Génesis 17:13 - Qullan Arunaca

¹³ Maynisa, maynisa circuncidatäñapapuniwa. Uqhamaw nayan arust'äwejjajj jumanacan janchiman mä chimpüniwa, wiñayataqui mä arust'äwiscapas uqhama.

Aymar Bibliia 1986

¹³ Maynisa, maynisa circuncidatäñapapuniwa. Uqhamaw nayan arust'äwejjajj jumanacan janchiman mä chimpüniwa, wiñayataqui mä arust'äwiscapas uqhama.

Qullan Arunaka DC

¹³ Taqi yuqall wawapuniw circuncisión katuqañapa. Ukhamaw nayan arust'äwixax jumanakan janchiman chimpuntatäni, wiñayataki mä arust'äwjama.

Génesis 17:13 Jak'a apnaqawi uñst'ayäwi

Génesis 14:14

Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

Génesis 17:7

Cuna arust'äwtejj jumampi, uqhamarac acat kheparusa wawanacamampi lurcta ucajj acawa: Nayajj juman Diosamapunïyäwa, uqhamaraqui wawanacaman Diosapäyäwa, wiñayataqui.

Génesis 37:27

Walïspaw qhaya ismaelit jakenacaru aljañasajja, jiwayañat sipansa, cunäpasa, jupajj jiwasan jilasächejjaya —sasa. Jilanacapasti “Waliquiw” sapjjaraquïnwa.

Génesis 37:36

Egiptor purisinsti, madianita jakenacajj Josearojj Potifar sat oficialaruw alj-jjapjjäna, jupasti Egiptonquir faraón reyin guardiapan capitanapänwa.

Génesis 39:1

Cunapachatejj Joseajj Egiptor apatäcän ucqhajj, mä egipcio jakew alasitaynajja ismaelit jakenacatjja. Uca jakesti Potifar satänwa. Jupasti faraonan palaciopanjja wali aytat jakënwa, guardiapan capitanaparaqui.

Génesis 9:16

Cunapachatejj cürmejj kenay taypin uñstani ucapachajj nayajj amtasïwa cuna amtäwtejj take jakenacampi, uqhamarac take aca oraken utjir animalanacampi lurcta ucata.

Nehemías 5:5

Ucatsti marca masinacajjasa, nanacasa mä castat jutircamaquïpjjtwa; nanacan wawanacajjasti janiw cunansa mayjäquiti jupanacan wawanacapatjja. Ucampisa wawanacajjarojja esclavöñataqui catuyañawa wact'apjjetu. Chekpachanwa yakhep imill wawanacajjasa esclavöjjapjjewa, nanacasti jarc'añataquejja janiw cunsa camachapquiristti, nanacan orakenacajjasa, uva yapunacajjasa yakha jakenacancjjatap laycu” sasa.

Nehemías 5:8

Ucatsti jupanacarojj sistwa: —Nanacajj cawqhacamatejj ch'amanacajjajj utjqui ucqhacamaw jiwasa marca masi judío jakenacar cutsuyanipjjta, qhitinacatejj jucharar marcanacar aljatäpcäna ucanacaru; ucatsti jichhajj ¿wastatampiti jupanacar aljapjjta nanacan cutsuyaniñataqui? —sasa. Ucatsti jupanacajj amuquïpjjänwa, janiraquiw camscjjapjjänsa.

Éxodo 12:44

Ucampis cawquïr kollkempi alat sirviritejj nayrakata circuncidatäqui ucaquiwa ucjja mank'añapajja.

Éxodo 21:16

“Uca quipcaraqui qhititejj mä jake lunthatasin aljcani jan ucajj utapansa jicjjatatäcani ucajja jiwañaparaquiquiwa.

Éxodo 21:2

“Mä hebreo sirvirtejj aläta ucajja sojjta maraw irnakañapa, ucampis pakallko maranjja librëjjañapawa janiw cunsa pagañapäquiti librëjjatapatjja.

Éxodo 21:4

Ucampis uywiripatejj warmi churchïna, ucatsti uca warmejj jupatac wawanacanïchi ucajja, warmimpi wawanacampejj uywirimpiw kheparjjañapa, sirviristi chacha sapaquiw sarjjañapajja.

Levítico 22:11

“Sacerdotetejj mä esclavo kollkepampi alasini, ucapachasti uca esclavojj uca kollana yänacat mank'ascaraquiniwa. Uqhamarac cawquïrinacatejj sacerdoten utapana nacipqui ucanacasa uca kollana yänacatjja mank'ascaraquiniwa.

Mateo 18:25

Uca sirviristi janiw cunampis phokherjamäcänti. Reyejj ucjjarojj siwa: ‘Warmipamppach wawanacapamppach take cunanacapamppach esclavot aljantatäpan, uqhamat uca manupajj phokhatäñapataqui’ sasa.