Génesis 3:6 - Qullan Arunaka DC

⁶ Warmisti uka quqan achupan manqt'añatakisa, yatiñanïñatakisa sumätap uñkatäna. Ukhamasti jupax mä achu apaqasin manq'antäna. Ukatsti chachaparurakiw churäna, jupasti manq'antarakïnwa.

Aymar Bibliia 1986

⁶ Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Qullan Arunaca

⁶ Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Génesis 3:6 Jak'a apnaqawi uñst'ayäwi

Génesis 3:12

Chachasti sarakïnwa: —Nayamp chika jakañatak churkista uka warmiw uka quqan achup churitu, ukat nayax manq'antta —sasa.

Génesis 3:17

Chacharusti sarakïnwa: —Warmimar ist'atam layku, ukhamarak “Janiw manq'ätati” sisksma uka quqan achupat manq'atamatxa, jichhax jucham laykuw uraqix ñanqhachatäni; taqi jakawimanxa, wali ch'am tukusaw manq'añam achuyasïta.

Génesis 39:7

mä qawqha pachatsti, Potifaran warmipax Josearuw munapayäna, ukat mä urux jupar akham säna: —Jutam, nayampi ikiskañäni —sasa.

Génesis 6:2

Diosan wawanakapasti uka warminakan jiwakïpxatap uñjapxäna. Ukat uka warminak ajllisipxäna, ukanakampiw jaqichasipxäna.

2 Samuel 11:2

Mä jayp'usti, Davidax ikiñapat sartasin reyi uta terrazan sarnaqaskäna, ukatsti akatjamat mä wali suma uñnaqt'an warmir jarisiskir uñjäna. Uka warmisti ukkhakiw phaxsi wilapat q'umachasiskatayna. Davidasti uka warmit yatxatañ munasaw mayni uywatapar khithäna. Uywatasti kuttanisin yatiyxarakïnwa, uka warmin Betsabé sutinïtapa, Eliam jaqin phuchhapätapa, ukhamarak Urías sat mä hitita jaqin warmipätapa. Ukhamasti Davidax mayni jaqinak khithasin uka warmir irptayasinïna, ukatsti jupampiw ikintäna; uka qhipatsti warmix utaparuw kuttawayxäna.

1 Reyes 13:19

ukat jupamp chika utapar sarasax manq'äna, umarakïna.

Job 31:1

Naya pachpaw chuymaxan amtasta, mä tawaqur jan uñch'ukiñataki.

Ezequiel 24:16

“Ezequiel, warmimarux walpun munastaxa, ukampis mä akatjamat apaqäma. Ukhamasti janiw jachätati, janirakiw llakisïtasa.

Ezequiel 24:21

‘Israel markar parlam: Tatitux akham siwa: Nayasti qullan utaxa q'al tukjä, kawkïrtix wal munapkta, muspharañampi uñch'ukt'apxarakta, uka utaxat jach'a jach'as tukupkarakta uka uta; Jerusalén markar jaytanipkta uka yuqall wawanakamasa, imill wawanakamasa jiwarayatäpxaniwa.

Ezequiel 24:25

“ ‘Jichhasti israelitanakat ch'ama churir qullan utaxa apaqäwa; kawkïrirutix wal munapki, muspharañampi uñch'ukt'apkaraki, uka utaxat jach'a jach'as tukupkaraki uka uta; yuqall wawanakaparusa, imill wawanakaparus apaqarakïwa.

Oseas 6:7

“Ukampis markaxaxa, Adanjamarakiw arust'äwixarux jan phuqkiti, janirakiw nayatak chiqa chuymanïpkiti.

Mateo 5:28

Ukampis nayax sapxsmawa, khititix mä warmir munapayañatak uñtixa, niyaw chuymapan jupampix wachuq jucha lurxi.

1 Timoteo 2:14

Adanax janiw sallqjat uñjaskänti, jan ukasti, warmiw sallqjat uñjasïna, sallqjayasitapampiw juchar purïna.

Josué 7:21

Jericó markat yänak apsunktan uka taypin, Babiloniat apanit mä suma isi uñjta, ukhamarak pä patak qullqimpi, mä quri barrampi, tupupasti chika kilot jilänwa. Uka yänakasti chuymaxar purkirïnwa ukat apaqasta, ukatsti uraqiruw chhujllaxa manqhan allintta, qullqi juk'ampi manqharu uchasa —sasa.

1 Juan 2:16

Akapachax kuntix uñacht'ayki ukax janiw Dios Awkit jutkiti, jan ukasti akapachat sarti. Ukatsti akapachax akhamanak uñacht'ayi: janchin munañap lurañanaka, nayrampi uñtas munapayañanaka, qamir yänakat jach'a jach'a tukuñanaka.

Jueces 14:17

Ukampis Sansonan warmipax paqallqu urpachaw phuñchhäwin chachap jak'an jachäna, ukham sinti jachir uñjasin chachapax juparu khuyapt'ayasaw kuntix uka jiskt'ax sañ munki uk yatiyxäna. Ukatsti warmipax jank'akiw marka masinakapar yatiyir saräna.