Génesis 3:5 - Qullan Arunaka DC

⁵ Diosax sum yati, kunapachatix jumanakax uka quqan achunakapat manq'apxasma ukkhaxa, kunatix askïki, kunatix ñanqhäki ukanak yatipxasma, ukatsti Diosjamäpxasmawa —sasa.

Aymar Bibliia 1986

⁵ Diosajj yatiwa, cunapachatejj jumanacajj uca kokan achunacapata mank'apjjasma ucqhajj yatipjjasmawa cunatejj asquïqui, uqhamarac ñankhäqui ucanacjja, ucatsti Diosjamäpjjasmawa —sasa.

Qullan Arunaca

⁵ Diosajj yatiwa, cunapachatejj jumanacajj uca kokan achunacapata mank'apjjasma ucqhajj yatipjjasmawa cunatejj asquïqui, uqhamarac ñankhäqui ucanacjja, ucatsti Diosjamäpjjasmawa —sasa.

Génesis 3:5 Jak'a apnaqawi uñst'ayäwi

Génesis 2:17

ukampisa askimpi, ñanqhampi yatiñ churir quqat janiw manq'ätati. Uka quqan achunakap jan manq'amti, manq'äta ukapachasti, chiqpachan jiwäta” sasa.

Génesis 2:9

Diosasti kunayman achunak churir suma quqanak jilayäna, ukanakasti manq'añatakïnwa. Achu churir quqanakan chika taypirusti jakañ quqa usküna, ukatsti askimpi ñanqhampi yatiñ churir quqa uskurakïna.

Génesis 3:10

Chachasti sänwa: —Aka chiqan sarnaqatam ist'ta, ukat axsarayasta, q'alala uñjasitax laykuw imantasxarakta —sasa.

Génesis 3:22

sarakïnwa: “Jichhax jaqix jiwasat maynïkaspas ukhamaw tukxi, kunatix askïki, ñanqhäkaraki uksa yatxiwa. Jichhasti jakañ quqan achupatsa manq'antapxakispawa, ukhamat wiñay jakañataki” sasa.

Génesis 3:7

Ukspachaw jupanakan nayranakapax jist'artäna, ukatsti panpachaniw q'alaläsipkatap amuyasipxäna. Ukhamasti higo quqan laphinakap ch'ukthapipxäna, ukampirakiw imxatasipxäna.

1 Reyes 22:6

Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

2 Crónicas 32:15

Ukhamasti, Ezequiasampix jan sallqjayasipxamti; juparux jan jaysapxamti, janiw markanakan khiti diosapas markaparux amparaxan ch'amapata, nayra awkinakaxan ch'amapat qhispiykiti, ukatsa juk'ampiw jumanakan Diosamax ch'amaxat jan qhispiyapkiristamti’ ” sasa.

Salmos 12:4

4 (5) khitinakatix sapxi: “Jiwasax arsuñatakix lakanïtanwa; wali sum arsuñ yattanxa. ¿Khitis apnaqistaspasti?” sasa.

Éxodo 20:7

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Isaías 14:14

Qinayanakatsa juk'ampi alayaruw makhatä, jach'a Diosjamarakiw tukü’ sasa.

Ezequiel 13:22

Jumanakasti k'arisiñanakamampix aski jaqinakarux llajlla tukuyapxtaxa, uk lurañsti janiw nayax munkäyätti, ñanqha lurir jaqinakarux juk'ampi jan wal lurapxañapatakiw ch'amachapxtaxa, ukhamat nayan mutuyäwixat jan qhispipxañapataki.

Ezequiel 28:12

“Jumasti Ezequiel, Tiro markan reyipatak amay imäwi q'uchu q'uchurapim, juparusti sarakim: “ ‘Tatitux akham siwa: Jumax taqi kunansa askipunïyätawa, yatiñampisa, sumäñampisa phuqt'ata.

Ezequiel 28:2

“Jumasti Ezequiel, jichhax Tiro markan reyipar sarakim: “ ‘Tatitux akham siwa: Chuymamax jach'a jach'a tukuñampi phuqhantatawa, mä diosäkasmas ukham amuyastaxa, diosanakan qunuñapan qunt'ata, jach'a qutampi muyuntata. Ukampis jumax janiw diosäktati, jan ukasti, mä jaqikïtawa, mä diosan yatiñapanïkasmas ukham amuyastaxa.

Ezequiel 28:9

Jichhasti, ¿jumar jiwayir jaqinak nayraqatankkasasti, mä diosäkasmas ukham amuyasiskakïtati? ¡Jiwayapkätam uka nayraqatanxa, janiw jumax kunäktasa, mä jisk'a jaqikïtawa!

Ezequiel 29:3

Jupanakarusti sarakim: “ ‘Tatitux akham siwa: Faraón, Egiptonkir rey, nayax juman uñisirimaruw tukta, jumasti mä jach'a katarir uñtataw jawiraman winkusktaxa, ukatsti saraktawa: Nilo jawirax nayankiwa, nayaw lurt'asta, sasa.

Daniel (hebreo) 4:30

30 (27) ukapachaw jupax säna: “Uñjapxam, kunja jach'as Babilonia markaxa. Nayaw jach'a ch'amaxamp apnaqäwixan jach'a markapäñapatak ukham lurayta, ukhamat nayan jach'a kankañaxat uñacht'ayañataki” sasa.

Daniel (hebreo) 6:7

7 (8) Taqpach jilïrinaka, aka marka apnaqirinakawa mä tantachasïwi lurapxi, uka tantachasïwinsti reyin mä arsüwi apsuñapatakiw amtapxi. Uka arsüwisti akhamäñapawa: Kimsa tunka urunxa janipun khitisa kuna diosarusa, kuna jaqirus yupaychpati, jan ukasti juma rey saparuki mayisitäpan. Khititix uka arsutaru jan phuqkani ukax, leonanakan putupar jaquntatäpan.

Mateo 6:23

ukampis nayramatix jan walïkchixa, taqi janchimax ch'amakankaniwa. Juman utjki uka qhanatix ch'amakar tukuni ukaxa, ¡kunja laxa ch'amakänisa!

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

2 Corintios 11:3

Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

2 Tesalonicenses 2:4

Jupax Diosan sutip apki ukanakatak sayt'ir uñisiriwa, janiw Diosan yupaychatäñap munkiti, ukhamarus jupax Diosan utapan qunuñap utt'ayasi, Diosäkaspas ukham tukusa.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 13:4

Taqiniw dragonarux yupaychapxäna, uka jach'a axsarkañ animalar munañanïñ kankañ churatapata; uka axsarkañ animalarux yupaychapxarakïnwa: “¿Khitirak aka jach'a axsarkañ animaljam utjisti? ¿Khitirak jupampi nuwasispasti?” sasa.

Jueces 3:2

Ukat Tatitux khitinakatix janipun nuwasïwinakankañ yatipkäna, ukanakan nuwasiñ yatiqapxañapatakiw jupanakar qhiparayäna.