Génesis 3:6 - Qullan Arunaca

⁶ Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Aymar Bibliia 1986

⁶ Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Qullan Arunaka DC

⁶ Warmisti uka quqan achupan manqt'añatakisa, yatiñanïñatakisa sumätap uñkatäna. Ukhamasti jupax mä achu apaqasin manq'antäna. Ukatsti chachaparurakiw churäna, jupasti manq'antarakïnwa.

Génesis 3:6 Jak'a apnaqawi uñst'ayäwi

Génesis 3:12

Jakesti saraquïnwa: —Nayar compañiritaqui churquista uca warmiwa uca kokan achup churitu, ucatwa nayajj mank'antta —sasa.

Génesis 3:17

Chacharusti saraquïnwa: —Warmimar ist'atam laycu, uqhamaraqui “Janiw mank'ätati” siscsma uca kokan achupat mank'atamatjja, jichhajj orakejj jucham laycuw maldicitäni; wali ch'ama tucusaraquiw mank'añamjja achuyasïta, take jacañamanjja.

Génesis 39:7

mä kawkha tiempo pasipansti Potifaran warmipajj Josearuw uñch'ucjjäna, ucat mä urojj aqham säna: —Nayampi ict'ascam —sasa.

Génesis 6:2

Diosan wawanacapasti uca warminacan jiwaquïpjjatapwa uñjapjjäna. Ucatsti uca warminacwa catuntasipjjäna, ucanacampiw mayachasipjjaraquïna.

2 Samuel 11:2

Mä jayp'usti, Davidajj iquiñapat sartasinjj, palacio terraza patanwa sarnakascäna, ucatpachwa mä suma warmiru jarisisquiri uñjäna.

1 Reyes 13:19

Judá ucanquir profetajj jupamp chicawa sarawayäna, ucatsti mank'änwa, uqhamarac umaraquïna utapana.

Job 31:1

Nayajj maya amtasta, ucasti acawa: Janipuni soltera tawakonacarusa munapayañajja.

Ezequiel 24:16

“Qhitirutejj jumajj muncta ucarusti mayacwa apakäma. Ucampisa jan jachamti, janiraqui jaqhusimsa; jan jachanacamjja inamaya wartamti.

Ezequiel 24:21

‘Israel marcarojj parlam: Aqham siw Tatitojja: Nayasti templojj-jja taquisiraquïwa, jumanacasti uca templorojj wali munapjjtajja, wali uñch'uquipjjaractajja, uca templosti jumanacataquejj jach'a jach'a tucuñaraquiwa, jumanacan ch'amanacamaraquiwa; yokall wawanacama, imill wawanacama Jerusalén marcaru jaytanipctas ucanacajj jiwarayatäpjjaniwa.’

Ezequiel 24:25

“Jichhasti israelitanacatjja ch'amapjja apakäwa, uca ch'ama churiristi temploraquiwa; uca templon sumätapatsti jupanacajj walpun cusisipjje, uca templor uñch'uquiñaquiw jupanacarojj munasisqui uqhamaraqui wali uca templorojj munapjjaraqui. Yokall wawanacapsa, imill wawanacapsa jupanacatjja apakaraquïwa.

Oseas 6:7

“Ucampis marcajjajja Adán chachjamaraquiw arsutajjarojj jan phokquiti, janiraquiw nayatacjamäcaraquisa.

Mateo 5:28

Ucampis nayajj sapjjsmawa, qhititejj mä warmirojj munapayañataqui uñtejja, niyaw chuymapanjja jupampi wachoka juchjja lurjje.

1 Timoteo 2:14

Adanajj janiw sallkjatäcänti, jan ucasti warmiwa; sallkjayasisinsti jucharuw jalanti.

Josué 7:21

Jericó marcar mantasinjja, nayajj Babiloniat apanit mä suma manto aptasta, ucatsti mä kilo kollkempi, uqhamarac mä kori barrampi cawquïritï chica kilonïna uca. Ucanacsti sintpunwa munayäta ucat ucanac aptasinta. Jichhasti ucanacjja orakeruw carpajj mankhan allintta, kollkjja mankharu —sasa.

1 Juan 2:16

Take cuntejj acapachajj churañatac uñacht'ayqui ucajja, janiw Dios Awquit jutquiti, jan ucasti acapachatwa juti. Janchin jan wali munañanacapa, cuntejj nayrajj uñjquis ucansa munañanaca, jach'a jach'a tucuñanaca, take ucanacwa acapachajj churañ muni.

Jueces 14:17

Ucatsti Sansón chachan warmipajja pakallko urpacha fiestanwa chachap jac'anjja wali jachäna. Uqham sinti jachir uñjasinsti chachapajj juparu qhuyapt'ayasaw uca yatjjatañajj cun sañtejj munqui ucjja yatiyäna. Ucatsti warmipajja janc'aquiw marcanquirinacaparojja yatiyiri saräna.