Génesis 24:3 - Qullan Arunaka DC

³ ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

Aymar Bibliia 1986

³ ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

Qullan Arunaca

³ ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

Génesis 24:3 Jak'a apnaqawi uñst'ayäwi

Génesis 14:19

Ukatsti Abram chacharuw aka arunakampi aski waxt'äwi churäna: “Alaxpachankir Diosaw aski waxt'äwinak churätam, jupasti alaxpacha, akapacha luririwa;

Génesis 14:22

Ukampis Abram chachax sarakïnwa: —Alaxpacha, akapach lurir jach'a Diosaruw juramentompi arsta,

Génesis 21:23

Ukhamasti, Dios nayraqatan jichhpach mä juramento lurarapita, jan kuna ñanqhsa nayarusa, wawanakaxarusa, wawanakaxan wawanakaparusa luraskañamataki. Kunjäm suma chuymampitix nayax jumar uñjksma ukham uñjitäta, kawkïr markar jakiritix jutkta uka markankir jaqinakampix ukhamarak luräta.

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 27:46

Rebecasti Isaacar sarakïnwa: —Aka hitita warminakampi jakañata qaritäxtwa, kawkïrinakampitix Esaú yuqasax jaqichaski ukanakampi. Janiw jakañsa munkxtti. Jacobutix aka Canaán uraqin utjir warminak taypit mayni hitita warmimpi jaqichasispa ukasti, ¡jiwxañaxakiw walïxaspa! —sasa.

Génesis 28:1

Ukatsti Isaacax Jacoburuw jawsayanïna, juparusti aski waxt'äwinak churasin sarakïna: “Aka Canaán uraqinkir warminakampix janipun jaqichasimti.

Génesis 28:8

Ukhamat Esaux amuyasirakïna, awkipatakix Canaán uraqinkir warminakan jan walïtapa.

Génesis 34:9

ukhamat jumanakax nanakan wila masixa tukupxäta; ukhamat nanakas phuchhanakamampi jaqichasipxä, jumanakas phuchhanakaxampi jaqichasipxarakïta.

Génesis 38:2

Uka chiqansti Judá chachax Súa sat cananeo jaqin phuchhaparuw uñt'äna, ukatsti jupampiw jaqichasxäna. Uka qhipatsti,

Génesis 47:31

Ukampis awkipax saskakïnwa: —¡Juramento lurarapita! —sasa. Joseasti juramento lurarapïna, ukatsti Jacob awkipax ch'ijmapxaruw alt'awayäna.

Génesis 50:25

Ukatsti Israelan wawanakaparux mä juramento lurayäna, sarakïnwa: “Chiqpachansa Diosaw jumanakar yanapt'ir jutani. Uka urusti jumanakax nayan ch'akhanakax akat apasxapxätawa” sasa.

Génesis 6:2

Diosan wawanakapasti uka warminakan jiwakïpxatap uñjapxäna. Ukat uka warminak ajllisipxäna, ukanakampiw jaqichasipxäna.

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

2 Reyes 19:15

Tatitut mayisïna akham sasa: “Israelan Tatit Diosapay, juman reyi qunuñamax querubines sat chhiqhaninakxankiwa: juma sapakïtaw aka uraqin utjir marka apnaqäwinakan Diosapaxa; jumarakiw alaxpachsa, akapachsa lurtaxa.

2 Crónicas 2:12

12 (11) Ukxarusti saskakïnwa: “¡Israelan Tatit Diosapax qullanäpan, jupaw alaxpachsa akapachsa luri, juparakiw David reyirux wali yatiñani, ch'ikhi kankañan wawa apayi, Tatitutakisti mä uta lurayani, jupatakisti uta lurayasirakini!

Esdras 5:11

Jupanakasti sapxituwa: ‘Nanakax taqi ch'aman Tatituruw yupaychapxta, kawkïr uttix wasitat lurapkta ukax nayra maranakan Israelan mä jach'a reyipaw taqpach luräna’ sasa.

Nehemías 13:25

Ukat jupanakar tuqinuqta, ñanqhacharakta. Yaqhipanakarusti nuwjtwa, ñik'utanakap jik'irarakta, ukatsti Tatit layku juramento lurañapatakiw wayt'arakta, jupanakasa, yuqanakapasa, phuchhanakapas janipun yaqha markat jutir jaqinakamp jaqichasiñapataki. Ukxarusti saskaktwa:

Nehemías 9:6

Esdrasasti sarakïnwa: “Jumakïtaw Tatituxa, janiw yaqha Diosax utjkiti. Jumaw alaxpachsa, alaxpachat juk'amp amstankki uksa, taqi warawaranaksa lurtaxa; jumarakiw uraqsa lurtaxa taqi kunatix ukan utjki ukanakamppacha, jach'a qutanaksa, ukhamarak kunatix ukan utjki taqi ukanaksa. Jumaw taqi kunanakarus jakañ churtaxa. Ukatarak alaxpachankir warawaranakas yupaychapxtamxa.

Salmos 115:15

¡Alaxpach akapach lurir Tatitux askinakapay jumanakar churpan!

Salmos 136:26

¡Alaxpachankir Diosar yuspagarapxam, munasiñapax wiñayawa!

Éxodo 20:7

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Éxodo 22:11

11 (10) uywanak katt'ayatäki uka jaqix uywanitakiw Tatitun sutipxar juramento lurarapini, masipax katuyaski uka uywanak jan imantatapa, jan uñjatapa. Uywanix arunakapar iyawsañaparakiwa, uywa katur jaqix janiw kuna qullqsa churañapäkiti.

Éxodo 23:13

“Taqi aka kamachinak phuqhapxam, ukatsti janipun yaqha diosanakar yanap mayipxamti; sutipsa aytasipxamti.

Éxodo 34:16

jan ukax, phuchhanakap jumanakan yuqanakamampiw jaqichapxaspa, ukatsti juchanak lurasa diosanakapar yupaychapxaspa ukapachasti, diosanakaparuw yuqanakamax yupaychapxarakispa.

Isaías 45:23

Kuntix siskta ukax chiqapawa, uka arsutaxasti phuqhasipuniniwa. Naya nayraqatan taqi jaqinakax killt'asipxani, nayarukiw yupaychapxitani. Kuntix nayax arskta ukax ukhamapunïniwa.

Isaías 48:1

“Jacobun wila masipa, aka arunak ist'apxam, jumax Israel suti aptaxa, Judá chachat saraqirïtawa; Tatitun sutipxaruw juramento lurtaxa; Israelan Diosaparuw art'astaxa, ukampis janiw chiqa chuymamax utjkiti, janirakiw askïktasa;

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Jeremías 10:11

(Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Jeremías 29:6

Jaqichasipxam, ukatsti wawanakanïpxam, jupanakasti jaqichasipxpan ukatsti wawanakanïpxarakpan. Uka markansti waljaniptapxam, janirak juk'anir tukupxamti.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Levítico 19:12

“K'ari arsüwinak nayan sutixar jan luramti, ukham lurasax Tatit Diosaman sutip ñanqhachtaxa. Nayätwa Tatituxa.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Números 5:21

ukapachasti, Tatitux marka nayraqatan jumar ñanqhachpan, purakamas ch'itkatpan, janirak wawanïkamsa.

1 Corintios 7:39

Chachan warmix chachapan jakañapkamax chachapamp jakañapawa; chachap jiwxatatsti, jupax khitimpitix munki ukampix jaqichasiskaspawa, iyawsirik Cristor iyawsirïpaxa.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Deuteronomio 6:13

Ukhamasti, jumanakan Tatit Diosamar yupaychapxam, jupa saparukirak luqtapxam, ukatsti kunapachatix juramento lurapkäta ukkhaxa, Tatitun sutipxaruk lurapxam.

Hebreos 6:16

Jaqinakax juramento lurapki ukkhaxa, jupanakat sipan jilïr laykuw lurapxi, kunapachatix juramentompi arsupki ukkhasti, janiw juk'amp kuna arsuñas utjkxiti.

Josué 2:12

Ukat jichhax jumanakar mayipxsma, akawjanpach Tatitun sutipxar juramento lurapxañamataki, wila masinakaxar khuyapayasiñampi uñjapxañamataki, kamisatix nayax jumanakat khuyapayaskta ukhama. Jumanakan chiqa chuymanïpxatam uñacht'ayapxita,

Jueces 14:3

Ukampis awkip taykapax sänwa: —¿Kunatarak jumasti uka filisteo jucharar jaqinak taypiru warmi thaqhir sartasti? ¿Janit warmix wila masinakas taypina, jan ukax israelitanak taypin utjkisti? —sasa. Sansonasti sänwa: —Uka tawaquruw walpun munta, nayan warmixäñapatak irpaqanirapipxita —sasa.

1 Samuel 20:17

Jonatanasti Davidaru taqi chuymampi munasitap laykux wasitat juramento lurarapïna.

1 Samuel 30:15

Davidasti jiskt'askakïnwa: —¿Uka lunthata jaqinakan ukar irpitasmati? —sasa. Ukat egipcio jaqix sarakïna: —Jumatix Tatitun sutipxaru juramento lurarapitasma nayar jan jiwayañamataki, uywirixarus jan katuyañamataki, ukkhax nayax kawkhankapkitix jupanakax ukakamaw irpäma —sasa.