Génesis 24:4 - Qullan Arunaca

⁴ jan ucasti orakejjaruw saräta, ucatsti mä warmi jupataquejj ajllinirapïta nayan familianacajj taypita —sasa.

Aymar Bibliia 1986

⁴ jan ucasti orakejjaruw saräta, ucatsti mä warmi jupataquejj ajllinirapïta nayan familianacajj taypita —sasa.

Qullan Arunaka DC

⁴ uraqixaruw saräta, ukansti nayan wila masinakax taypit jupatak mä warmi ajllinirapïta —sasa.

Génesis 24:4 Jak'a apnaqawi uñst'ayäwi

Génesis 11:25

Uca khepatsti Nacorajj pataca tunca llätuncani marampwa jacascäna, yokanacani, phuchanacan cuna.

Génesis 12:1

Mä urusti Tatitu Diosajj Abramarojj aqham sänwa: “Orakem apanucuwayjjam, familianacamsa, uqhamarac awquiman utapsa, cawquïr oraktejj nayajj uñacht'aycäm ucar sarjjañataqui.

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 24:38

awquejjan familiapan ucar saram, ucatsti familiajj taypit mä warmi wawajjataquejj thakhanirapim’ sasa.

Génesis 24:5

Sirviristi saraquïnwa: —Ucampisa warmitejj jan jutañ muncan ucqhajj, ¿cunsa luräjja? ¿Jan ucqhajj yokamcha, cawqui marcattï mistuncta ucar irpäjja? —sasa.

Génesis 28:1

Isaacasti ucapachajj Jacobor jawsasinjja bendicïnwa, ucatsti saraquïnwa: “Janipun aca Canaán oraken jaquir warminacampi casarasimti.

Génesis 28:2

Padan-aram sata oraker sarjjam Betuel achachilaman utaparu, ucansti Labán tioman mä phuchapampi casarasim.

2 Crónicas 24:3

Joiada sacerdotesti juparojj pä warmimpiwa casaräna, uca pani warminacapatwa Joás reyejj yokanacani, phuchanacanïna.

Hebreos 11:15

Jupanacatejj cawqha orakettejj mistunipqui ucat lup'isipcasapäna ucqhajja, pachpa orakeparuw cutt'apjjasapäna.

Jueces 14:3

Ucat awquinacapasti saraquïnwa: —¿Conataquisa jumajj uca filisteo jucharar jakenac taypiru warmi thakher sarta? ¿Janiti warmejj utjqui jiwas familiasa taypinjja, uqhamarac israelitanac taypinsa? —sasa. Sansón chachasti saraquïnwa: —Uca tawakoruw nayajj wali munta, juparuy jicjjatt'arapipjjeta warmejjataqui —sasa.