Génesis 3:5 - Qullan Arunaca

⁵ Diosajj yatiwa, cunapachatejj jumanacajj uca kokan achunacapata mank'apjjasma ucqhajj yatipjjasmawa cunatejj asquïqui, uqhamarac ñankhäqui ucanacjja, ucatsti Diosjamäpjjasmawa —sasa.

Aymar Bibliia 1986

⁵ Diosajj yatiwa, cunapachatejj jumanacajj uca kokan achunacapata mank'apjjasma ucqhajj yatipjjasmawa cunatejj asquïqui, uqhamarac ñankhäqui ucanacjja, ucatsti Diosjamäpjjasmawa —sasa.

Qullan Arunaka DC

⁵ Diosax sum yati, kunapachatix jumanakax uka quqan achunakapat manq'apxasma ukkhaxa, kunatix askïki, kunatix ñanqhäki ukanak yatipxasma, ukatsti Diosjamäpxasmawa —sasa.

Génesis 3:5 Jak'a apnaqawi uñst'ayäwi

Génesis 2:17

ucampisa asqui uqhamarac ñankha yatiñ churir kokatjja janiw mank'ätati. Uca kokan achunacapjja jan mank'amti, mank'äta ucapachasti chekpachan jiwäta” sasa.

Génesis 2:9

Uqhamaraqui Diosajj take casta suma frutanac achuri kokanac jilayaraquïna, ucanacasti mank'añataquïnwa. Uca huerto taypirusti jacañ koka uscuraquïna, uqhamaraqui asquimpi ñankhampi yatiñ churir koka uscuraquïna.

Génesis 3:10

Jakesti saraquïnwa: —Huerton sarnakatam ist'ta, ucatsti ajjsarayätwa, k'alala uñjasitajj laycuw imantasjjaracta —sasa.

Génesis 3:22

Saraquïnwa: “Jichhajj jakejj jiwasat maynïcaspas uqhamaw tucjje, cunatejj asquïqui, uqhamarac cunatejj ñankhäqui ucsa yatjjaraquiwa. Jichhasti capasaquiw jacañ kokan achupatsa mank'antaspa, uqhamat wiñay jacañataqui” sasa.

Génesis 3:7

Ucspachaw nayranacapajj jist'artäna, ucatsti panpachaniw k'alaläsipcatap amuyasipjjäna. Uqhamasti higo kokan laphinacapwa ch'ucthapipjjäna, ucampiraquiw imjjatasipjjäna.

1 Reyes 22:6

Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

2 Crónicas 32:15

Ucampisa jan Ezequiasampi sallkjayasipjjamti, ni suma arunacapampisa; jan jupar iyawsapjjamti, uca marcanacana qhiti diosapasa jan ch'amanïcchi marcaparu khespiyañataqui, nayan ch'amajjata uqhamarac nayra awquinacajjatsa ucajja. Ucatsa juc'ampiwa jumanacan Diosamajja ch'amajjatjja janiw khespiyapcätamti” sasa.

Salmos 12:4

aqham sir jakenacarus tucusiyaraquim: “Lajjraw jiwasan ch'amasajja, lajjrasaw jiwasanacarojj arjjatistu, ¿qhitirac cun sistanisti” sasa.

Éxodo 20:7

“Janiwa Tatitu Diosaman sutipjja inamayataqui aytasïtati, jupasti inamay sutip aytasirirojj mutuyaquipuniniwa.

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Isaías 14:14

Kenayanacatsa juc'ampi altoruw maqhatä, jach'a Diosjamaraquiw tucü’ sasa.

Ezequiel 13:22

Jumanacajj c'arisiñanacamampejj asqui jakenacarojj llajlla tucuyapjjtajja, uca lurañsti janiw nayajj muncäyätti, ucampisa ñankha lurir jakenacarojj juc'ampi ch'amañcht'apjjaractajja juc'ampi jan wali luräwinaca lurapjjañanacapataqui, uqhamat nayajj jan jupanacaru jacañ churañajjataqui.

Ezequiel 28:12

“Jumasti, chacha, Tiro marcanquir reyitaquejj mä alma imäwi k'ochu k'ochuraquim. Jichhajj juparojj saraquim: ‘Aqham siw Tatitojja: Jumajj sinti asquipuniyätawa, yatiñampisa, sumäñampisa phokt'ata.

Ezequiel 28:2

“Jumasti, chacha, jichhajj Tiro marcan reyiparu saraquim: ‘Aqham siw Tatitojja: Chuymamajj jach'a jach'a tucuñampi phokhantatawa, mä diosäcasmas uqhamwa amuyasiractajja, diosanacan konuñapana kont'asiractajja, jach'a kotampi muyuntata. Ucampisa janiw diosäctati, jakequïtawa, mä diosan yatiñapat yatiñanïcasmas uqhamwa amuyasiractajja.

Ezequiel 28:9

Jichhasti ¿mä diosäcasmas uqham amuyasiscaquïtati, jumar jiwayiri jakenaca nayrakatancasasa? ¡Qhitinacatejj jiwarayapcätam uca nayrakatanjja, janiw jumajj cunäctasa, mä jisc'a jakequïtawa!

Ezequiel 29:3

Jupanacarusti saraquim: “Aqham siw Tatitojja: ¡Nayasti juman uñisirimaw tucuracta! Faraón, Egiptonquir rey, mä jach'a lak'or uñtataw jawiramana wincusctajja, ucatsti saractawa: Nilo jawirajj nayanquiwa, nayaw lurasta, sasa.

Daniel (hebreo) 4:30

ucapachaw jupajj säna: “Uñjapjjam, cunja jach'as Babilonia marcajja. Nayaw jach'a munañajjampi reinojjan jach'a marcapäñapataqui uqham lurayta, uqhamat nayan jach'a cancañajjat yatipjjañapataqui” sasa.

Daniel (hebreo) 6:7

Take jilïrinacasti, qhitinacatejj uca marca apnakapcän ucanacasti mä tantachasïwi lurapjjäna, uca tantachasïwinsti amtapjjänwa reyin mä arsüwi apsuñapataqui, uca arsüwisti aqhamäñapänwa: Quimsa tunca urunjja janipuni qhitis cuna casta diosatsa mayispati, ni cuna jakerusa, jan ucasti jach'a rey saparuqui mayispan. Qhititejj jani uca arsutaru phokcani ucajj, leonanacan putuparu jakontatäpan.

Mateo 6:23

Nayramatejj jan walïcchejja, take janchimajj ch'amacancaniwa. Juman utjquis uca khanamatejj ina ch'usa ch'amacaru tucuni ucajja ¡cunja lajjänisa uca ch'amacajja!

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina’ sasa.

2 Corintios 11:3

Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

2 Tesalonicenses 2:4

Acawa take cunatejj Diosancquis uca contra sayt'iri uñisirejja. Jupasti Diosan templopan kont'asiñcamaw puri Diosäcaspas uqhama, ucatsti jupa pachpaw Diosat uñt'ayasiraqui.

Apocalipsis 13:14

Nayrïri jach'a ajjsarcañ animal nayrakatana uca uñacht'äwi lurañapatac munañanïña churatätap tokesti, take aca oraken jaquirinacaruw sallkjäna. Ucatsti jakenacarojj mä c'ari diosa lurayaraquïna nayrïri jach'a ajjsarcañ animalar uñtata, cawquïritejj espadampi chhojjriñchjatäsina jacayascjjataynas ucar uñtata.

Apocalipsis 13:4

Dragonarusti yupaychapjjaraquïnwa uca jach'a ajjsarcañ animalaru munañanïña churatapata. Uca animalarus yupaychapjjaraquïnwa: “¿Qhitirac aca jach'a ajjsarcañ animaljamasti utjisti? ¿Qhitiraqui jupampisti nuwasiraquispasti?” sasa.

Jueces 3:2

Diosasti uqhamjja kheparayänwa qhitinacatejj nuwasiñanacana, jan nuwasipcäna, ucanacana nuwasiña yatekapjjañapataqui.