjja wiñayapuniw mistu, janiraquiw samarañajj urus arumas utjquiti, qhitinacatejj uca jach'a ajjsarcañ animalaru, uqhamarac uñtasitanacaparus yupaychapqui, jan ucajj amparaparus, paraparus uca animalan sutipampi chimpt'ayasipqui ucanacataquejja.”

Apocalipsis 14:9

Ucjjarusti yakha quimsïri angelaraquiw uñstäna wali jach'at art'asisa: “Qhititejj uca jach'a ajjsarcañ animalaru yupaychcani, uqhamarac uñtasitanacaparusa, uca ajjsarcañ animalan chimpupsa amparaparus jan ucajj paraparus uchayascani ucajja,