Génesis 24:3 - Qullan Arunaca

³ ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

Aymar Bibliia 1986

³ ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

Qullan Arunaka DC

³ ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

Génesis 24:3 Jak'a apnaqawi uñst'ayäwi

Génesis 14:19

Abramarusti aca arunacampiw bendiciraquïna: “Alajjpachanquir Diosaw bendicïtam, jupasti alajjpacha, acapacha luririwa.

Génesis 14:22

Ucampis Abramajj saraquïnwa: —Alajjpacha, acapacha lurir jach'a Diosaruw juramentompi arsta,

Génesis 21:23

Uca laycu, jichhajj uca Diosam laycu mä juramento lurarapita aca chekana jan cuna ñankhsa nayaru, uqhamarac wawanacajjaru, wawanacajjan wawanacaparusa lurañamataqui. Cunjäma suma chuymampitejj nayajj jumar uñjcsma uqhamrac jumajj aca marcan jaquir jakenacajjampi luräta.

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 27:46

Ucjjarusti Rebecajj Isaacaruraquiw säna: —Karitäjjtwa aca hitita warminacampi jacañataquejja, cawquïrinacampitï Esaú yokasajj casarasqui ucanacampejja. Jacobotejj mä hitita warmimpi casarasiraquispajja, cawquïrinacatejj aca Canaán oraken jacapqui ucanacampi, ucapachajja walïspaw jiwjjañajjajja —sasa.

Génesis 28:1

Isaacasti ucapachajj Jacobor jawsasinjja bendicïnwa, ucatsti saraquïnwa: “Janipun aca Canaán oraken jaquir warminacampi casarasimti.

Génesis 28:8

Uqhamatwa Esaojj amuyasiraquïna awquipataquejj uca Canaán tokenquir warminacajj jan walïtapa.

Génesis 34:9

uqhamat familiachasjjañäni; uqhamaraquiw nanacajj phuchanacamampi casarasipjjä, jumanacasti phuchanacajjampiraqui.

Génesis 38:2

Uca chekansti, Judá chachajj Súa sat cananeo jaken phuchaparuw uñjäna, ucatsti jupampiw casarasjjäna.

Génesis 47:31

—Uqhamajj juramento lurarapita —sasaw awquipajj saraquïna. Joseasti juramento luräna, ucatsti Israelajj ch'ijmapjjaruw jipt'awayäna.

Génesis 50:25

Ucatsti Israelan wawanacaparojj mä juramento lurayi, saraquïnwa: “Chekpachansa Diosaw jumanacar yanapir jutani. Uca urusti jumanacajj nayan ch'aqhanacajj-jja apasjjapjjätaw acatjja” sasa.

Génesis 6:2

Diosan wawanacapasti uca warminacan jiwaquïpjjatapwa uñjapjjäna. Ucatsti uca warminacwa catuntasipjjäna, ucanacampiw mayachasipjjaraquïna.

Génesis 6:4

Cunapachatejj Diosan wawanacapajj jakenacan phuchanacapampi wawanïñataqui mayachasjjapjjän ucqhajj wali jach'a jakenacaw orakenjja uñstäna, uca khepatsa uqhamaraqui, jupanacasti wali ch'amani jakenacänwa nuwasiñataquejja, wali aytata jakenacänwa uca nayra tiemponjja.

2 Reyes 19:15

oracionwa luräna, aqham sasa: “Israelan Tatit Diosapa, jumajj querubines sat angelanacjjaru trononïtawa: Juma sapaquïtawa aca orakena take acapachan Diosapajja; jumaraquiw alajjpachsa acapachsa lurtajja.

2 Crónicas 2:12

Ucjjarusti sascaquïnwa: “¡Israelan Tatit Diosapajj bendicitäpan, jupaw alajjpachsa acapachsa luri, juparaquiw David reyirojj churaraqui mä wali yatiñan wawa, uqhamarac yatichata, ch'iqhiraqui, jupasti Tatitutaquejj mä templo lurayani, uqhamarac mä palacio jupa pachpataquisa lurayasiraquini!

Esdras 5:11

Ucatsti jupanacajj sapjjetänwa: ‘Nanacajj alajjpachanquiri, acapachanquiri Diosaruw yupaychapjjta, ucatsti cawquïr templo lurapctjja ucajja walja maranaca nayrawa take phokhata luratäna Israelan mä jach'a reyipana’ sasa.

Nehemías 13:25

Ucatsti jupanacarojj tokenokaraquictwa, uqhamarac maldiciractwa. Yakhepanacarusti nuwjtwa, uqhamarac ñic'utanacapsa jiq'iraractwa, ucatsti wayt'aractwa Dios laycu juramento lurapjjañapataqui janipuni casarapjjañapataqui yokanacaparusa ni phuchhanacaparusa yakha marcat jutir jakenacampi, ni iyawsapjjañapäquisa yokanacapan warminacapataquejja, ni jupanac pachpa yokanacapataquis iyawsapjjañapäquiti jupanacan phuchanacapa. Ucjjarusti saractwa:

Nehemías 9:6

Ucatjja Esdrasajj saraquïnwa: “Jumaquïtawa Tatitojja, uqhamarac janiw yakha Diosajj utjquiti. Jumaraquiw alajjpachsa lurtajja, uqhamarac alajjpachata juc'amp altoncqui ucsa, ucatsti take warawaranacsa; jumaraquiw oraksa lurtajja take cunatejj ucan utjqui ucanacamppachsa, jach'a kotanacsa, uqhamarac cunatejj ucan utjqui take ucanacsa. Jumaw take cunanacarus jacaña churtajja. Ucataracwa alajjpachanquir angelanacas jumar yupaychapjjtamjja.

Salmos 115:15

Alajjpach acapach lurir Tatitojj asquinacapay jumanacar churpan.

Salmos 136:26

Alajjpachanquir Diosar yuspagarapjjam, qhuyapayasiñapajj wiñayawa.

Éxodo 20:7

“Janiwa Tatitu Diosaman sutipjja inamayataqui aytasïtati, jupasti inamay sutip aytasirirojj mutuyaquipuniniwa.

Éxodo 22:11

uywanac catuyatäqui uca jakejja Tatitun sutiparuw juramento lurañapa, masipajj catuyasqui uca uywa jan imantatapa, ni uñjatapatsa. Ucampis uywanejj arunacaparojj iyawsañaparaquiwa, ucatsti maynejja janiw cunsa pagañapäquiti.

Éxodo 23:13

“Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.

Éxodo 34:16

Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Isaías 45:23

Naya quipcaw juramentompi arsta, atipjañataquiw arsuracta, uca arsutajjasti phokhasipuniniwa. Naya nayrakatanwa take jakenacajj quillt'asipjjani, takenis nayjjat parlapjjaraquini,

Isaías 48:1

“Jacobon familiapa, ist'apjjam aca arunaca, jumajj Israel suti aptajja, Judá chachat sarakeriraquïtawa; Tatitun sutipjjaruraquiw juramento lurtajja; Israelan Diosaparuraquiw art'astajja, ucampis janiw cheka chuymamajj utjquiti ni asquïcaractasa;

Isaías 65:16

Qhititejj aca marcan mä bendición mayiñ munanejja, chekpacha asqui Diosaruw mayiraquini; aca marcan mä juramento luriristi, cheka asqui Diosan sutipjjaruw luraraquini. Nayra t'akhesïwinacasti armatäjjewa, nayrakatajjatsti chhaktjjaraquiwa.

Jeremías 10:11

(Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Jeremías 12:16

Jupanacaw marcajjaru Baal diosataqui juramento lurañsa yatichapjjejja, ucampisa jichhajj marcajj taypinjja utjnokasjjapjjaniwa, sititejj marcajjan Diosaparu yupaychañataqui catokapjjani, sutejjaruraqui jurapjjani sasa: ‘Tatitojj jacasquiwa’ sasa.

Jeremías 29:6

Casarasipjjam, ucatsti yokanacanïpjjam uqhamaraqui phuchanacanïpjjam, jupanacasti casarasipjjaracpan ucatsti wawanacanïpjjaracpan. Uca marcansti mirantapjjaraquim, jani juc'aniru tucupjjamti.

Jeremías 4:2

sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Levítico 19:12

“Jan c'ari arsüwinac nayan sutejjaru luramti, uqham lurasajj Tatitu Diosaman sutipwa ñankhachtajja. Nayätwa Tatitojja.

Sofonías 1:5

Uqhamaraquiwa tucjaraquï cawquïri jakenacatï uta patanacar mistusina warawaranacar yupaychapqui ucanacarusa, ucatsti cawquïri jakenacatï quillt'asisina juramento lurapqui nayan sutejja aytasisina, uqhamarac Milcom sat diosan sutip aytasisasa, ucanacarojja.

Números 5:21

ucapachasti Tatitojj jumarojj take jakenac nayrakatana maldispan, uqhamarac puracamas p'usutataracpan, wawamas puracamanjja usuchjata naciñapataqui.

1 Corintios 7:39

Casada warmejja leyirjamajja chachapampi jacañapataquiwa; chacha jiwjjatatsti jupajj librëjjewa qhitimpi casarasiñataquisa, iyawsiric iyawsirïpajja.

Deuteronomio 10:20

“Tatitu Diosamarojj jach'añchapjjam, yupaychapjjaraquim jupa saparuqui servipjjam; ucatsti cunapachatï juramento lurapjjäta ucqhasti Diosan sutipjjaru lurapjjaraquim.

Deuteronomio 6:13

Jach'añchapjjam jumanacan Tatitu Diosamaru, jupa saparuquiraqui yupaychapjjam, ucatsti cunapachatï juramento lurapjjät ucqhajj Tatitu Diosan sutip aytasisina lurapjjaraquim.

Hebreos 6:16

Cunapachatï jakenacajj juramento lurapjjejja, jupanacat mayni jilïritwa lurapjje. Cunapachatejj juramentomp cuns arsupjje ucqhajja, janiw juc'amp cuna parlañas utjcjjeti.

Josué 2:12

ucatwa jichhajj mayipjjsma, Dios nayrakatana juramentompi sawayapjjeta familiajjaru munasiñampi uñjapjjañamataqui, cunjämtï nayajj jumanacat qhuyapayasipjjsma uqhama,

Jueces 14:3

Ucat awquinacapasti saraquïnwa: —¿Conataquisa jumajj uca filisteo jucharar jakenac taypiru warmi thakher sarta? ¿Janiti warmejj utjqui jiwas familiasa taypinjja, uqhamarac israelitanac taypinsa? —sasa. Sansón chachasti saraquïnwa: —Uca tawakoruw nayajj wali munta, juparuy jicjjatt'arapipjjeta warmejjataqui —sasa.

1 Samuel 20:17

Jonatanasti Davidaru sinti munatap laycojja, wasitatwa juramento lurarapïna, jupa quipcarjamaraqui munasitap laycu.

1 Samuel 30:15

Davidasti saraquïnwa: —¿Uca lunthata jakenacan ucaru irpitasmati? —sasa. Ucat egipcio jakejj saraquïna: —Jumatejj Diosan sutipjjaru juramento lurarapitäta, ucatsti janiraqui uywirejjarusa catuycaraquitäta, ni jiwaycaraquitätasa, ucapachajj nayajj cawqhancapquitejj jupanacajj ucacamaw irpäma —sasa.